Rilo pandap panda hu caga ka tet 

  Dom D.N di Ban raya HCM caga pandap tamo piah ngak tabiak kaya pandap tết Thun sak tapai 2023. Meng pandap pabak di D.N caga tagok meng 20 tal 30% dut saong dom tukvak karei, Ban raya meda pabak siam bruk blei pandap Tết, pambuak bruk blei saong pablei piah parilo pandap đặc sản tuk Tết. Urak ini, rilo D.N dalam danak dak khik tani tanat yaom kaom sanya pabak ginup pandap saong khik yaom tani tanat dalam tuk tết.Langiu di nan, Ban raya HCM daok hu danak dak pambuak bruk pablei saong blei piah pabak veik pandap yaih khan tal urang blei pandar dalam tuk Tết.

Pasak pachreih nong  song langyah dịch vụ ngk nong tỉnh Bến hu peih ngak danak dak “padang bruk pala phun mbang boh  tui  VietGAP duh ka bruk patagok bhum nguyên liệu, gam haong pambuak bruk pablei salih di bhum taneran krong Cửu Long”. Danak dak hu padang bruk pala phun mbang boh  prong  100hadalam nan hu: durian, kruac bung, paaok, panat  tui tanut  chuẩn VietGAP, song duah thau asar di nyuJalan ngak di danak dak lac paglong kein lagaih kinh tế song patagok khang kajap bhum nguyên liệu sản pala phun mbang boh tui tanut chuẩn VietGAP.

Phun thanh long lac phun pala khang di Bình Thuận, ngan haong taneh pala praong abih tih lac labaih 29.700 ha. Thanh long Bình Thuận hu pablei ralo  lac baoh that saong takik lac dom pandap ngak meng baoh nyu; dalam nan ralo lac pablei tabiak negar langiu. Piah pabak sumu ka darak pasar saong pamong tal bruk pablei tabiak negar langiu kaya nong, Bình Thuâjn  brei pabak hu 574 mã số bhum pala saong 287 mã số labik papaok thanh long hu brei adat saong tui iek.  

Danak dak peih ngak tatua Rạch Miễu 2 nao tapa krong Tiền (paganm 2 tỉnh Tiền Giang - Bến Tre) padang ngak suai damuai kayua bruk peih taneh suai damuia, gam song nan, dom jabat padang ngak jeng gaok kan kandah kayua kurang cuah. Hu thau, danak dak tatua Rạch Miễu 2 caong hu labaih  1,5 triệu khối cuah piah ngak brei samu mbaok taneh. Min, urak ni, cuah hu biak takik, ngak kan kandah tal bruk padang ngak. Gah mBan khik ramik danak dak Mỹ Thuận hu panuac cong pak ni samar pasang iek, brei adat ka dom lubang cuah  di tỉnh samar dong cuah pasamu ka danak dak  tatua Rạch Miễu 2, khik ramik bruk peih ngak danak dak.

Ilamu me-in Phleing praong di urang Khmer daok di Cà Mau hu khik ramik saong patoa veik labaih 100 thun tapa saong oh kurang dalam raidiuk di urang Khmer. Urak ini, tỉnh Cà Mau hu 2 labik daok khik ramik saong patagok Phleing praong jeng daok di huyện Thới Bình. Thun ini, ilamu me-in Phleing praong di bhap bini Khmer daok di Cà Mau hu ba tame angan Inem krung ilamu phi vật thế pakat negar. Ini lac bruk bui sambai, hadah mbaok meta di bhap bini Khmer  saong rik tame khik ramik, patagok inem krung ilamu di Cà Mau hu siam jang dalam tukvak anak tal.

Akaok mintri  Y tế Indonesia brei thau, sa hukum pakuah di anak meta dom janih jru siro ka uranaih lac sa jalan pacang caga metai lahik kayua ruak  thận cấp di uranaih dok tagok. Tui yaok pataom bahrau di abih, jiak  50% uranaih njauk ruak thận cấp blaoh metai. Gah y tế Indonesia hu panuac kakei dom amaik ame  , meyah uranaih  ala  5 thun mboh yau hu takik ia me eik, pandik, aik chraoh , patuh, sre ia dhung taglaoh taaok  njauk ba nao chip tal labik  y tế jiak di abih.

Dalam 6 thun tapa, Campuchia brei labaih 220.000 biển số radaih đặc biệt,  mek jien tame kadung jien karja labaih 82 trieu dola Mỹ sumu labaih 2.208 tỉ dong. Sa bien so radaih đặc biệt di Campuchia hu yaom camereip lac meng 2 trieu Riel sumu labaih 10 triệu dong. Po radaih meda pablei radaih min khin khik veik biển số  radaih đặc biệt  atau pablei radaih gam biển số. Langiu di nan, biển số radaih đặc biệt nan meda hu karja blei meyah po radaih khin pablei veik.

Hãng jru Pfizer (Mỹ) kuhria tagok yaom  vaccine pacang COVID-19, tagok labaih 110 - 130 USD yaok mbang  (jiak  4 mbang urak ni), hadei di tuk danak dak  blei  vaccine di rajaei Mỹ abih tuk vak. Urak ni, rajaei Mỹ dok pabak  vaccine pacang COVID-19 brei saoh ka tong abih bhap bini, min brei bayar labaih  30 USD ka yaok mbang vaccine ka Pfizer song hãng jru BioNTech di  Đức./.

Urang lang: Ái Nghiêm -Hanipha- 22/10