Kinh tế ban raya Hồ Chí Minh rilo mbang tagok glaong

Di mbang nyaom ka 16 hu peih tabiak di dah page ini, Ủy ban thường vụ Quốc hội hu njauk gauk brei ka Ban raya Hồ Chí Minh dui atah tukvak peih ngak Sarak 54 veik sa thun tra, tal harei 31/12/2023. Dalam 5 thun peih ngak Sarak, kaoh tabiak tukvak njauk jit ruak Covid-19, kinh tế ban raya Hồ Chí Minh rilo mbang tagok glaong. Bruk njauk mayai nan lac, sarak ka bruk khik ramik taneh riya hu rik tame bruk jhul samar peih ngak dom danak dak, khik tani tanat jalan pandar taneh yaok thun, ngak jeng prein khang cak rok patagok kinh tế - xã hội di ban raya HCM. 

Di tuk pahadar 75 thun Điện ảnh cách mạng Bưng Biền- Nam Bộ (15/10/1947 – 15/10/2022), mesup ini (12/10), Sang ilamu Điện ảnh di TP.HCM pambuak bruk haong Gilang tapuk Khoa học Tổng hợp ban raya peih parang iek “75 thun Điện ảnh cách mạng Bưng Biền-Nam Bộ”. Parang iek hu parang tabiak, yaih khan yaok ratuh blah thaot, harak gar ka điện ảnh cách mạng Nam Bộ vaktu 1947- 1952; dom harak, tapuk, báo, tài liệu...ka bruk mesruh di bhap bini Nam Bộ vaktu 1945 – 1954 saong ilamu Nam Bộ... 75 thun dahlau, di Chiến khu Bưng Biền Đồng Tháp Mười, Kapul Nhiếp-Điện ảnh di Phòng Chính trị, Bộ Tư lệnh Khu 8 hu padang tagok, peih tabiak jalan padang Điện ảnh cách mạng di Nam Bộ, rik daong ngak brei hadah hadai sajarah hào hùng di văn nghệ cách mạng di taneh ia drei.

Yaom padai pablei tabiak daok trun ngak ka urang nong di Bà Rịa - Vũng Tàu ka oh trun pajaih vụ 3, rilo baoh sang klak hamu atau salih tapa pala njam patam. Tui mikva brei thau lac, dom thun dahlau, yaom phun jien ngak 1ha padai tui kuhria meng 15-17 triệu đồng ye urak ini ngak 1ha padai abih rilo jang meng 3-5 triệu đồng. Hợp tác xã Ngak nong An Nhứt, huyện Long Điền hu labaih 220 ha padai 3 vụ, yaok thun, mikva trun pajaih vụ 3 hu labaih 1 bilan. Min, thun ini taong abih tih dom urang dalam HTX klak vụ 3 saong ngak pasiam veik taneh piah caga ka vụ Đông Xuân aval jang.

Ia ndik gam haong triều cường dalam dom harei tapa di ban Cần Thơ ngak srau kadau tal raidiuk di bhap bini saong mbuan ngak kan kandah tal jiak 8.197 ha taneh ngak nong di tapen tasik. Anak bruk yau nan, ban Cần Thơ hu ba menuac mai daong puk palei khik caga taneh ngak nong. Dalam nan pataom tame khik caga bein phun mbang baoh, njam patam, bhum padai oh ka yuak, bhum raong kaya ikan, abih di nyu lac khik caga dom kaoh plaih glut jaleih dom ar pacang, khik caga raidiuk bhap bini.

Di ĐBSCL, rilo kraong di gah la yam tapa tanut báo động 3. Tui Jabat kuhria mboh dahlau bruk langik tasik gah maraong, ia di jaik abih dom bilai bhum gah la dom kraong di Gah maraong tagok samar tui tukvak di ia ndik tagok di bilan 9 saka ia bilan, pambuak gam jalan ia duac meng gah angaok nan ye ia tagok glaong abih dalam 2 harei tapa. Harei ini, ia daok tagok glaong, rilo labik digah mala saong bhum tapen tasik ia daok di tanut jaik samu atau glaong jang báo động 3.

Jien Yên Japon harei ini daok lahik yaom, 1 đô la Mỹ salih hu 146.24 Yên. Yau nan, jien Yên hu yaom biar abih kuhria dalam 24 thun tapa. Tui chuyên gia Japon, meneing makna lac kayua bruk ngak di Mỹ daok kan kandah saong bruk catang tagok di Nga haong Ucraine. Gilang pariak negar Japon jeng hu dom jalan ngak piah tani tanat darak pasar ngoại hối, gam haong nan jeng hu panuac kakei dom urang đầu tư sangka tal jalan buh jien tame ngak mbang dalam tukvak yau urak ini.

Dom urang ngak praong Nam Sudan brei thau lac hu takik di nyu 25 urang metai dalam mbang taong gauk di 2 kapul bhap bini daok di gah Barak taneh ia châu Phi ini, mai meng bruk meriak gauk jalan pacang cakak 2 labik ini. Taong paoh gauk bhian ba tal bruk metai manuac di dom bhum di Nam Sudan, labik dom bruk mesuh gauk bhian mai meng meriak gauk ka labik palao athur, pala drak, halau ia saong dom kaya pandap karei. Bruk chính trị srau kadau di taneh ia ini bhian ngak brei trak damak jang veik dom bruk meriak gauk, ba tal taong paoh gauk.

Radaih taxi par kayua 1 hãng ngak radaih điện tử Trung Quốc ngak tabiak hu peih iek mbang camereip abih di Dubai, Dom Tiểu vương quốc Arab Thống nhất (UAE). Ini lac janih radaih ô tô par, hu dua labik daok, par tagok saong par trun tui jalan tapak meng điện (eVTOL), hu par tagok meng 8 candaih cadik hu 2 seok di yaok kieng di radaih. Anak tal, dom radaih taxi par meda pajeng tuai dalam ban bo oh daok huac gar jalan./.

Urang lang: Thu Thao & M. Phuong – 12/10