Kapan gaiy mai meng dom tỉnh gah merong ba bingu mai pablei

Dom harei tapa, danka dak "Brei sổ bảo hiểm xã hội, thẻ bảo hiểm y tế, brei pandap - ba  Tết mai ka urang kathaot  thun anek sak rimong  2022" hu Bảo hiểm xã hội Việt Nam peih ngak. Yaok ribau blah thẻ bảo hiểm y tế hu jao ka mik va bangsa takik di nyaom oh hu kadung jien karja  dong đóng bảo hiểm y tế; urang dalam sang jiak kathaot  oh hu blei  bảo hiểm xã hội, bảo hiểm y tế song yaok ribau pok pandap  hu jao tal tangin  dom urang ruak kan kandah  dok veik dalam sang iek ruak  dalam tuk tết anek sak rimong.

“Tui kuhria, harei 14/2 taong abih dom labik pato pakai dalam bhum 1 saong bhum 2 brei anek saih nao bac tapak di sang bac”. Ini lac panuac hu ba tabiak dalam mbang ginum biai ka jalan peih pabah mbang saong bac , saong jalan peih pabah mbang raok tuai du lịch hu siam mekre, salamat rah tabiak tuk biar harei kabroi di Jabat Rajaei. Tal urak ini, dalam taneh ia hu 14 tinh, ban daok brei anek saih nao bac tapak di sang bac, 30 tỉnh ban brei bac tapak pambuak haong online, 19 tỉnh ban daok bac online atau bac tapa tivi. Tui Thứ trưởng Mintri Y tế Nguyễn Trường Sơn, bruk brei ka anek saih nao bac veik lac bruk meda ngak hu, iek tui bruk klauk vaccine.

Bác sỹ Nguyễn Hồng Tâm, paok yam ndoc pasak pasang iek ruak kik ban raya.HCM brei thau, meng  harei 24/1, ban raya .HCM hu  88 urang njom biến chủng bahrau  Omicron, dalam nan hu  5 urang njom dalam bhap bini, dok veik lac  dom urang tame VN.  Dom urang njom  rilo meng hu  triệu chứng hajuan yau , pandiak hajuan, pandik tarakon  . Ban raya HCM dok di adit ka  3 gam gam lac bhum hajao  , dom harei tapa, urang tame sang iek ruak song metai  kayua COVID-19 daok trun.

Piah khik ka tuai tapa phà hu siam mekre, salamat, samar drah, plaih gar jalan saong pacang caga hu jit COVID-19 dalam dom harei Tết Nguyên đán saong rija bilan  Xuân thun sak ramaong 2022, Cty cổ phần Phà An Giang brei pataom yaok pluh sruh phà praong dalam 9 harei tabung glaong meng 29/1 tal 6/2. Tui nan, hu 41 sruh phà meng 30-200 tấn nduac harei melam di 8 labik dalam tỉnh, dalam nan hu bến Châu Giang (Châu Đốc), bến Tân Châu (ban sit Tân Châu)…

Dom harei ni, drak bingu  cảnh, phun  kiểng di  bến Bình Đông (Quận 8, ban raya  Hồ Chí Minh) daok hu rilo ghe ba bingu meng dom  tỉnh miền Tây mai pablei . Ni lac drak bingu  “angaok bến ala gaiy” meng dahlau mai dok khik veik tuk  Tết mai tal di ban raya  Hồ Chí Minh. Thun ni, drak pasa bingu Tết bến Bình Đông hu labaih  300 - 400 po bein meng dom tỉnh Bến Tre, Tiền Giang, Vĩnh Long, Long An, Đồng Tháp… mai hu mbaok palei salih  song parang iek pandap ngan song rilo janih phun, bingu kiểng yau : mai vàng, cúc, tắc (quất) kiểng, bingu baar, vạn thọ, mào gà... dut song thun dahlau, dom urang pablei bingu Tết di drak trun  20-30% song yaom dom janih bingu  tagok meng  5-10% kayua jien pajeng ba,  jien buh tame ngak tagok glong.

Mesup ini  (25/1), hãng truyền thông ABC di Australia ba panuac Ngoại trưởng Marise Payne brei thau, 1.400 urang Australia daok hu mbaok di Ukraine brei samar drah tabiak truh labik ini piah plaih bruk mesruh gauk. Amuk Pên ndom lac, Australia pachreih tui bruk ngak po saong khik caga tamo taneh ia di Ukraine, saong hu panuac ieu Nga patrun bruk ngak brei catang tagok. Jeng tui Ngoại trưởng Australia, rajaei taneh ia ini daok sahneng kuhria bruk daong an ninh mạng ka Ukraine, min bruk daong tapak gah quân sự urak ini jeng oh ka kuhria tal.

Thổ Nhĩ Kỳ brei padeih tong abih dom mbang par di mblang kapan haoh Istanbul mbiah tal mon 1 (GMT) harei  25/1, kayua tuyet laik kapan pacang abih ban. Tuk vak ngak bruk di dom labik công cộng brei kreih pabah mbang avar, dalam nan hu dom pasak pablei salih.  Jabat bala meng langik tasik song samar drah  Thổ Nhĩ Kỳ khan lac, hu labaih 4 ribau 600 urang dok gar kayua langik tasik song labaih  6 ribau 700 urang hu ba tal labik siam mekre, yaok ribau container pandap mbang hu ba tal tangin bhap bini . Yaom lac,tuyết laik kapan ngak kan kandah tal dom bruk, song patrun bruk pandiak bhang di  Thổ Nhĩ Kỹ meng di bilan hè, tuk ia di dom binek kavei  nyu trun di tanut beir di abih dalam rilo thun tapa .

Urang jakar Mozambique harei kabroi brei thau, dom menuac metai dalam bala radaih ginuh gauk di tỉnh Zambezia, bhum kreh taneh ia ini tagok 28 urang. Bala nan di harei car (22/01) di quận Mô-pia, tỉnh Giăm-bê-zi-a hadei di tuk sa sruh radaih pajeng tuai ginuh gauk haong sa sruh radaih pajeng pandap praong. Urak ini karja palei di Mozambique hu padang 1 UB piah duah thau makna ba tal bala praong pandik harao ini./.

Urang lang: Hanipha- Mousaphuong- 25/1