Urang ruak covid njauk rilo ruak karei 

UB Bangsa birau patabiak Thông tư 02 tacei pato peih ngak dom dự án di Danak dak pakat negar patagok kinh tế - xã hội bhum urang bangsa takik saong bhum ceik vaktu 2021 – 2030, vaktu ka 1 meng thun 2021- 2025. Tui nan, gilang pariak Karja  meda daong jien buh tame padang sa baoh sang, tui adat cambat  di bhum palei ngan haong baoh sang kathaot lac urang bangsa takik saong urang Kinh daok di palei, xã biak kan kandah oh ka hu sang daok, atau sang taik tahak, khut tayak. Langiu di nan, Thông tư hu ba tabiak bruk daong taneh pala drak, salih bruk ngak ka dom urang ini.

Dom jalan khau tin brei thau lac Sang iek ruak Răng Hàm Mặt Trung ương TP.HCM saong Sang iek ruak Chợ Rẫy hu taduan iek ruak saong taong ruak ka dom urang njauk hoại tử talang mbaok hu pambuak tal ruak hadei di tuk njauk COVID-19. Mintri Y tế hu panuac ieu sang iek ruak samar drah pathau khan bruk urang ruak mai iek ruak, taong ruak, bruk taong ruak hoại tử talang mbaok meng bilan 2-2022 tal urak ini. Dom sang iek ruak njauk padang Kapul chuyên môn piah thau cambaih makna ngak tabiak ruak saong dom bruk hu pambuak tal ruak. Gam tui di nan, hu khau tin njauk, cambaih laih tui jalan ilamo saong ba tabiak dom jalan langyah ka bhap bini pacang caga, plaih ngak ka bhap bini suh sah hatai.

Meng thun 2021 mbiah tal ini, tỉnh Bình Dương hu 328 urang, lac bác sĩ, điều dưỡng, kỹ thuật viên saong urang y tế padeih bruk, klak bruk. Makna ba tal bruk nan, lac kayua tukvak pacang jit COVID-19 bruk ngak biak glaih glar, jien mek tame biar, bruk ngak kateik trak tagok prein yawa, gam haong dom bruk karei ba tal padeih bruk rilo. Piah pabak manuac ngak bruk y te padeih bruk, Sở Y tế Bình Dương brei thau, gah y tế brei palih ruah tame pabak 786 urang birau piah pabak ginup manuac ngak bruk. Tui nan njuak brei hu dom sarak daong piah khik takai bác sĩ, saong pasiam labik ngak bruk…

Di ĐBSCL, yaok ribau hécta padai hè thu daok tathak saong padai hè thu bahrau trun pajaih njauk khat lahik trak kayua hajan hangin khang dui atah. Rilo mbang padai tamuh mộng kayua dauk ia, bhap bini njauk mek talei kak veik, padang bingu padai tagok mbaok ia piah plaih khat lahik. Taeng di Hậu Giang, hu labaih 2.300ha padai hè thu tukvak tathak, tame tukvak yuak njauk khat lahik. Anak bruk ini, gah ngak nong Hậu Giang jak ba bhap bini tathuak ia piah patakik bruk dauk ia ka padai thu đông, patakik khat lahik tuk yuak padai saong khik tani tanat ka mac yuak padai ngak gam gam piah jhul samar bruk yuak kuak hadei di tuk áp thấp nhiệt đới.

Tukvak jiak ini, cuah ba tame padang ngak daok kurang, nan ye bruk mek cuah suan hukum dalam kraong di tỉnh Tiền Giang rah tabiak gilac. Dalam 6 bilan tapa, gah chức năng chap mek, langyah 20 mbang ngan haong jaik  40 urang njuk mek cuah suan hukum. Daok di labik taphia tasik, Bộ đội biên phòng tỉnh duah mboh saong chap khik, langyah yaok pluh kapal pajeng cuah praong njuk mek cuah  suan hukum di kraong Cửa Trung saong jalan kraong Soài Rạp.      

Thái Lan hu brei tapa bruk pabak “thẻ thường trú nhân” ka urang negar langiu piah pachreih bruk buh jien tame ngak mbang. Tui nan, yaok thun taneh ia ini meda pabak thẻ thường trú nhân ka labaih 100 rahra negar langiu saong 50 urang oh hu quốc tịch. Dalam tuk negar Thái Lan daok caong ka gah buh jien tame meng gah negar langiu praong abih piah pabak pasiam veik saong cak rok patagok kinh tế hadei di tuk njauk jit praong Covid-19, Rajaei Thái Lan caong lac sarak bahrau ini meda daong pachreih hu urang negar langiu mai daok suai lavik, buh jien tame ngak mbang saong ngak bruk di Thái Lan.

Trung Quốc daok jhul pakhang bruk pandar iek jien kỹ thuật số. Meng akok thun mbiah tal puac bilan 5 meng blaoh, kuhria taong abih dom bruk pandar meng jien nhân dân tệ kỹ thuật số di Trung Quốc tagok tal 83 tỷ nhân dân tệ sumu 12, 33 tỷ USD. Meng puac thun 2019, Gilang pariak Bhap bini Trung Quốc  peih ngak dom danak dak pandar iek jien nhân dân tệ kỹ thuật số di Thâm Quyến, Tô Châu, Tây An saong Thành Đô. Tukvak anak tal, TQ meda peih praong jang dom danak dak ngak iek, pakhang bruk padang ngak iek saong pakhang bruk pambuak haong dunya.

Negar Mỹ hu labaih 1 ribau urang ruak đậu mùa khỉ di 41 bang saong bhum taneh Puerto Rico. Jaik abih dom urang njauk ruak đậu mùa khỉ di Mỹ lac likei, dom urang likei mbang ndih haong gauk, min dom urang ilamo gah y te kakei lac urang halei jeng meda njauk ruak ini. Urang jakar Mỹ urak ini daok pambuak haong bilik dut iek thương mại praong abih saong caong lac meda dut iek hu 70 ribau mbang yaok adit di puac bilan ini./.

Urang lang: Thu Thảo -Ái Nghiêm -16/7