Uy ban MTTQ Viet Nam tinh Dong Nai birau peih Nyaom biai hiep thuong mbang ka 3 saong vak angan dom urang palih ruah ka Quoc hoi mbang XVI saong urang HĐ bhap bini tinh vaktu meng thun 2026-2031. Di nyaom biai hiep thuong mbang ini, hadei tuk langyah sa harak don likau tabiak, taong abih  dom urang hu mbaok njauk hatai brei tapa sarak angan hu 23 urang hu ginup tanut palih ruah tame Quoc hoi mbang XVI. Ngak salah blaoh angan 150 urang palih ruah ka HĐ bhap bini tinh.

Tapa Nyaom biai hiep thuong mbang ka 3, tinh Lam Dong njauk hatai palih ruah,  vak angan 21 urang hu ginup bruk ba tabiak brei palih ruah  ka Quoc hoi mbang XVI saong 133 urang ka HĐ bhap bini tinh Lam Dong vaktu 2026-2031, njauk bruk dak ramik, tui hukum. Lam Dong hu parabha 6 don vi palih ruah Quoc hoi, 38 don vi palih ruah ka HĐ bhap bini tinh.

Harei ini, peih pakak Raya bingu pataih TPHCM ngan haong kadha “ Xuan jum pataom – Takai yam tagok khang kajap”. Raya  bingu xuan TPHCM lac labik  pataom rilo kadha pakacah di urang ngak gah bingun, ikan kieng, bonsai, non bo…hu rilo kadha  pakacah biak gheih yau dom mejam bingu lan, mejam dom phun bonsai hoa Đỗ Quyên saong  bingu bông giấy praong rilo sambo mau tal dom urang pala bingu di tinh Lâm Đồng, bingu nghe thuat, sứ pagam dhar saong sứ pagam bingu rilo mau kayua dom urang gheih mbaik bingu di Viet Nam ngak tabiak. Njauk ndem tal, thun ini Nyaom roya bilan xuan mbang akaok meti  hu peih ngak  dieu hanh – parang iek nghe thuat athaik di dunya yaok melam di bein bingu Tao Đàn.

Vien Pasang iek bhap bini tinh An Giang gam haong dom urang ngak pahala  pambuak haong UBND phuong Tịnh Biên peih bruk alin brei 20 paok kaya Tet saong 1 baoh sang Jum pataom  ka urang kan kathaot di phuong Tịnh Biên. Hòa thượng Thích Tôn Quảng, Akok mbang Ngak pahala Giáo hội Phật giáo Việt Nam tỉnh An Giang jeng hu peih bruk rivang, alin 700 paok kaya Tet ka urang kathaot phuong Tịnh Bien. Yaok paok yaom 300.000 dong, rik tame daong ka dom baoh sang kan kandah uan raok Xuan, uan Tet bui sambai.

Pasak Khik daong xa hoi tinh Dak Lak, So Y te Dak Lak pambuak haong dom don vi daong peih ngak Danak dak Gala “ Xuan anit ranam – Tet jum pataom”, alin kaya saong lixi Tet  di pasak Khik daong xa hoi saong Uranaih raidiuk kan kandah dalam bhap bini. Pasak Khik daong xa hoi saong Uranaih tinh Dak Lak urak ini daong 351 urang, dalam nan hu uranaih metui, urang taha oh hu gauk gar. Tet thun ini, hu 351 urang taduan hu lixi 500 ribau dong; 27 uranaih sang kathaot langiu bhap bini tadaun radaih juah. 

Gah Y te dunya khan lac, Mỹ hu mbaok tame ginum biai di Gah Y te dunya peih ngak di puac bilan ini piah brei thau ka dom janih vaccine kum dalam tuvak anak tal. Bruk nan njauk caik hatai lac kayua Mỹ tabiak truh WHO, hadei dom bruk oh njauk gauk  tuk ngak  bruk jit ruak praong COVID-19. Yau nan min, bruk hu mbaok tame  palih ruah virut kum brei mboh Mỹ daok pambuak bruk  domgah ky thuat.

Hajan praong ngak ia dauk di ralo labik gah Barak Bồ Đào Nha hadei dom mbang ribuk praong, karja brei panduan ba yaok ribau urang nao labik karei. Di ban klak meng kan Coimbra, labaih 3 ribau bhap bini klak sang nao kayua kraong Mondego ia meda sre ar. Bruk nan meda jhak jang tuk hajan praong mbuan ngak binek Aguieira sre ia, mbuan rah tabiak ia sua.

Thu tuong Canada Mark Carney ndem puac bruk patuh phao rah tabiak di sang bac di tỉnh British Columbia di harei 10/2 ba tal 9 urang metai saong rilo urang njauk rambuac, nan lac bruk ngak biak huac. Ong sanya pambuak Rajaei Lien bang daong ka bhap bini daok gaok kan kandah. Cảnh sát Canada khan lac urang dius kumei umo 18 thun saong ruak tam than saong pametai rup eng hadei di nan./.