Dom bhum palei dalam tinh tinh Binh Phuoc sumu gauk peih bruk duah thau hatai caong khin di dom jabat karja, don vi saong bhap bini ngan haong du thao Danak dak ramik don vi karja pakat xa. Urak ini Binh Phuoc hu 11 don vi karja pakat huyen (1ban, 3 ban sit saong 7 huyen) saong111 don vi hanh chinh pakat xa. Tui du thao danak dak di UB bhap bini tinh Binh Phuoc, hadei tuk ramik, tinh daok veik 42 don vi hanh chinh pakat xã ( dalam nan 8 phuong saong 34 xa), trun 69 don vi.

Tinh uy Ca Mau peih Nyaom roya brei panuac ka danak dak ramik don vi karja pakat xa. Urak Cà Mau hu 100 don vi hanh chinh pakat xa, dalam nan hu: 82 xã, 9 phuong saong 9 ban sit. Hadei sahaneng kuhria tani tanat, UB bhap bini tinh ba tabiak bruk ramik daok 39 don vi karja pakat xa, trun daok 61% dut saong dom don vi karja pakat xa yau urak ini. Urak tinh hu ngak salah blaoh  urang ngak bruk karja di dom don vi hanh chinh birau, brei salah blaoh bruk ramik dalam 30 harei.

Yam tapa 50 thun, ayakat van hoc nghe thuat TPHCM uak drei patagok tui bruk cak rok patagok di ban raya. Ngan haong danak dak “Patagok Kong nghiep ilamo TPHCM tal thun 2030” ban raya pambuak pagam bruk cak rok patagok  kong nghiep ilamo gam dak padang do thi hadah krah. Ban raya HCM daok tut angan tame Dom Ban raya Hadah krah di UNESCO di gah dien anh…piah pamong tal labik dang di sa do thi dunya.

Kong an tinh Binh Duong pambuak haong Mentri Kong an saong Kong an tinh Binh Phuoc chap mek hu abih kol pablei jru aphien, mek hu labaih 24,8 kilo matuy saong sa paik phao gam rilo ndap nda karei. Tapa duah thau, urang ngan Đào Thị Như Quỳnh (ndih tapui thun 1997, daok TP.HCM) khan lac tame jalan pablei matuy di TPHCM  meng akaok bilan 2 thun 2025. Mbiah tal bilan 3 thun 2025, Quỳnh salih labik pah sang chung cu di tinh Binh Duong saong blei matuy tapa dom ung dung Telegram, Wechat, Zangi...Bruk ini jabat kong an daok ngak brei cambaic laic.

Sa taphol lamen glai hu 7 drei bhian tame apuh di mikva xã Mã Đà, huyện Vĩnh Cửu, tỉnh Đồng Nai meng rilo harei tapa. Taphon lamen bhian tabiak glai meng mon 2 tal mon 5 tuk subuh page. Bruk lamen tabiak tapen glai, atau tame apuh duah ndap mbang mboh rilo dalam tukvak jaik ini. UB bhap bini tinh Dong Nai jeng brei paga meng ndien atah 70km  pacang taphon lamen tame labik bhap bini. Yau nan min, lamen juah jaleih phun kayau glai kateik talei ndien piah tabiak gah langiu.

Gah Palei salih Dunya (WTO) kuhria mboh dahlau  bruk trun ralo dalam bruk pablei salih di dunya thun ini, meng bruk patagok khang trun biak biar. Tui WTO, meyah Mỹ pandar ngak tui veik dom jien je bo Tong thong My ba tabiak, patagok bruk pablei salih pandap panda di dunya trun veik 0,6%. Tui nan, dom bruk pambak praong meng dom labik karei langiu bruk pablei salih tapak haong My meda ngak trun veik 0,8%. Kuhria abih tih, bruk pablei salaih pandap dunya meda trun 1,5%.

Dom urang công tố di ban ine Berlin (Đức) chap mek duis bac si pak ini ngan haong 15 dius pametai manuac, dalam nan pametai abih tih 15 urang ruak, umo meng 56 tal 94 thun, daok pandar jitvu iek ruak ka urang meng bilan 9 thun 2021 tal bilan 7 thun 2024. Gru iek ruak ini ngak ka dom urang ruak pran khang jalan suak yawa, ba tal padeih tok suan saong metai samar hadei nan.

Tui Gah Yulit Negar Nhat Ban, dalam 3 bilan tapa taneh ia ini pachreih hu labaih 10 trieu tuai damuai yulit. Bruk nao ma-in jarah  parilo tagok di bilan 3 tuk Nhat Ban tame  bilan bingu anh đào, ralo tuai mai rilo abih lac meng negar My saong Canada. Dalam tuk nan, tui kuhria meng Jabat Yulit Nhật Bản mboh lac jien buh tabiak car pandar di urang negar langiu  dalam 3 bilan akaok thun ini tagok tal 2 ribau 3 rituh ti yen sumu  16 ti dola Mỹ.