Dom urang ilamu gah pambuak tal jeng hu da-a tame nyaom biai

Dalam 2 harei, harei ini saong harei paguh, di Sang QH, UBTVQH peih Nyaom biai urang QH ngak bruk chuyen trach piah ginum biai, brei panuac ka 6 danak dak hukum, 1 dự thảo sarak pok tagok QH di mbang nyaom ka 4 peih ngak di bilan 10 anak tal. Tui bruk ba tabiak, dom urang QH nngak bruk oh chuyên jeng brei tut angan tame nyaom biai piah ginum ka dom asar kadha bo urang QH sangka caik hatai. Langiu dom chuyen gia, dom urang ilamu gah pambuak tal ( tui tacei pato di urang ngak praong di QH saong tui tacei pato di dom jabat ngak bruk ka asar kadha) jeng hu da-a tame nyaom biai.

Di mbang họp báo yaok bilan rajaei bilan 8 rah tabiak di beir harei 6/9, Trung tướng Tô Ân Xô, Chánh Văn phòng, urang brei panuac di mintri Công an, brei thau, tui hukum Cư trú 2020, meng harei 1/7/2021 mintri Công an oh ngak sổ hộ khẩu bahrau song oh ngak veik sổ hộ khẩu. Dom sổ hộ khẩu klak dok hu pandar song hu yaom yau harak gar, tài liệu brei thau ka labik dok mbiah tal abih harei 31/12/2022. Hadar veik panuac jalei di akaok mintri Công an Tô Lâm di nyaom biai Ủy ban Thường vụ Quốc hội, ong Xô brei thau mintri Công an oh hu sarak mek veik sổ hộ khẩu bo pataom mek veik sổ hộ khẩu tuk bhap bini khin pabak , rami ramik veik labik dok, nhập tame cơ sở dữ liệu pakat negar.

Pahadar 77 thun harei padang Rayo sap ndem Viet Nam (7/9/1945 – 7/9/2022), melam kabroi 6/9 di Pasak Papar sap pakat negar labik 58 Quán Sứ, Hà Nội peih bruk alin brei giải thưởng Sap ndem VN thun 2022. Hadei di sa thun peih ngak saong chấm giải, Ban peih bruk palih ruah jao brei 5 giải A, 9 giải B saong 11 giải C. Dom kadha cih vak mbao hu lain giải biak ralo asar kadha di raidiuk kinh tế - chính trị - xã hội. Giải hu ba tabiak meng kreih thun 2021 njauk dalam tukvak rahtabiak jit praong nan ye dom tác phẩm hu jao jai piah caik veik dom bruk kan var hu dalam tukvak kan kandah ini. 

Hội Liên hiệp Dam dara Việt Nam TPHCM pambuak bruk song kalup kapul Suối Mát Từ Tâm song dom jabat jak gauk bahrau peih danak dak  “Trung thu hạnh phúc” ka uranaih hu rai duik kan kandah, metui medar kayua COVID-19 dok di ban raya. Di danak dak, 416 pok pandap Trung thu dalam nan hu: pok jien bac, lồng đèn, ba lô song pandap bac daa hu jao ka dom adei . Tapa nan, dong ka dom adei hu bilan Trung thu siam mekre, hu makna song hu rik dong tame thun bac bahrau

Tuk maong 9 melam 6-9, quán karaoke AP di mangaok jalan Bùi Thị Xuân, phường An Phú, ban Thuận An, tỉnh Bình Dương njauk pui khuah di labik tal 2 saong tal 3. Ong Nguyễn Thanh Tâm, akaok UBND ban Thuận An brei thau, tal dah page ini hu 12 urang metai. Urang par akaok ban hu nao tal Sang iek ruak An Phú saong Sang iek ruak Thuận An daok di ban Thuận An piah rivang, klaah raba pandik harao haong dom urang njauk bala dalam bruk pui khuah daok taong ruak. Urak ini công an daok khik iek labik rahtabiak bala piah duah dom urang daok gar veik dalam quan.

Muk Liz Truss hu jeng Thủ tướng Anh hadei di tuk hu Nữ hoàng Elizabeth II pok brei. Di var peih ngak, nữ hoàng Anh umo 96 thun jao bruk ka muk Liz Truss padang rajaei bahrau, khik ramik taneh ia yam tapa bruk suy thoái sonng khủng hoảng năng lượng. Muk Liz Truss tagok pal akaok negar Anh dalam tuk taneh ia ni dok gaok rilo kan kandah gah kinh tế. Lạm phát di tanut 10% song dom urang gah kinh tế hu ndom lac bruk ni meda tagok tal  15%.

Liên đoàn lao động Séc hu jak ba sa mbang trun jalan praong patui veik piah cagar bruk yaom năng lượng saong pandap panda tagok glaong dalam tuk yaom jien bilan oh daok lagaih; bruk ini jeng ngak kan kandah tal rajaei Séc brei hu dom jalan ngak khang jang piah pasang iek bruk khủng hoảng năng lượng daok dak harei dak kan kandah. Dahlau di nan, di harei sanecar dahlau, labaih 70.000 urang hu trun jalan di Praha cagar veik rajaei.

Học viện Y học thể chất song Phục hồi chức năng Mỹ kuhria mboh lac, negar ni hu labaih 28 triệu urang njom COVID dui atah. Hu labaih 13 urang prong di Mỹ tok hu sa urang gaok njauk COVID dui atah. Dom urang njom COVID dui atah meda gaok dom bruk meng pren yava song hatai sahneng, gam song dom triệu chứng rah tabiak dalam tuk vak karei di gauk, yau gleih glar, kan suah yava, boh hatai oh lagaih, pandik meteh akaok glaow akaok "sương mù", suh sah song duh hatai./.

Urang lang: Hani Pha & Bhumi – 07/09