Dom thun jaik ini, bruk ndik tapui di Viet Nam trun mboh cambaic laic, bruk ndih tapui dalam negar thun 2023 lac labaih 1,96 anek sa urang kumei, trun duk saong 3,6 anek sa urang kumei di thun 1989 saong lac takik ndih tapui abih kuhria meng dahlau mai ini. Bruk ndih tapui di Viet Nam daok biar abih di bhum Đông Nam Á. Bruk takik ndih tapui di Viet Nam tame nyaom dom taneh ia takik ndik tapui anek, ba tal rilo kan kandah ka bruk cak rok patagok khang kajap di taneh ia. Dom urang ilamu taong yaom lac, bruk takik ndih tapui, manuac ngak bruk umo ranaih meda dak harei dak kurang, ngak kan kandah tal bruk cakrok patagok kinh te.  

Ngak bruk haong UBND tỉnh Đồng Nai ka darak pasa taneh riya saong sang daok xa hoi, ong Bùi Văn Cường, Tổng Thư ký, Akaok Jabat Quốc hội brei thau lac, bruk pabak ka danak dak di Đồng Nai daok takik saong ka oh samu gauk ka sang daok. Anak tal, tinh njauk pambuak haong dom mintri, dom gah, dom doanh nghiệp taoh talaih dom tavak tavaiy pambuak tal bruk buh jien tame, quy hoạch, padang ngak. Caik hatai sangka tal bruk cak rok patagok dom danak dak sang daok, abih di nyu nan lac sang daok ka urang ngak kong pah. Tui UBND tỉnh Đồng Nai, meng thun 2015 tal abih thun 2023, tỉnh brei buh jien tame ngak abih tih 136 danak dak sang daok brei pah, labik khu đô thị. Min, bruk peih ngak quy hoach saong jalan ba tabiak cak rok patagok sang daok saong khik ramik darak pasa daok takik.

Tui Thượng tá Đoàn Văn Quới, Pho Akok jabat Cảnh sát giao thông Jalan radaih – jalan pasei, Công an TP.HCM, tapa pasang iek, langyah bruk ngak suan hukum jalan mbak dalam tukvak tapa, mboh hu 6 bruk bhian ngak suan. Nan lac oh dang veik tuk gom bhong angaok jalan; nduac cagar jalan; peih nduac samar jang tanut ba tabiak di hukum; peih di jalan pakauk; nduac oh njauk jalan, jalan brei peih saong menyum alak mbia blaoh peih radaih. Dalam 6 bilan tapa , CSGT TPHCM hu mboh, langyah labaih 170.000 mbang ngak suan 6 bruk angaok nan, meblah labaih 51% dom bruk ngak suan.  

Meng akaok thun tal ini, Gah Canh sat jalan mbak tỉnh Long An hu ngak bien ban, mek labaih 5.700 harak adat peih radaih, phat jien labaih 84 tỷ đồng. Jaik abih dom bruk nan, lac manyum alak mbia blaoh peih radaih saong dom bruk yau ye nduac biak samar, lih tapa jalan, njuk jru phin. Tỉnh Long An daok samar drah pambuak haong Mintri Jalan mbak pajeng ba peih bruk pasang iek, hu jalan langyah ngak pasiam veik dom labik jhak di mangaok jalan. Dalam nan hu canah jalan Ngã 5 - Long Kim di labik jalan Roya 1, ini lac labik mbuan hu bala radaih ginuh gauk, yaok harei hu tal labaih 50.000 sruh radaih nao mai di labik jalan ini.

Dom harei tapa, bruk 1 urang metai, 1 urang dương tính haong ruak bạch hầu ngak ka manuac sia mboh haduh hatai. Mbiah tal tukvak ini, 18 dalam 134 mẫu dut iek ruak bạch hầu urang hu taom gaok jaik anek saih kamei daok di Nghệ An saong Bắc Giang  mboh lac am tinh. Bác sỹ Nguyễn Trung Cấp, Pho Yam ndoc gah chuyen mon Sang eik ruak Bệnh Nhiệt đới Trung ương khan lac, Bạch hầu lac ruak njom mbak nyaom B, njom mbak tapa jalan suak yawa, min takik njom mbak jang COVID-19 yau nan ye oh ngak jeng jit ruak, bhap bini juai huac ralo.

Tổng thống Indonesia Joko Widodo brei thau lac, meda iek tui bruk panduan ba ban ine di negar ini piah tabiak tukvak pok angan Nusantara pak tỉnh Đông Kalimantan lac ban ine bahrau. Tui nan, bruk tabiak Sarak brei angan Nusantara lac ban ine bahrau di Indonesia meda lac di kanja urak ini atau kanja anak tal di Tổng thống bahrau hu pilih ruah lac Prabowo Subianto – urang tagok ngak di bilan 10 anak tal. Di bilan 3 thun ini, Quốc hội Indonesia brei thau labik dang biak praong di Jakarta lac “pasak kinh te di taneh ia” hadei di tuk negar ini hu ban ine bahrau.

Tui Cục pacang caga kol toi pham công nghệ glong Campuchia, tuk pagam điện tame phone meng cổng sạc công cộng, urang pandar phone meda  gaok bruk lih tame jalan ba dữ liệu di USB piah klaik mek thong tin, atau ba mã độc tame phone daok pambuak. Kol jhak meda pambak tame labik sạc công cộng meng bruk cài đặt phần cứng atau phần mềm hu ramik veik. Nan ye dom urang ilamo kakei, urang pandar takik sạc phone tapa cáp saong USB labik công cộng. Urang pandar brei hu mật khẩu khang, xác thực tapa rilo jalan, bhian copi dữ liệu, paglaong hatai sangka haong dom email, bruk iew phone atau tin nhắn pachot pagat.

Puac adit blaoh, bhum gah kreih negar Shizuoka hu jeng labik camriep di Nhật Bản hu nhiet do tagok tal 40 độ C dalam thun ini, yam tapa atah tanut 35 độ C hu dom urang jakar gah langik tasik taong yaom lac biak pandiak. Tokyo hu 9 urang metai kayua mebuk pandiak, tuk nhiet do di tanut 35 độ C di kreih pandiak. Kapul Y học samar drah Nhật Bản jeng hu panuac lac meda hu urang metai meng abih prein kayua pandiak dak harei dak tagok glaong dalam taneh ia, meda lac ba tal dom kan kandah deih yau sa bala langik tasik praong di negar ini.