Brei thau ka bruk quy hoạch TPHCM vaktu 2021-2030, pamong tal thun 2050; Danak ak ramik pasiam quy hoach TPHCM mbiah tal thun 2040, pamong tal thun 2060, ong Phan Văn Mãi, Akok UB bhap bini TPHCM brei thau, yaom lac tukvak hu tagok di gauk hasit, min pataom iek ka đơn vị hành chính, patagok đô thị ye urak ini mbiah tal 2030, TPHCM khik tamo 16 quận, 5 huyện saong TP. Thủ Đức. Dalam bruk ramik ngan haong 5 huyện, Ban padang ngak dom hạ tầng pamong tal dom tanut đô thị piah patagok ban di tỉnh oh ngak dreih yau Ban Thủ Đức.

Sở Lao động - Thương binh saong Xã hội tỉnh Bình Dương brei thau lac dalam 6 bilan akaok thun ini, dom urang ngak harak gar piah hu mbang jien daong lahik bruk ngak trun biak rilo. Dalam tuk nan, labik ngak bahrau hu doanh nghiep peih praong bruk pilih ruah. Bruk ini brei mboh lac, dom sang mac daok hadah gom pabak ka bruk ngak, ba bruk ngak ka urang ngak. Daok tui Pasak Dich vu – Bruk ngak Bình Dương, dalam mateh akaok thun ini, labaih 54.100 urang ngak hu langyah saong mayaih khan bruk ngak. Dom bruk siam lagaih ini caong lac di harei hadei, hu ba mai kein lagaih ka urang ngak saong dom doanh nghiep di Bình Dương.

Piah paglong asar baoh kayau pablei tabiak negar langiu ba mai kein laba glong, tỉnh Tiền Giang palih ruah 3 janih baoh kayau lac durien, panat, thanh long piah daong bruk pala, paglong asar saong jhul pakhang bruk pablei. Danak dak nan piah padang ngak bhum pala pandar kong nghe birau, paglong asar saong ngak jeng bhum nguyen lieu tani tanat, khik brei siam piah duh ka bruk che bien saong pablei tabiak negar langiu. Tiền Giang hu taneh pala phun mbang baoh praog abih dalam taneh ia ngan haong 82.600 ha, brei labaih 1trieu 700 rituh ribau tan sa thun.

Đồng Nai hu mbaoh tangin tame harak gar brei pah labik glai camriep piah cak rok ngak yu lich, pamadeih ka bruk cak rok patagok yu lich sinh thai di dalam tỉnh. Bruk mbaoh tangin tame piah peih ngak Danak dak yu lich sinh thai, padeih padai, ma-in di Mban Khik ramik glai phòng hộ Tân Phú lac bruk peih mbaok ka bruk cak rok patagok yu lich sinh thai di pak ini. Glai phòng hộ Tân Phú hu mblang taneh praong labaih 18.000 ha, ngan haong mbaok taneh biak gheih, hu rilo janih sinh thai, dalam nan gheih di abih njauk ndem tal labik Thác Mai - Bàu Nước Sôi.

Tỉnh Ninh Thuận daok samar brei labaih 589.600 kilo brah ka bhap bini sang kathaot, jaik kathaot saong raidiuk biak kan kandah di 5 huyện dalam tỉnh, yaok urang hu tadaun 15 kilo brah dalam sa bilan. Piah brah hu brei njauk urang, hu tal puk palei piah Mban khik iek palei brei ka urang hu bruk tui iek tani tanat di Mat tran negar di bhum palei saong bhap bini. Meng nan, oh rah tabiak bruk jhak, meriak gauk ngak haduh hatai…Tapa nan, bhap bini puk palei jeng yau urang hu mbang tui jia tame.

Sa sarak bahrau hu brei tapa, dalam nan Kapul pasang iek ban saong quận hạt San Francisco Mỹ hu brei ka sap Viet hu pandar yau sa dalam dom sap ndem panuac puac di ban ini. Dahlau di nan, sap negar Anh, sap Trung Quốc, Tây Ban Nha saong Philippines hu ban ini pandar dalam dom dich vu kong. Urak ini di ban Francisco hu labaih 6.700 urang rilo abih ndem sap Việt. Bruk ini hu saong daok ba kein lagaih samu gauk, jhul khang bruk mbeik drei tame saong cak rok patagok khang kajap di rahra Viet Nam daok pak Mỹ.

Indonesia brei ngak iek sa adit ngak bruk 4 harei piah salih birau bruk kein laba ka urang ngak. Piah ginup bruk nan, urang ngak bruk brei ngak takik di nyu 40 mon dalam 4 harei, ngan haong bruk ngak siam saong glong. Bruk ngak iek nan piah duah thau sa adit ngak bruk 4 harei hu daong paglong bruk ngak atau oh jeng yau hu pabak prein yawa akaok sahaneng hlei. Di dunya, rilo taneh ia saong kong ty di Đức, Bỉ, Anh, Tây Ban Nha saong Bồ Đào Nha hu brei ngak bruk 4 harei hadei jit ruak COVID-19.

Rajaei Australia hu ngak catang jang veik dom adat likau thị thực (visa) du học piah piah pacang caga bruk salih visa. Tui nan, meng harei 1/7/2024, dom urang khik visa du lich saong visa tạm trú hadei di tuk bac tamat blaoh meda oh daok nop harak gar likau salih tapa visa du học tuk daok dalam Australia. Sa pathau khan di thun 2023 di Viện Grattan brei mboh, yaok 3 sinh vien negar langiu bac tamat ye hu 1 urang mai bac gilac, rilo meng lac hu mbaok tame dom tal bac bruk ngak lap jang piah dui atah tukvak daok veik di Australia".