Patui mbang nyaom ka 7, QH mbang XV, harei 7/6, dom urang QH ginum biai ka bruk pasang iek brei tapa quyet toan kadung jien karja thun 2022 saong dự  thảo Sarak di QH ka bruk padang karja đô thị saong ngak iek dom cơ che, sarak karei patagok ban Đà Nẵng. Pang Harak pathau khan ka danak dak Hukum Pacang caga blei pablei manuac saong ginum biai bruk Quy hoach labik tasik pakat negar tukvak 2021-2030, pamong tal thun 2050. Dahlau di nan, dalam harei 6/6, QH hu palih ruah muk Nguyễn Thị Thanh ngak Pho Akok Quốc hội vaktu 2021-2026; pok ngak Phó Thủ tướng Rajaei vaktu 2021-2026 ngan haong ong Lê Thành Long saong Akok Mentri Kong an vaktu 2021 -2026 ngan hoang ong Lương Tam Quang.

Tỉnh đoàn Kiên Giang bahrau peih bruk tabiak mbaok danak dak dam dara halan hatian bilan hè tỉnh Kiên Giang thun 2024. Danak dak mbang ini, urang đoàn, dam dara Kiên Giang meda tabiak mbaok haong 6 bruk ngak lac: daong prein bilan pakacah, Bingu phượng bhong, Hành quân hijao, mbang padeih hồng, Bilan hè hijao, Kapul công nghệ số bhap bini. Dalam danak dak halan hatian bilan hè meda hu peih ngak dom bruk tabung glaong yau ye Harei pataom urang halan hatian daong ka uranaih sang kan kandah, padang ban hadah - hijao - hacih - mekre - văn minh – salamat.

Kuhria mbiah tal ini, tỉnh Cà Mau birau brei harak xac nhan ka labiah 460 hồ sơ, brei mã số ka labaih 2.410 danao raong ngan haong taneh praong labaih 2.320 ha, meblah tal 1% taong abih taneh raong kaya ikan dalam ia. Ta-eng janih hadang raong tui ilamo kong nghe glong hu brei ma so labaih 930 danao, taneh praong labaih 127 ha, meblah 4%. Bruk suai brei harak gar kayua urang raong hadang oh hu angan dalam harak taneh;  harak pandar taneh  padang di gilang pariak mesre jien, bhap bini oh nyim piah thaot veik hu. 

Hadei di labaih 1 thun oh hu menuac ruak, urak ini TP.HCM hu 4 uranaih njauk ruak sởi dalam thun 2024, jeng lac dom uranaih oh ka hu klauk vaccine caga sởi. Hadei di tuk mboh hu dom urang ruak, Pasak pasang iek ruak kik TP.HCM (HCDC) pambuak bruk haong Pasak Y tế quận, bilai y tế, duah thau ka bruk njom ruak saong ba tabiak dom jalan ngak piah pacang caga jit, pacang cakak mbak tabiak. Gam haong nan, brei peih ngak chip dom bruk klauk pabak di dalam phường xã hu urang ruak saong pathau khan ka jit ruak piah bhap bini caik hatai sangka.

Mban Tacei pato pacang caga bala meng langik tasik  saong daong duah urang gaok bala  tỉnh Ninh Thuận daok pataom manuac, pandap panda tame piah pasiam veik bruk talah binek ia Tuấn Tú angaok kraong Lu di xã An Hải, huyen Ninh Phước piah caga ginup ia ka mikva pala drak. Dahlau di nan, dah page  harei 1.6, ia praong tuh trun kraong Lu 2 ngak glut jaleih abih binek ia Tuấn Tú. Bruk ba tal talah labik ia sre kayua takai binek glut, gam haong cuah gluh baok pabak tame tapa rilo thun kateik trak tagok binek. Urak ini oh ka yaok pataom khat lahik meng dom gah chức năng tỉnh Ninh Thuận.

Karja Hong Kong (Trung Quốc) hu khan brei thau bruk pakauk abih pakao điện tử kayua huac dom kanjah jhak ka prein yava di urang daok ranaih. Bruk ini rah tabiak 2 thun hadei di tuk Hong Kong pakauk blei tame, ngak tabiak saong pablei pakao điện tử haong dom janih pakao riak pandiak. Dom urang jakar karja Hong Kong jeng brei thau dom jalan ngak piah patrun patakik bruk njuk pakao, dalam nan hu bruk pakauk njuk pakao tuk daok dang cang di dom labik hu rilo menuac gah langiu langik saong pakauk brei pakao hala ka uraniah.

Sa dalam dom mbang palih ruah praong abih di dunya dalam thun 2024 hu peih ngak nan lac bruk palih ruah Nghị viện chau Au, 1 dalam 3 bruk praong di Liên minh Châu Âu. Dom cử tri di Liên minh Châu Âu brei buh phieu palih ruah 720 urang meng jabat padang hukum di khoi ini ka vaktu 5 thun anak tal. Bruk buh phieu hu peih kaok di Hà lan dalam harei ini, patui di nan lac Ireland saong Cộng hòa Séc. Italia, Latvia, Malta saong Slovakia brei buh phieu di harei 8/6. Bruk palih ruah urang ka Nghị viện châu Âu mbang ini pachreih hu bruk caik hatai sangka di cu tri, dalam tuk daok hu rilo bruk tok hu langyah  di pakat lien minh.

Gah khik caga bhum tapen negar Anh  daong hu ka 80 urang di cư, dalam nan hu 3 uranaih, di mangaok sruh ghe gaok bala tuk nao tapa eo tasik Manche. Dalam 4 bilan akaok thun hu labaih 7.500 menuac di cư mai tal Anh meng ghe sit saong ini lac dom menuac mai rilo abih kuhria meng tuk hu yaok pataom. Urak ini menuac di cư lac sa dalam dom bruk ba tal kamlah gauk rilo abih dalam bruk tổng tuyển cử jaik tal di negar Anh, kuhria peih tabiak di harei 4/7 tal./.