UB bhap bini Ban raya HCM birau pok tagok Thủ tướng ka bruk taong yaom, mbaoh tangin đồ án rami ramik, padang ngak Ban Thủ Đức  di Ban raya tal thun 2040. Tui nan, TPHCM meda padang Ban Thủ Đức lac sa đô thị hu rilo pasak, ngan haong sa pasak praong  lac labik Thủ Thiêm, 2 pasak karei di labik Trường Thọ saong bhum Long Phước. Ban Thủ Đức brei patagok pasak jien padai dunya di Thủ Thiêm; dom pasak di dom bhum đô thị pambuak dom bruk ngak gah pablei salih, dịch vụ, roh duah, pato pakai, ngak mbang pala drak kong nghe glong…Pasak roh duah, pato pakai saong ngak ngak mbang pala drak hu pandar cong nghệ glong di Khu cong nghe glong Ban raya HCM.

Kapul ngak saong pablei tabiak negar langiu kaya ikan Việt Nam (VASEP) brei thau, 5 bilan tapa, kaya ikan pablei tabiak negar negar langiu daok trun duk haong thun bloh, trun jaik 28% . Dalam tuk darak pasar laik trun, yaom pablei pandap tabiak negar langiu trun khang, jien sahui buh tame ngak, jien laba gilang pariak daok ngak jeng naong trak. Doanh nghiệp daok huac kurang biak rilo ikan, hadang piah ngak di akaok thun 2024 – tukvak darak pasar siam veik, kayua urang raong hadang oh daok prein piah raong. Piah daong dom doanh nghiệp gah pablei tabiak negar langiu yam tapa kan kandah, VASEP likau Rajaei sangka tal bruk trun yaom jien laba, daong ka doanh nghiệp hu mesraiy phun jien.

Harei (19/6), Sang iek ruak Nhân dân 115, Ban raya HCM blaic raih samar chip hu jak jeng siam sa urang ruak trak kayua pandap klauk tame akaok dalam tal 4cm. Dahlau nan, sa urang likei ba tame sang iek ruak hu pandap kim loại klauk tame sọ akaok di labik kreh dhei. Urang ruak suai taom gaok, takai saong tangin daok megei. Dom bác sĩ  brei thaot binguk CT - Scan sọ glo akaok, mboh pandap klauk tame talang glo akok saong mô glo dhei dalam labaih 4cm, labik mbuan trak. Urang ruak  biak mbuan metai, yau nan ye dom bác sĩ brei samar  blaic raic  piah brei pacang sre darah glo akoak hadei suak pandap nan tabiak.

Urang pan akaok UBND tỉnh Long An bahrau tabiak harak ieu dom gah, dom puk palei pasiam veik bruk đấu thầu pandar phun jien di kadung jien karja.  Tui nan, bruk đấu thầu dalam tỉnh Long An meng bloh meda lac ngak siam dom adat hukum ka đấu thầu, hu rilo salih bahrau biak siam, rik daong patak pataom kadung jien karja, patagok bruk meriak gauk, samu gauk, cambaih laih saong kein laba dalam đấu thầu. Min bruk ini jeng daok hu dom tavak tavaiy, bruk patak pataom dalam đấu thầu oh ka glaong, dom po đầu tư daok ngak suan adat peih ngak, asal kadha saong jalan ngak dalam bruk pilih ruah nhà thầu.

Harei labroi 19/6, gah chức năng di Bình Thuận hu ngak harak taduan Lê Văn Hùng umo 36 thun, daok di xã Hòa Hiệp Trung, huyện Đông Hòa, tỉnh Phú Yên laik trun tasik  di harei 18/6 saong hu gilai Oriental Star duah mboh, srong tagok. Urak ini, prein yawa di urang nao tasik Lê Văn Hùng siam veik. Đồn Biên phòng Pabak lamnge  Phú Quý taduan saong jao brei ka gilai  Py-95686-Ts, kayua sa-ai Nguyễn Văn Châu peih gilai. Dahlau di nan, harei 18/6, sa-ai Lê Văn Hùng gam haong dom urang  karei di gilai Py-95686-Ts taong chap ikan langiu tasik, lam tuk nao hanjol drei ye laik tame tasik. 

Mintri Jien padai Mỹ brei thau pok sraiy karja di negar Mỹ mbang camereip abih yam tapa tanut glaong abih 32.000 tỷ USD dalam adit bloh, oh ka tal 2 adit hadei di tuk Tổng thống Joe Biden mbaoh tangin brei tapa dự luật brei padeih tanut sraiy karja di tanut 31.400 tỷ USD, pacang cakak bruk taneh ia Mỹ pacah sraiy. Dự luật ini brei adat ka Rajaei Mỹ daok hu mesraiy hadom jeng hu tal harei 1-1-2025, tuk bruk brei padeih tanut sraiy glaong abih hu tamat. Bruk ini hu makna lac rajaei meda daok brei bayar ka dom dịch vụ công dalam taneh ia, pagap yau an sinh xã hội saong danak dak bảo hiểm Medicare.

 Dom urang jakar Indonesia brei thau, taneh ia ini daok caga peih labik pablei salih tín chỉ carbon di bilan 9 anek tal. Labik giao dich meda kayua Sàn giao dịch chứng khoán Indonesia (BEI) peih ngak, ala bruk tui iek di Jabat Dịch vụ jien padai (FSA) gam Mentri  Moi trường saong Lmm nghiep. Tui Akok Vụ Pachreih jak ba  dom gah saong labik di Mentri Moi truong saong Lam nghiep Ignatius Wahyu Marjaka, tukvak camereip, dom labik ngak tabiak điện dang saong tathuak neriak tachrauk  biar jnag kayua rajaei  ba tabiak  meda pablei harak adat brei tathuak neriak ka dom cong ty ngak bruk oh siam.

Dunya harei hadei (Lumos Futura - Illuminating the Future World) lac angan ieu di Trại hè dam dara anek saih Việt Nam di châu Âu, tui kuhria hu peih tabiak meng harei 24 tal harei 27-8 di Paris (Prang). Ini lac bruk ngak yaok thun kayua dom Kapul dam dara, Sinh viên Việt Nam di dom taneh ia châu Âu payeng gauk ngak. Kuhria meng thun 2016, ini lac mbang ka 2 Kapul Sinh viên Việt Nam di Prang (UEVF) dang tabiak ngak bruk ini. Urak ini hu jaik 15.000 sinh viên, dam dara Việt daok di Prang. Tui yaok pataom dom urang tut angan mangaok fanpage di Kapul dalam 19 thun ini mai, hu 23.000 urang tui iek./.