Bruk truac din hadar dhar phor dom anh hung liet si

Di tuk pahadar 75 thun Harei TBLS (27-7-1947 – 27-7-2022), melam 24/7, di Nghĩa trang Liệt sĩ TPHCM, Thành đoàn TPHCM peih bruk truac din hadar dhar phor do AHLS. Gam haong bruk truac din hadar dhar phor dom AHLS, dom harei tapa, dam dara TPHCM jeng hu peih ngak rilo bruk hu makna yau ye: bruk pasiam veik thaot di dom “AmaikVNAH saong dom AHLS”; puh ramik pasiam dom nghĩa trang, labik pahadar AHLS, nao ravang dom Amaik VNAH, Amaik ame phong trào, sang LS, thương bệnh binh, dom sang sarak karja di Thành đoàn; peih dom mbang nao iek ruak, alin hadiah pandap ka bhap bini bhum căn cứ Thành đoàn; padang ngak, pasiam veik sang anit ranam, sang đồng đội; jak ba alin hadiah dom pok jien bac brei ka anek bhik sang LS, TB, bệnh binh, anek bhik dom urang jakar urang lin tapon nyaom bol pan phao kraong, dom y, bác sĩ, urang ngak gah y tế, urang jakar, urang ngak bruk karja var klaak rup drei, metai dalam bruk pacang caga jit Covid-19.

UBND tỉnh Kiên Giang hu ba tame blah web khan brei thau daong ka doanh nghiệp saong urang buh jien tame ngak mbang dalam tỉnh. Blah web khan brei thau hu jalan tame lac hotrodoanhnghiep.kiengiang.gov.vn piah pabak dom harak gar, dom khau tin piah daong ka doanh nghiệp, brei thau quy hoạch – jalan cak rok patagok dom danak dak di tỉnh, mayaih khan dom prein khang di tỉnh… Abih di nyu nan lac blah web ini meda lac jalan taduan saong javap jaloi dom panuac sua tangi, panuac caong di dom doanh nghiệp biak cambaih laih, tantu saong samar drah, siam lagaih jang.

Rieng Cà Mau bahrau hu Cục Sở hữu trí tuệ (Bộ Khoa học công nghệ) brei harak bảo hộ chỉ dẫn địa lý. Bản đồ labik địa lý hu chứng nhận di dom huyện Ngọc Hiển, Năm Căn, Đầm Dơi, Phú Tân. Bruk rieng Cà Mau hu brei harak bảo hộ chỉ dẫn địa lý lac jalan adat piah ka Cà Mau patagok bruk khik ramik, pasang iek saong yaih khan angan pandap, ba rieng Cà Mau tabiak darak pasar negar langiu, rik daong paglaong yaom, patagok jien mek tame piah ka raidiuk bhap bini hu cakrok jang.

Dalam vụ ikan Nam thun ini, urang taong ikan di Cà Ná saong Phước Diêm, huyện Thuận Nam, tỉnh Ninh Thuận njauk ikan nguik meng 200 tal 600 kadung sa mbang nao tasik. Yaok kadung hu labaih 15 kg ngan haong yaom meng 200 tal 240.000 đồng. Tapa zalo, Chi cục Kaya tasik Ninh Thuận hu pabak khau tin ka bhap bini taong ikan thau jalan nao saong labik tapon ikan ndaong. Meng hu yau nan, urang taong ikan samar drah cap mek. Labaih 70% kapul gilai di tỉnh mek hu jien 200 triệu đồng yaok mbang. Abih di nyu nan lac, hu rilo kapul gilai mek jien tame hu meng 450 tal 500 triệu đồng yaok mbang. Ini lac sa bruk bui sambai piah ka bhap bini khang hatai tabiak tasik dalam tuk yaom xang manjek jeng daok glaong.

Pambuak tal bruk 6 urang metai kayua mblung khí ga dalam 1 baoh sang daok di khu phố 3B, dalam phường Thới Hòa, ban sit Bến Cát di jala 24/7, hadei di tuk bruk nan hu mboh, karja palei saong tỉnh Bình Dương hu nao tal labik nan, pachreih ba gauk gar di dom urang metai, saong daong labaih 150 triệu đồng. Ini lac bruk biak damen, biak pandik harao, tuk camereip, UBMT negar tỉnh Bình Dương hu daong 60 triệu đồng, Hội Chữ thập đỏ tỉnh daong 30 triệu đồng, ban sit Bến Cát 30 triệu đồng, phường Thới Hòa labaih 40 triệu đồng. 

Dalam mbang nao rivang tal ban ine Cairo, Ngoại trưởng Nga hu kadha ndom puac anak Hội đồng Liên đoàn Arab (AL) di Cairo (Ai Cập), brei thau lac Moskva saong dom taneh ia Arab daok kuhria peih mbang ginum biai pambuak gauk di Nga-Arab mbang ka 6 biak aval di abih. Gam tui di nan jeng brei thau bruk khang hatai di Nga dalam bruk jhul patagok talei pambuak gauk saong bruk pambuak pablei salih haong AL.

Tong yam ndok Gah Y tế dunya (WHO) tabiak panuac đậu mùa khỉ lac bruk khẩn cấp gah prein yava bhap bini dunya kayua nyu njaom mbak samar, mbuan pambak praong jang tal dom taneh ia karei. Dunya hu jaik 16.000 urang njauk ruak di 74 taneh ia, 5 urang metai. Tukvak jaik di ini, dunya mboh lac urang ruak daok tagok rilo, abih di nyu lac di dom taneh ia châu Âu. Dom taneh ia châu Á yau Hàn Quốc, Singapore, New Zealand, Australia, Đài Loan jeng hu menuac ruak.

Rajaei Bahamas brei thau, hu takik di nyu 17 urang di cư Haiti metai saong rilo urang karei lahik dalam mbang karam gilai di labik langiu tasik di kaoh pulao Bahamas. Di tukvak gilai gaok bala, di mangaok gilai meda hu 60 urang di cư, abih di nyu nan lac urang Haiti. Kayua yau nan ye, jeng hu rilo urang hu brei thau lac lahik hadei di tuk karam gilai ini. Kaoh pulao Bahamas lac gah jalan pajeng ba di dom urang di cư Haiti duah jalan tame Mỹ.

Urang lang: Thu Thao & M. Phuong – 25/07