Dom bhum palei pataom tame bruk pato tacei catang kabruk pacang taong mek IUU; gam haong nan, srap gap jalan ngak bruk haong Kapul Pasang iek Uy mban Chau Au mbang ka 5. Di tinh Kien Giang, dom gah chuc nang pataom tame peih ngak salah bruk tut angan, đăng kiểm saong pabak harak brei taong mek ikan ngan haong kapul gilai ikan “3 oh”; peih tabung glaong pasang iek angaok tasik, taong bhat catang ka gilai ikan suan hukum IUU, rilo meng lac taong bhat gilai ikan “3 oh”. Langiu di nan, jhul samar bruk mek trun phan mem duah thau ikan taong mek hu mai meng halei tui jalan ndien tu eCDT ka dom gilai ikan, taong bhat catang gilai ngak suan hukum pandap kaya pasang iek jalan nao tasik.

Tinh Ninh Thuan kham merat jak ba rilo gah ngak pahla saong pato tacei ka dom huyen, ban jhul samar bruk, paglaong bruk ngak Danak dak pakat negar padang palei pala bahrau, khik kajap bruk salah blaoh dom tanut ba tabiak dalam tukvak 2021 - 2025. Dalam nan, pataom ka bruk buh jien tame ha tang duh ka bruk ngak mbang saong daok dang di rahra pak bhum palei dalam nan hu jalan mbak, kraong ribaong, ndien, sang bac, co so vat chat ilamo…brei caik dahlau ka danak dak njauk ngak piah salah blaoh asal kadha palei pala bahrau ka dom huyen, xa kham merat mek hu tanut chuan dalam thun ini.

Tal harei kabroi 24/2, urang ngak nong di rilo bhum paleipak tinh Hau Giang hu yuak padai Dong Xuan samar drah kuhria rah tapa hu meng 6 - 7 tan/ha, biar jang meng 1 - 2 tan/ha dut haong padai Dong Xuan thun blaoh. Jien buh tame ka padai Dong Xuan thun ini tagok jang bo yuak hu takik saong yaom padai trun nan jien mek tame di urang pala padai trun biak rilo. Makna ka padai yuak oh hu rilo hu urang pala padai khan lac, kayua kanjah jhak meng bruk pandiak hajan oh yau bhian.

Labik Khik ramik janih athur Bein ciim Bac Lieu daok dalam bruk kakei caga apui mbang glai pakat 4 lac biak kan kandah, hu mada mbuan rah tabiak bruk apui mbang glai praong. Meyah pandiak patui veik dui atah ye kuhria dalam adit anak tal brei paglaong bruk kakei caga apui mbang glai tagok tal pakat 5 lac pakat biak kan kandah. Anak di bruk ini, Mban Pasang iek glai paccang caga tapen tasik tinh Bac Lieu hu peih ngak rilo jalan langyah piah ngak samar drah dom jalan caga khuah, padam khuah.

Kong an tinh Dong Nai bahrau duah mboh kapul urang daok di Ban Biên Hòa ngak bruk payua jien ka jalan talei me-in mbia saong pachot pagat angaok mạng hu ngak bruk di negar langiu hu jabat di Campuchia. Kapul urang ini pablei salih suan hukum khau tin tai khoan gilang pariak padauk halau agha saong rao jien di Viet Nam, rah di dom labik Ban raya Ho Chi Minh, Ha Noi, Da Nang hu paok jien meyao meyit labaih 2.000 ty dong. Kong an tinh Dong Nai pachreih rahra brei paglaong hatai caga anak dom panuec plue di dom urang pambuak tal bruk pablei salih, peih tai khoan gilang pariak…

Rajaei Thai Lan brei thau “pakao hala Zombie” (daok ieu lac pakao hala bhut kamlai) hu jru an thần, jaik ini hu rah tabiak saong pambak praong di rilo labik pak taneh ia ini. Urang jakar Thai Lan kakei caga rahra oh luai njauk pachot pagat, plue kayua dom panuac ndom ka bruk salamat atau hu sahneng meyah njuk tok sa mbang oh kanjah jhak tal rup pabhap. Langiu di bruk rah tabiak di dom labik me-in, janih pandap kaya ini daok hu yaih khan pablei suan hukum di angaok dom nen tang mạng – labik bo pakao hala hu yaih khan yau sa bruk me-in atau daong ndih bingi.

Jit ruak pandiak tabiak darah tamuh rilo di Philippines, tuk dua bilan tapa, hu labaih 43.000 urang ruak pandiak tabiak. Urang jakar y te kakei caga bruk langik pandiak tagok glaong saong gaok tuk langik kan si thau brei kein lagaih ka jamaok menek, ngak ka jit ruak trak jang. Philippines hu kham merat patakik dom urang metai kayua pandiak tabiak darah dalam bruk dom urang metai hu tagok rilo saong uranaih lac meda mbuan njauk ruak abih.

 Haong yaok tỉ urang tui agama Kong yao dalam dunya, rilo urang daok di “bhum palei” Achentina di Yao hoang Francis daok lang kan ka Yao hoang samar drah hu pabak prein yava tuk ong daok taong ruak jantung du sang iek ruak. Yao hoang Francis tame sang iek ruak di Rome, Italia meng harei 14-2 hadei tuk kan thuak yava dalam rilo harei saong hu pasang mboh ruak barah jantung. Dom bac si duh hatai ka ruak jantung meda njom tame darah saong tagok jeng ruak darah.