Jien je thu nhập doanh nghiệp mek hu rilo jang 22% duk haong tukvak ini thun dahlau

Thủ tướng rajaei Phạm Minh Chính bahrau hu panuac ieu Akaok mintri pato megru caik hatai tui pang panuac di cử tri, urang Quốc hội pambuak tal danak dak pato pakai môn Lịch sử pakat trung học phổ thông. Taphia nan, samar peih ginum biai song dom jabat, dom gah pambuak tal, dom chuyên gia, dom urang ilamu piah tong yaom abih gah song ba tabiak jalan ngak ka nyu lagaih, pathau khan Phó Thủ tướng Vũ Đức Đam; gam song nan brei ngak ka nyu siam jang bruk brei thau piah xã hội hu thau ginup jang sarak di Đảng, hukum di karja dalam bruk pato pakai lịch sử ka anek saih.

Doanh nghiệp di TP.HCM daok dang anak kan kandah kayua jien buh tame ka ngak mbang, pablei salih tagok glaong. Tui urang dang akaok Cục Thuế ban raya, 5 bilan tapa, jien je thu nhập doanh nghiệp mek hu rilo jang 22% duk haong tukvak ini thun dahlau, ini lac tanut tagok biak glaong. Min jien kak je ini tagok glaong, rilo meng lac kayua doanh nghiệp daok hu pandap tamo meng quý 4 thun 2021 ba tapa ngak. Cục Thuế TP.HCM mboh lac, urak ini Rajaei jeng hu dom sarak trun yaom je, dui atah tukvak kak je ka doanh nghiệp min tok daong hu sa binah sit. Kadha praong jeng lac trun yaom phun jien, doanh nghiệp meng meda pasiam, patagok saong jien mek tame di ban raya meng khang kajap.

UBND tỉnh Bà Rịa - Vũng Tàu bahrau hu panuac ieu UBND huyện Côn Đảo pambuak bruk song dom sở, dom gah pambuak tal jhul samar dom danak dak đầu tư công di huyện Côn Đảo. Dalam nan, jhul patagok bruk peih ngak mblang kapan haoh Côn Đảo njauk tukvak ba tabiak; ieu mBan khik ramik danak dak pabah lamnge Bến Đầm ngak ka nyu salah pabah lamnge brei kapan tuai Côn Đảo dalam bilan 8-2022; jao UBND huyện Côn Đảo hu bruk pasang iek, dong ka doanh nghiệp ngak hệ thống am cuk piah langyah hareik kandong veik di labik Bãi Nhát dalam bilan 6 ni.

Tỉnh Bạc Liêu bahrau peih mít tinh pachreih tui harei Môi trường dunya (05/6) saong adit tasik saong pulao kaoh Việt Nam. Dalam dom thun tapa, bruk cakrok khang kajap kinh tế tasik pambuak pagam haong khik ramik đa dạng sinh học saong dom hệ sinh thái tasik, bruk khik caga môi trường di Bạc Liêu daok pabak hu bruk cakrok patagok kinh tế - xã hội. Urak ini, Bạc Liêu daok jhuk patagok kinh tế tasik meng taong cap angaok tasik tal raong pala kaya ikan, piah caong jeng pasak gah công nghiệp hadang di taneh ia. Bạc Liêu jeng dang ka 3 dalam taneh ia ka patagok điện ngin saong lac tỉnh ba akaok taneh ia ka điện ngin angaok tasik.

Pambuak tal bruk di “Tịnh thất Bồng Lai”, dok ieu lac “Thiền am bên bờ vũ trụ”, Gah an ninh điều tra Công an tỉnh Long An hu ngak salah bruk duah thau song ba harak gar tapa Viện kiểm sát bhap bini pasang iek phê chuẩn, batabiak cáo trạng truy tố 6 urang. Tui panuac tamat bruk duah thau, tuk vak tapa, dom urang nan ngak suan hukum tuk pagam pambak tame bruk tu di sang, rong ba uranaih metui medar, piah ieu rik dong jien ngak pahla song pagam pambak tame quyền tự do dân chủ piah lih tame kein lagaih di kapul nyaom, menuac urang ,...ngak kan kandah tal an ninh, trật tự di puk palei ni.

Triều Tiên tame ngak Chủ tịch luân phiên Hội nghị giải trừ quân bị di Liên hợp quốc, lac labik ndom puac, ginum biai rilo gah duy nhất mangaok dunya brei ka dom bruk ginum biai ka giải trừ quân bị. Triều Tiên sanya rik daong tame hòa bình saong giải trừ quân bị dunya piah jhul patagok dom sanya gauk di dunya ka bruk ini. 

Tui Hãng tin AFP, harei 2-6, Mỹ hu panuac pachreih tui Philippines dalam bruk chỉ trích Bắc Kinh eng drei ba tabiak bruk kateik greik di Biển Đông, tuk oh brei taong cap kaya ikan. Urang brei panuac di mintri Ngoại giao Mỹ Ned Price vak angaok Twitter: "Bruk pakauk tong chap ikan eng drei ba tabiak di CHND Trung Hoa di Biển Đông oh lagaih song panuac kaoh di Tòa trọng tài thường trực dalam thun 2016 song hukum dunya" .Ong ndom lac: "Kol dahlak hu panuac ieu CHND Trung Hoa ngak dom bruk di urang njauk tui hukum dunya".

Tui Gah Y tế Thế giới (WHO), châu Phi njauk lac sa binah dalam bruk jum pataom dunya pacang caga ruak đậu mùa khỉ, janih ruak daok tamuh khang di dom taneh ia cakrok di Bắc Mỹ, châu Âu. Yam ndok WHO bhum châu Phi, Tiến sĩ Matshidiso Moeti ndom lac: "Kol drei brei hu bruk pambuak gauk veik di dunya ngan saong ruak đậu mùa khỉ piah ka ruak ini oh jeng sa ruak đặc hữu di rilo taneh ia". Gam haong nan, hu panuac ieu dunya plaih atah bruk halei mbuan ba tal oh samu gauk gah vaccine yau vaccine caga COVID-19 bo dom taneh ia châu Phi bhian rah tapa./.

Urang lang: Hani Pha & M. Phuong – 03/06