Hadei di tuk khan brei thau blaoh điểm chuẩn đại học thun 2023, harei kabroi (24/8), dom sang bac đại học di TP.HCM hu rok sinh viên mai tal sang bac piah nộp harak gar, ngak adat tame bac. Dom sang bac hu rilo sinh viên mai nộp harak gar tame bac, yau ye: Đại học Công thương TP.HCM, Đại học Hồng Bàng, Đại học Nguyễn Tất Thành, Đại học Công nghệ (HUTECH)... Gam tui di nan, tuk mai tame bac aval, sinh viên bahrau jeng nộp jien bac tui yaom bo sang bac brei thau bloh, dom sang bac daok hu sarak trun jien bac ka anek saih bahrau tame bac. Tukvak tame bac di dom sang bac đại học lac meng harei 24/8 tal harei 8/9.

Biar harei kabroi (24/8), UBND huyện Châu Thành A, tỉnh Hậu Giang peih bruk brei thau xã Thạnh Xuân mek hu angan Palei pala bahrau kiểu mẫu. Ini lac xã palei pala bahrau kiểu mẫu ka 2 di tỉnh Hậu Giang saong lac xã ka 6 di bhum ĐBSCL. Piah hu pok brei angan xã palei pala bahrau kiểu mẫu, tukvak tapa, xã hu ngak rilo bruk ngak brei salih bahrau khang di dom bhum palei. Meng phun jien ieu pataom padang ngak xã palei pala bahrau kiểu mẫu labaih 374 tỉ đồng, Thạnh Xuân hu jaik abih menuac sia di taong abih 9 palei di xã hu thau ka jalan ngak, ka sarak di karja tapa jalan pandar App Hậu Giang, Zalo…

UBND tỉnh Đồng Tháp bahrau padang ngak danak dak khik ramik saong cak rok patagok sếu akaok bhong di Bein pakat negar Tràm Chim tukvak 2022-2032. Danak dak khik ramik saong cak rok patagok sếu akaok bhong tui kuhria hu peih ngak dalam 10 thun (2022-2032), raong palao hu jak jeng 100 drei. Tui jalan ba tabiak lac hu takik di nyu 50 drei daok diuk dalam langik vil val bhum đệm. Tui kuhria abih tih phun jien piah peih ngak lac labaih 76 tỉ đồng. Dalam nan, gam bruk salih bruk ngak pasiam alam mbaok langik tasik ka tapol anek sếu, daong ka bruk ngak nong tui jalan hữu cơ, saong yaih khan bruk du lịch.

Biar harei kabroi (24/8), di labik ngak bruk di Cty cà phê Trung Nguyên (Công ty Trung Nguyên), dalam labik ngak kong Tân Đông Hiệp A, ban sit Dĩ An, tỉnh Bình Dương hu bruk patuh tu điện ngak brei khuah. Tuk mboh khuah, kapul pacang padam khuah di Cty hu peih 2 nding ia praong saong ba labaih 10 bình padam pui dom janih piah pacang padam pui. Taduan hu panuac khan, kapul pacang padam khuah bhum Bình Thắng ban sit Dĩ An brei radaih saong menuac di drei nao tal labik, min tuk nao tal, labik nan hu padam baloh meng dom menuac urang pak di labik nan.

Jabat pasang iek di Công an tỉnh Bà Rịa - Vũng Tàu hu ngak salah bruk pasang iek vụ án “pachot pagait meblah mek drap ar; pablei salih hóa đơn suan adat hukum; kurang caik hatai tal bruk ngak di drei ba tal khat lahik biak trak; pambak tame bruk ngak ba kein laba mai ka drei” rah tabiak di Chi cục Thuỷ sản, Sở Ngak nong saong patagok palei pala tỉnh saong hu panuac ieu ba tabiak langyah tui hukum 13 urang. Tui bruk pasang iek, thun 2018, Rajaei hu ba tabiak Sarak 17 ka bruk ngak pasiam, pabak dom paka di Sarak ka 67 thun 2014 ka dom sarak cak rok patagok dalam bruk ngak kaya tasik, dalam nan hu “sarak daong sa mbang hadei di buh jien tame ngak ”. Peih ngak sarak ini, UBND tỉnh Bà Rịa - Vũng Tàu hu ba tabiak ka dom po gilai ginup prein piah  ngak gilai ikan kaduh composite, piah mbang tui sarak daong  sa mbang hadei di tuk buh jien tame ngak tui Sarak ka 17.

Praong tagok dalam samar pandar jien điện tử dak harei dak jeng bhian randap, rai Alpha (gen Alpha) lac rai takik hu thau ka jien mbaok saong meda gaok kan kandah dalam bruk thau hu yaom glaong di jien ndo. Gen Alpha lac dom menuac ndih tapui meng thun 2010-2025 – rai camereip abih praong tagok dalam saman kỹ thuật số taong abih. Yau nan min, bruk pato pakai ilamu jien padai – abih di nyu lac di châu Á – daok dang anak dom cuang kandah  tuk ilamu thau ka jien padai biak biar. Rilo urang châu Á kurang thau ka bruk jien padai yau ye padang kadung jien karja, patak pataom saong  buh jien tame ngak mbang, lạm phát, jien laba jien jhung saong rilo kadha karei karei.

Dom urang roh duah ilamo di Thụy Điển hu ngak iek bruk cak rok patagok dom điện cực dalam kalik diuk meng jalan pandar dom phân tử di rup pabhap meda ngak tác nhân piah pamadeih. Kapul roh duah ilamo hu ngak tabiak sa pandap panda ba điện meda hu ba tame rup. Kapul ini ngak tabiak điện cực meng jalan pandar A5, hỗn hợp hu polymer, eng drei rami ramik dalam sa khối gel saong ngak tabiak hydrogel hu tính ba điện glaong, tani tanat. A5 hu klauk iek tame gilao akaok ikan ngựa vằn. Tui tukvak, tanut tapan di điện cực lamar tagok jang saong dom talei dhar meng cak rok patagok, ngak jeng bruk pambuak gauk biak catang haong dom tế bào vil val. Tui dom urang roh duah ilamo, jalan ngak ini meda pasang iek hu dom tín hiệu glo akaok, taong ruak bruk sarau kadau di glo akaok.

Tui bilai pasang iek pakat negar Hy Lạp, dalam thun ini, pui mbang abih labaih 120.000 ha glai di dalam taneh ia ini, rilo jang 3 mbang duk haong glai khuah yaok thun kuhria meng thun 2006. Dom bruk palai pajoa meng pui khuah dalam thun ini hu maong lac trak damak di abih dalam 17 thun tapa, dalam nan thun 2007 hu maong lac thun trak damak di abih tuk hu tal labaih 270.000 ha glai njauk pui mbang. Tui kuhria mboh di Jabat pasang iek khuah glai châu Âu, bahrau ini jeng brei mboh bruk khuah glai di Hy Lạp dalam thun ini jeng lac biak khang, biak jhak./.