Patui danak dak mbang nyaom ka 6, harei ini, Quoc hoi pang harak pathau khan ka bruk ramik pasiam dom asar kadha di Sarak 53 thun 2017 di QH mbang 14 ka Harak pathau khan roh duah bruk peih ngak Danak dak mek veik taneh, bayar jien, daong, padang labik daok birau ka urang hu taneh njauk mek veik piah ngak Mblang kapan haok dunya Long Thành. Jeng dalam harei ini, dom urang lambaok ginum biai di Hoi truong ka dom asar kadha daok brei panuac karei di gauk ka du thao Hukum Tai nguyen ia ( pasiam veik) saong du thao Hukum Sang daok ( pasiam veik). Dalam nan, caong khin ramik veik bruk sang daok rilo tal glong, rilo baoh sang ( daok lac chung cư mini) saong sang daok xa hoi lagaih jang, piah lang talaih dom kan kandah ka urang blei sang daok lac urang hu jien mek tame biar lac asar kadha hu rilo urang caik hatai saong taduan hu rilo panuac ngan haong du thao Hukum Sang daok (pasiam veik) meda hu Quoc hoi ginum biai dalam harei ini.

Harei kabroi, di TP.HCM rah tabiak ginum biai pakat dunya ka Tasik Biển Đông mbang ka 15 ngan haong kadha “Patakik veik bhum tasik biển xám, peih praong bhum tasik hijao”. Jaik 450 urang hu mbaok tame ginum biai tapak saong ginum biai online, dalam nan hu rilo urang lac menuac roh duah ilamo mai meng 20 taneh ia; dom urang lambaok dom negar saong Taong lãnh sự dom jabat ngoại giao di Việt Nam. Pathau khan di mbang ginum biai, Thứ trưởng Mintri Ngoại giao Đỗ Hùng Việt kakei lac, tok tapa bruk pambuak bahrau meng meda daong ka tasik Biển Đông salih meng sambo “xám” tapa “hijao”, pamaong tal saron mbon saong cak rok patagok khang kajap. Piah ngak hu bruk nan, bruk njauk mayai nan lac njauk iek glaong saong ngak tui Hukum tasik dunya, brei mboh dalam Công ước Liên hợp quốc ka Hukum tasik thun 1982 (UNCLOS 1982).

UB bhap bini tỉnh Bến Tre birau tabiak bruk samar drah glut jaleih taneh takai kraong Giao Hòa, di xã Giao Long saong An Hóa, huyện Châu Thành. Labik glut jaleih trak atah labaih 800 mét, ngak kan kandah tal raidiuk labaih 300 baoh sang; dalam nan hu 26 baoh sang brei panduan ba nao daok labik karei. Glut jaleih jeng ngak kan kandah tapak tal jalan ĐH.03 rah tui ar kraong Giao Hòa ngak brei 45 mét jalan glut jaleih abih trun kraong, ngak gar jalan. Ub bhap bini tỉnh Bến Tre caong khin karja dom palei hu labik glut jaleih brei ngak tui dom jalan samar chip piah pacang caga saong pasiam dom khut khat, piah khik salamat ka manuac, danak dak , drap ar di Bhap bini saong Karaj. Pambuak tal labik glut jaleih praong nan, Thủ tướng Rajaei brei buh tabiak 100 tỷ đồng piah ka tỉnh Bến Tre pasiam veik.

Sang iek ruak Quân y 120 (Quân khu 9) bahrau blac raih jak jeng urang ruak njauk u não. Ini lac mbang blac raih u não jak jeng camriep di Sang iek ruak Quân y 120, lac jalan nao bahrau di sang iek ruak bol lin ini. Urang ruak Nguyễn Thị C. L. (umo 54 thun, daok di puk 5, xã Đốc Binh Kiều, huyện Tháp Mười, tỉnh Đồng Tháp) tame sang iek ruak di harei 16/10/2023 dalam tuk mboh pandik akaok, havieng akaok gam haong labik dhei hu khối u mala kalik praong khang. Hadei di labaih 4 maong blac raih hu jak jeng, dom bác sĩ hu mek tabiak 2 khoi u dalam gilo akaok; 6 maong hadei di mbang blac raih urang ruak mboh tani tanat jang, ndem mayai hu siam, oh daok pandik akaok.

Kong an tỉnh Bà Rịa - Vũng Tàu birau ba tame ngak bruk jalan mbak thong minh, hu pagam camera tui iek di 2 jalan Rayoa 55 saong 56 di tỉnh. 90 camera langyah bruk ngak suan hu ngak tui jalan tự động, samar chip saong ba tame cơ sở dữ liệu dom bruk ngak suan yau: peih tapa gom bhong, peih suan jalan, nao cagar veik, peih drah samar.. daong ka jabat chức năng sumu bruk pacang caga ngak suan hukum jalan mbak. Tui Kong an tỉnh BR-VT, hu dom camera ye bruk pasang tui iek di gah CSGT di 3 jalan roya 51, 55 saong 56 meda trun takik, tui nan parilo urang jakan pasang iek dom jalan dalm tỉnh oh ka hu pagam camera, rik tame brei ngak trun bruk rah tabiak bala angaok jalan mbak.

Hạ viện Mỹ harei kabroi hu pok Hạ nghị sỹ Mike Johnson ngak urang dang akaok jabat ini. Ong Johnson lac urang hu pilih ruah ka 4 kayua ndang Cộng hòa ba tabiak. Hạ nghị sỹ Mike Johnson hu 220 phieu pachreih tui, rilo jang 3 phieu caong piah jeng lac Akaok Hạ viện Mỹ. Dalam tuk nan, urang hu pilih ruah tame ndang Dân chủ lac Akaok Ủy ban Tư pháp Hạ viện Hakeem Jeffries tok mek hu 209 phieu. Hadei di tuk hu pilih ruah, ong Johnson brei thau lac Hạ viện Mỹ hu mai gilac ngak bruk saong pathau khan lac peih bruk padang ngak hukum camriep di ong meda lac bruk pachreih tui Ixraen dalam mbang mesuh haong Hamas. Akaok Hạ viện bahrau di Mỹ jeng brei thau lac ong meda jhul samar hukum kadung jien kanja piah tani tanat ka rajaei Mỹ oh njauk kareik pabah mbang hadei di harei tamat lac 17/11.

Harei kabroi, di ban ine Phnom Penh, Đảng Bhap bini Campuchia (CPP) saong 27 chính đảng karei di Campuchia hu mbaoh tangin tame Thoa thuan pambuak bruk saong rilo gah. Ini lac bruk chinh tri hu meng lavik mai di taneh ia Bimon Baha. Akok đảng Bhap bini Campuchia Samdech Hun Sen brei thau: Labiah meteh dom đảng chính trị di Campuchia hu mbaok di var mbaok tangin tame sarak pambuak bruk saong lien minh. Meda lac yaok đảng hu rilo jalan ngak karei di gauk min jeng hu sa bruk yau gauk lac kayua bangsa, taneh ia Campuchia. Dahlau di nan, harei 11/10/2023, di Ban Ine Phnom Penh, 4 đảng cagar veik lac: đảng Ngọn nến, đảng Ý chí Khmer, đảng Dân chủ cơ sở saong đảng salih birau Campuchia brei thau bruk pambuak gauk piah meriak gauk dalam bruk palih ruah anak tal.

Liên đoàn Ngak kong Thái Lan (FTI) harei kabroi patui veik rami ramik trun dom ô tô di negar ini dalam thun ini trun daok 1,85 triệu sruh dut saong kuhria dahlau di nan lac 1 trieu 900 sruh. Ini lac mbang ka dua FTI rami ramik trun dom sruh ô tô dalam thun ini, hadei di mbang rami ramik di bilan 7 bahrau blaoh, rilo meng lac kayua dom gilang paraik ngak catang jang bruk pasang iek taong yaom harak gar tut angan masaiy blei radaih ô tô. FTI jeng hu rami ramik bruk kuhria ka jien mek tame meng bruk pablei radaih ô tô dalam taneh ia meng 850.000 sruh trun daok 800.000 sruh hadei di tuk Gilang paraik kanja Thái Lan dalam bilan 9 bahrau blaoh hu patagok jien laba tagok 2,5%, tanut glaong abih dalam sa piluh thun tapa. Bruk ngak catang jalan pasang iek dom paok masaiy ngan haong dom urang masaiy hu dom baoh sang tavak saiy glaong ngak ka jien mek tame meng bruk pablei radaih ô tô suai gilac veik.