Di tỉnh Sóc Trăng birau peih nyaom biai online ka bruk ngak tui dom danak dak pakat negar bhum Tây Nam bộ. Phaok Thủ tướng Rajaei Trần Lưu Quang dang akok nyaom biai. Vaktu 2021 -2025, trung ương jao taong abih phun jien buh tame ngak brei patagok labaih 8.790 tỷ đồng ka dom tỉnh, ban di bhum Tây Nam bộ piah peih ngak 3 danak dak pakat negar nan lac: padang ngak palei pala birau, patagok kinh te- xa hoi bhum urang bangsa takik saong bhum ceik, patruh iek patrun kathaot khang kajap. Kuhria tal puac thun 2023, bhum taduan phun jien di krja hu labaih 1.350 tỷ đồng, jaik 59% bruk ba tabiak saong gaok rilo kan kandah. Pho thu tuong Trần Lưu Quang brei panuac caong lac, dom mentri , dom gah di trung uong dalam quý 1 thun 2023 samar ngak salah dom sarak tacei pato daok veik, langyah dom sarak daok kandah kateik gauak piah samar  lang talaih dom kan kandah, tavak tavaiy ka dom bhum palei.

Mbang nyaom ka 11 HĐND tỉnh Ninh Thuận mbang XI (vaktu 2021 – 2026) bahrau brei tapa 7 asal kadha praong piah patagok KTXH tinh. Dalam nan, njauk caik hatai lac hu asal kadha ka bruk buh jien padang ngak jalan pambuak pabah lamnge Cà Ná haong bhum Nam Tây Nguyên. Danak dak ini duh ka bruk pablei salih nao mai, ravang me-in, pajeng ba pandap panda, quặng bauxit; ba kaya nong di dom tỉnh Tây Nguyên mai pabah lamnge Cà Ná; pambuak dom labik  ngak kong, cakrok rilo gah praong yau ngak kong, cảng tasik, logistics ... daong jhul khang patagok kinh tế tasik, đô thị tasik, ravang me-in di tỉnh Ninh Thuận jeng yau dalam bhum. Abih tih jien buh tame ngak danak dak tui kuhria lac  2.100 tỷ đồng, ngak salah dalam 6 thun, kuhria meng thun 2023.

UB bhap bini tỉnh Đồng Tháp birau ini ba tabiak sarak 58 ka bruk mek veik harak chứng nhận ngan haong 25 pandap mek hu meng 3 tal 4 patuk hu brei angan OCOP thun 2019. Dom po pandap nan oh  tame taong yaom tui quy định atau  tame taong yaom gilac veik min oh pabak sumu dom bruk ba tabiak di Thu tuong Rajaei. Mbiah tal tukvak ini, Đồng Tháp hu 357 pandap hu brei angan OCOP, dalam nan hu 272 pandap OCOP 3 patuh saong 86 pandap OCOP 4 patuh.

Meng harei 14/2, Pasak daong anek saih – SV ban Cần Thơ haong dom labik peih bruk daong pablei baoh cam sành Vĩnh Long tuk yaom baoh ini urang blei salih mai blei pak bein yaom 1.000 - 2.000 đồng/kg. Pasak daong anek saih SV ban Cần Thơ lac labik pajeng ba meng bein di Vĩnh Long mai dom labik pablei dalam ban. Di dom labik pablei lẻ, pablei rai, cam hu pablei tui bịch, yaok bịch 5 kg yaom 30 rabau đồng.

Kong an Ban Thu Dau Mot, tinh Binh Duong birau tabiak harak kakei bhap bini ka bruk pachot pagat quet mã QR meblah drap ar tài khoản xa hoi. Tui Kong an Ban Thu Dau Mot, dom urang nan oh ngak tui jalan oh birau min  kan thau jang, khol nyu meblah quyen pandar dom tài khoản Facebook di urang karei piah payua tin nhan ka ayut hu nagan dalam danh ba  iew brei tame Zalo meng mã QR piah tame palih ruak pakacah online. Yau nan min, hadei tuk quet mã QR, tài khoản urang pandar meda njuak meblah quyen saong payua tin nhan  ka urang dalam danh ba  Zalo piah nyim jien. Bhap bini njauk caih hatai sangka, oh tame jalan link, juai quyet mã QR, payua jien…tuk mboh karei.

Tổng thống Mỹ Joe Biden hu panuac ieu urang ngak bruk karja di taneh ia ini brei samar ngak chip piah palahik abih bruk pandar cuh phao ndao. Tổng thống Joe Biden brei thau dom bruk cuh phao biak jhak daok rah tabiak gam gam di Mỹ. Ong ndom lac meda ngak rilo jang piah langyah bruk pandar cuh phao ndao. Dahlau di nan, 1 bruk cuh phao biak pandik harao rah tabiak di Đại học bang Michigan, Mỹ tuk melam 13/2 tui mon pak nan. Hadei di tuk cuh metai 3 urang saong ngak brei njauk rambus 5 urang karei, menuac cuh phao nan nyu pametai rup eng. 

Hãng kapal haok  negar  Ấn Độ Air India birau brei thau sarak pambuak bruk blei harak ve kapal haok birau di dua labik ngak tabiak kapal haok  praong di dunya lac Airbus saong Boeing. Tui nan, Air India hu mbaoh harak blei 250 kapal haok di  Airbus saong 290 sruh kapal haok di Boeing. Ini lac sa binah dalam bruk cakrok patagok di Air India. Hadei di tuk brei thau bruk nan blaoh, Tong thong Mỹ Joe Biden  iew nan lac ‘thỏa thuận lịch sử’ ngan haong Air India tuk blei kapal haok di Boeing. Daok Tổng thống Pháp Emmanuel Macron jneg meyaom thoa thuan di Airbus saong Air India, bruk nan brei mboh salih birau di bruk pambuak gauk suai lavik di Pháp saong Ân Độ. 

Tui sa pasang iek bahrau ini, Trung Quốc daok rah tapa dom salih bahrau 2 bruk haong gauk lac gah menuac sia saong baoh sang, bruk ndih tapui takik saong bruk baoh sang pataom sit veik daok dak harei dak cambaih laih, dalam nan dom urang kumei oh ndih tapui anek tagok samar, meng 6,1% thun 2015 tagok jaik 10% di thun 2020. Thun 2020, bruk baoh sang mbiah di taneh ia ini trun 0,48 menuac duk haong thun 2010, trun daok 2,62 urang. Bruk likei kumei khin gauk saong ndih tapui anek suai jang, gaok mai oh khin likei, oh khin kumei saong oh ndih tapui anek daok jeng makna praong ngak brei bruk ndih tapui anek di taneh ia ini trun biar./.