Paglong jalan sahaneng di bhap bini pacang caga prein yawa di rup eng

Dom tỉnh, ban patagok bruk taong ruak di sang ka urang njom Covid-19 hanjol saong oh mboh rua, tui tacei pato tani tanat, khang kajap di Mentri Y te. Thủ tướng Phạm Minh Chính tacei pato yau nan dalam công điện ka bruk samar klauk jru vaccine saong jhul pakhang bruk peih ngak dom jalan pacang caga Covid-19, melam 11/1. Công điện hu labik lac, Hà Nội saong dom tỉnh, ban hu rah tabiak bruk bahrau ka jit ruak, abih di nyu nan lac mbuan tamuh jit ruak kayua biến chủng Omicron. Yau nan ye, urang dang akaok Rajaei iew dom tỉnh, ban peih ngak catang jalan pacang jit, abih di nyu lac ngak tui 5 paka di mintri Y tế, paglong jalan sahaneng di bhap bini pacang caga prein yawa di rup eng, di baoh sang, bhap bini saong dom jalan pacang caga biến chủng Omicron; oh iek biar, iek lap blaoh takik caik hatai sangka.

Meng di harei ini (12/1), baoh thanh long meda hu langyah brei tapa pabah mbang negar jalan haluk ka II Kim Thành (ban Lào Cai) piah pablei tapa Trung Quốc hadei di tuk jaik 5 bilan njauk padieh. Ini lac bruk ngak hu hadei di rilo mbang ginum biai di dom jabat chức năng di 2 gah piah lang talaih dom kan kandah ka bruk pablei salih nao mai tui jalan tapen negar. Dahlau di nan, luac tukvak suai lavik meng di harei 18/7/2021, anak dom bruk huac kanda ka jit Covid-19, gah Trung Quốc brei padieh bruk blei baoh thanh long Việt Nam tapa Lào Cai. Bình Thuận làac labik pala thanh long rilo abih di Việt Nam,  sản lượng labaih 600.000 tấn sa thun. Tal urak ini, rilo taneh ia hu brei adat blei baoh thanh long di Bình Thuận, min darak pasa Trung Quốc jeng lac praong abih tapa dom jalan tapen negar gah Barak.

Sở LĐ, TB saong XH tỉnh Đồng Nai brei thau labaih 1.000 D.N khan brei thau jien bilan, jien Tet Nhâm Dần 2022. Kuhria rah tapa, jien thưởng di Cty hu  abih tih phun jien karja di tỉnh lac 7 trieu dong; c.ty cổ phần lac  6 triệu 720 rabau đồng; doanh nghiệp dân doanh  7 triệu 860 rabau đồng saong doanh nghiệp FDI là 8 triệu 120 rabau đồng. Urang hu jien thưởng Tet glong abih nan lac Yam ndoc jien padai doanh nghiep FDI daok di phường Long Bình, Ban Biên Hòa, lac 797 trieu đồng. Jien thưởng  biar abih di doanh nghiep FDI di KCN Hố Nai, huyện Trảng Bom lac 1 triệu 750 rabau đồng.

Dom tỉnh bhum taneran kraong CL daok tame bilan yuak padai Đông Xuân. Jien buh tame ngak tagok tal 2 mbang dalam tuk yaom padai trun ngak ka kein laba di bhap bini gah miền Tây trun khang dalam bilan pala. Tui pathau khan di Mintri ngak nong saong patagok palei pala, dalam thun 2021, yaom khak drak tagok tui kuhria lac meng 50-73%, hu janih tagok 83%, yau ye khak urê. Thứ trưởng Công Thương Trần Quốc Khánh ndem lac, khak drak lac pandap daok dalam angan khik tani tanat yaom kaom, min bruk khik tani tanat yaom lac biak kan kandah tuk yaom tagok lac kayua yaom pandap piah ngak tabiak khak nyu tagok.

Biar harei kabroi, mBan Khik iek bein pakat negar Côn Đảo peih bruk mbaoh tangin pambuak bruk brei pah glai pambuak saong patagok dulich sinh thái, padeih padei, ma-in sambai saong Công ty cổ phần Du lịch Nghỉ dưỡng Côn Đảo. Danak dak dulich sinhn thái, padeih padei, ma-in sambai "Thau ka Baoh hatai - Côn Đảo" hu taneh glai praong abih tih lac 120ha, parabha di Sở Rẫy; Ông Đụng saong parabha dich vụ - hành chính hợp phần khik caga tasik. Danak piah peih ngak dulich sinh thái, patagok kinh te- xa hoi palei, rik daong khik caga, patagok khang kajap darp ar glai di labik huyen Côn Đảo.

Harei 11/1, dom chuyên gia di Gah Y tế dunya WHO brei thau lac dom vaccine caga COVID-19 daok hu pandar urak ini meda hu paglaong viek piah  pacang caga hu dom biến thể bahrau di virus SARS-CoV-2, dalam nan hu Omicron saong dom biến thể karei meda hu di harei hadei. Dahlau di nan, jeng dalam harei nan, Giám đốc bhum châu Âu di WHO, ong Hans Kluge brei thau lac, hu labaih meteh dom menuac sia dii châu Âu meda njom biến thể Omicron dalam 2 bilan anak tal mayah bruk njom mbak daok rah tabiak yau urak ini.

Dom urang birau njom saong urang tame sang iek ruak kayua Covid-19 yaok harei di Mỹ daok tagok  glong dalam tukvak tapa, abih di nyu lac hadei di tuk padeih pauca thun ngan saong bruk njaom mbak samar di biến thể Ô-mi-crôn. Ta-eng harei 11/1, urang tame sang iek ruak  jeng tagok glong  labaih 145 ribau mbang saong hu mboh di dom urang oh ka klauk jru. Bruk nan ba tal bruk rilo sang iek ruak ngak bruk tapa prein saong kurang  urang ngak bruk kayua rilo urang njom ruak Covid-19. Dom sang iek ruak brei takik saong padeih  dom dich vụ y tế  palih ruah piah brei ngak dahlau lac taong ruak ka dom Covid-19.

Liên quân Arab kayua Saudi Arabia dang akaok harei 11/1 hu ba tabiak bruk taong tame kapul Houthi daok di Yemen di taong abih dom labik, sa harei hadei di tuk liên quân Arab gam haong bol bala rajaei Yemen mek hu quyen pasang iek tỉnh Shabwa- lac labik hu rilo mebyek. Dahlau di nan, dom urang jakar labik nan saong truyền thông pak nan brei thau, mbang camriep hadei di rilo bilan, bol bala rajaei Yemen hu taong tame dom labik di gah maraong ban Marib kayua kapul Houthi pasang iek, mek hu quyen pasang iek sa bhum taneh praong di huyện Hareb dalam tỉnh Marib./.

Urang lang: Bhumi – Thu Thao – 12/01