Piah ba kein lagaih ka urang doan vien, urang ngak hu mai palei mbang Tết Nguyên đán 2025, Liên đoàn lao động tỉnh Đồng Nai pasang iek alin 70 harak ve ba urang doan, urang ngak mai palei mbang Tet meng danak dak “mbang par Kong doan - Xuân 2025”. Urang doan, urang ngak gaok kan kandah, urang 3 thun ka oh hu mai palei mbang Tet; urang ngak hu alin harak pok mayaom saong dom jai thuong di Kong doan meda hu pilih ruah taduan hu harak ve. Tổng LĐLĐ Việt Nam daong oh mek jien harak ve, yaok urang doan, urang ngak lac dom urang hu mbang tui danak dak meda hu daong harak ve kapar haok nao gam saong sa urang gauk gar.

Lac sa huyen bhum ceik daok rilo kan kandah, min huyen Bác Ái, tinh Ninh Thuan tuk halei jeng sangka iek praong bruk patagok bruk ngak meng tangin pagam haong palei bruk ngak bhap bini meng kal mai, daong brei bruk ngak, parilo jien mek tame ka urang ngak di bhum palei. Kapul bruk ngak pak gak di xa Phước Thắng dui pachreih labaih 30 urang hu mbaok tame ngak dom pandap panda yau: Yaot, cangua, cieu, canaih, kadik, thruk, rabap Chapi…piah brei bruk ngak, parilo jien mek tane ka mikva bangsa Raglai saong patagok yulit. Urak ini jien mek tame kuhria rah tapa meng bruk pak gak labaih 2 trieu dong sa bilan sa urang, meng nan daong mikva hu jien mek tame, tani tanat raidiuk.  

Tỉnh Bình Phước hu maong lac pasak pala rilo abih phun pa-aok blait di Việt Nam, min, rilo mblang taneh daok njauk halak bhong palai kaik, ngak kanjak jhak tal rilo labik. Dalam tukvak ini, phun pa-aok blait daok caga salih hala saong tabiak bingu, nan ye bruk njauk halak palai kaik meda ngak kan kandah oh sit tal bruk cak rok praong tagok di phun pa-aok blait. Di huyen tapen negar Bù Gia Mập labik hu mblang taneh pala praong abih di tinh hu tal 60ha njauk halak rom bhong kaik. Anak bruk ini, gah ngak nong daok kham marat pathau khan, kakei rahra njauk caga dahlau nao iek bein pala, peih ngak dom jalan langyah piah pacang caga halak halieng palai kaik ka nyu lagaih.  

 Di tinh Long An, bruk limo kabao pablei dauk tapa tapen negar daok rah tabiak, meda mbuan njom mbak jit ruak di anek athur, menuk ada saong urang menuac. Meng kreh thun 2019 tal ini, kapol chuc nang hu taong tayah 21 mbang pablei dauk anek athur tapa tapen negar; abih tih anek athur pataom hu langyah jaik 700 drei. Thượng tá Nguyễn Quốc Cường – Akaok bilik Cảnh sát kinh tế Kong an tinh Long An brei thau, tukvak anak tal, kong an brei ngak catang bruk dauk ba tame negar dom drei kabao, limo, pabui piah gham saong kakei dahlau

Tui Jabat kuhria mboh dahlau bruk langik tasik gah Maraong negar, dalam dom harei akaok bilan 11 ini, meda hu mbang tukvak tabung glaong ia tagok haong hajan hangin khang. Tanut ia di abih tih dom bilai bhum labik mala kraong Sài Gòn - Đồng Nai meda hu prein tagok tukvak ia tagok akaok bilan 10 (saka ia bulan) ia tagok glaong abih rahtabiak di harei 2 - 4.11. Di bhum Taneran kraong Long, ia tagok glaong abih meda rahtabiak di kreih adit, di tanut bier jang dut saong tukvak ini thun blaoh labaih meng 6 - 9cm. Mikva njauk caik hatai caga hajan khang pambuak gam ia tagok meda ngak dauk di dom labik bhum dhaong, bhum labik bier saong tapen kraong, ngak kan kandah tal bruk ngak, raidiuk, mbang ngui di mikva gah Maraong negar.  

Kraong Yamuna – sa dalam dom kraong ia ginreih abih di Ấn Độ daok dalam ban ine New Delhi, daok me-om bak meng bọt patih kayua njom nerak meng dom labik cong nghiep. Kraong ia pabak labaih meteh ia pandar ka ban ine New Delhi, jeng sa bruk ngak kurang tal prein yava di rahra dalam ban. Kraong Yamuna, atah 1.376 km, lac sa dalam dom kraong ia njom nerak abih dalam dunya. Yaom lac, giới chức Ấn Độ hu dom bruk pacang caga paje, min ia nerak saong janih hoa chat jeng daok tuh tabiak ngak ka bruk njom nerak dak harei dak cuang kandah.

Dom urang metai kayua hajan ribuk ia sua pak Tây Ban Nha tagok takik di nyu 158 urang, yaok piluh urang jeng daok lahik. Hajan ribuk ia sua ngak tayah tayaic sang danaok saong ngak patheik nao phun kayau, manuac urang saong radaih. Labaih 1.000 urang lin hu brei nao daong duah dom urang lahik. Yaok piluh baoh sang jeng ka oh hu dien atau ia hacih, saong njauk pacang cakak kayua jalan mbak nao mai saong jalan pasei kareik pabah mbang. Tây Ban Nha hu khan lac 3 harei quoc tang. Akaok Ủy ban châu Âu brei thau lac, hajan ribuk ia sua pak Tây Ban Nha oh lac bala trak damak abih dalam taneh ia bo daok lac ngak kan kandah châu Âu. Kayua yau nan ye, meda taduan hu bruk daong ba meng châu Âu".

Jabat Y tế bang Oregon (Mỹ) hu duah mboh veik 3 bruk njauk ruak kum menuk ada di bang Washington. Urak ini dom bruk njauk kum menuk ada di bang Washington tagok tal 9 urang. Tui kuhria mboh dahlau di Pasak Pasang iek saong Pacang caga Jit ruak (CDC) Mỹ, dalam thun ini abih tih hu 39 urang njauk víu kum menuk ada, tuk víu njom mbak tapa labaih 400 tapol limo ia tấu. Kuhria meng di thun 2022, víu ini ngak metai labaih 100 trieu drei menuk ada di Mỹ.