Dom harei jaik di ini, dom urang njom COVID-19 di dom tinh, ban dalam taneh ia daok tagok khang. Tui kuhria, dom urang njom dalam taneh ia hu dalam 7 harei tapa lac 80.898 urang sa harei. Piah khik tani tanat salamat ka bruk taong ruak F0 di sang, rilo tinh, ban hu ba tabiak dom jalan ngak cambaih laih, lagaih saong siam makre. Tỉnh Tiền Giang urak ini hu 10.950 urang taong ruak di sang. Tui Bác sĩ Chuyên khoa II Nguyễn Hữu Diệp, Phaok Yam ndok Sở Y tế tỉnh Tiền Giang, Sở pambuak haong Kapul Y học, labik y tế tư nhân, Kapul pacang caga COVID-19 dalam rahra piah duah mboh, taong ruak saong ba dom urang ruak trak nao tal labik taong ruak piah patrun bier di abih dom urang metai. Taphia di nan, gah Y tế tỉnh iek praong bruk paglaong ilamo, siam lagaih bruk ngak di y tế puk palei. Urak ini, taong abih dom xã, phường, ban sit hu padang Bilai Y tế nao mai pabak ka bruk tui iek, taong ruak F0 di sang.

Dalam tuk gah công đoàn, công nhân, viên chức, urang ngak dok khang drei tame pacang caga jit praong Covid-19, min jeng dok hu 1.561 kadha vak payua tame bruk pakacah  “Công chức, viên chức, urang ngak vak ka bruk bangsa, agama ”, kayua  Tổng Liên đoàn Lao động Việt Nam peih ngak. Hadei di labaih 3 bilan peih tabiak (meng bilan  8-11/2021), bruk pakacah “Công chức, viên chức, urang ngak vak ka bruk bangsa, agama ” hu  1.561 kadha vak  meng urang  đoàn, urang jakar  Công đoàn di  54 Liên đoàn Lao động tỉnh, ban, Công đoàn ngành payua kadha vak pakacah.  Bruk pakacah hu ngak jeng mbang  sinh hoạt chính trị prong  dalam tong abih gah công đoàn.

Tapa 4 thun peih ngak Sarak 1374 di Thành uỷ TP.HCM  (langyah dom bruk brei thau ka tổ chức đảng, urang jakar, urang đảng ngak suan hukum di Đảng), di gah đảng hu 6 kapul saong 402 urang đảng njauk pasang iek, langyah kỷ luật, tui kuhria yaok bilan langyah kỷ luật 8 urang đảng. Di gah karja, hu 425 urang njauk langyah kỷ luật, ba tapa jabat chức năng pasang iek kaoh tui hukum hình sự 9 urang, tui kuhria yaok bilan langyah 9 urang jakar, công chức, viên chức. Khau tin ini hu ba tabiak di mbang ginum biai tamat 15 thun peih ngak sarak Trung ương 5 mbang X ka bruk salih bahrau jalan par akaok di Đảng ngan haong dom bruk ngak di hệ thống chính trị kayua Thành uỷ TP.HCM peih tabiak di bier harei kabroi (1/3). Brei panuac di mbang ginum biai, Bí thư Thành uỷ TP.HCM Nguyễn Văn Nên ndom lac: bruk ngak di urang jakar hu makna praong di abih dalam bruk padang Đảng, lac kadha ba tal bruk jeng atau oh jeng di cách mạng.

Lâm Đồng urak ni hu labaih 180 chuỗi pambuak gauk ngak gam song pablei tabiak  dom janih kaya nong haong jiak  18.400 boh sang urang nong hu mbaok tame. Meng bruk pambuak gauk ini, 520 ribau tấn kaya nong dom janih di urang nong dalam thun tapa  hu tani tanat labik pablei. Piah patagok kein lagaih dalam bruk pambuak gauk ngak song pablei kaya ka urang nong, abih di nyu nan lac dalam tuk jit ruak  Covid-19 rah tabiak srau kadau yau urak ni, tỉnh Lâm Đồng batabiak jalan paglong dom labik pambuak gauk ngak  tagok  200 chuỗi dalam thun ni, hu mbaok di labaih  20.000 boh sang urang nong song pandap kaya nong pablei hu labaih  600.000 tấn.

Yaom xăng manyek hu 2 mintri Công thương - Tài chính brei thau lac ramik veik meng maong 3 bier harei 1/3, tagok yaom di taong abih dom janih. Yau ye: yaom xăng E5RON92 tagok jang 540 đồng/lít; yaom xăng RON95-III tagok jang 550 đồng/lít, tagok tal tanut 26.832 đồng/lít. Yau nan, yaom xăng manyek hu ramik brei tagok yaom mbang ka 5 meng akaok thun tal urak ini. Tui 2 mintri, darak pasa xăng manyek dunya daok rahtabiak sarau kadau, abih di nyu nan lac bruk maraik gauk di Nga saong Ucraine, gah pabak xăng manyek njauk kan kandah dalam tuk caong pandar xăng manyek daok tagok tuk dom taneh ia peih tabiak dom bruk ngak pasiam viek kinh tế. 

Harei 1/3, Nhà Trắng song jabat Năng lượng dunya  (IEA) khan lac  Mỹ song dom  đồng minh njauk gauk brei ba tabiak 60 triệu thung menyek  meng dom gilang khik piah di dom taneh ia ni, dalam tuk dom urang pal akaok duah jalan trun njul dom kan kandah meng bruk quân sự di Nga pak Ukraine ngan song yaom xăng menyek dunya. Sa meteh dom menyek ni,  lac 30 triệu thung, hu mek meng gilang khik piah menyek chiến lược di Mỹ, sa meteh dok veik mai meng dom đồng minh di châu Âu song châu Á.Mintri Năng lượng Mỹ brei thau  bruk ba tabiak meng gilang khik piah chiến lược xăng menyek, piah tani tanat drak pasa song pacang veik bruk klaik klaoh pabak xang menyek kayua bruk mesruh di Nga haong Ukraine.   

 Liên hợp quốc harei kabroi (1-3) brei thau, labaih 660.000 urang tị nạn Ucraina nduac tapa dom taneh ia jaik taphia meng di tuk Tổng thống Nga Vlađimia Putin ba tabiak danak dak quân sự đặc biệt di harei 24/2. Di Me-đi-ca (Medyka), lac pabah mbang dunya chreih chrai abih di Ba Lan rah tui jalan tapen negar atah labaih 500 km haong Ucraina, rilo urang dang di tuk langik biak la-ar piah cang tal pasak taduan raok. Di grauk pasak di châu Âu, urang jakar hu padang dom pasak taduan raok di anak meta ngan haong dom sang kathaop, labik yaok urang meda daong y tế saong langyah harak gar tị nạn. Dom urang tị nạn rilo meng hu tapa dom taneh ia Liên minh châu Âu meng jalan tapen negar di gah timun Ba Lan, Slô-va-ki-a, Hung-ga-ry, gah barak saong đông bắc Ru-ma-ni.

Harei 01/03, Tổng thống Nga Vladimir Putin hu mbaoh tangin tame sarak “Ka dom jalan kinh tế di anak meta pabak piah khik tani tanat jien ndua di  Liên bang Nga”. Dalam sarak di  Tổng thống Putin tacei lac, “pacang klaok, pakauk, meng di harei  2 bilan 3 thun  2022, bruk ba tabiak truh Liên bang Nga ngoại tệ jien mbaok song (atau) dom công cụ jien ndua meng  ngoại tệ hong pok jien yam tapa 10.000 USD song hu kuhria tui yaom di gilang pariak  negar Liên bang Nga hu padang di harei suak./.

Urang lang: Thu Thao & H.Pha – 2/3/2022