Ngan haong jalan ngak brei “Taong abih urang đoàn, urang ngak hu mbang Tet”, dom pakat Kong ndoan di Đồng Nai hu peih ngak dom bruk sangka kuhria ka urang ngak kong, ngan haong dom danak dak Tet Jum pataom; danak dak Darak pasar Tet Kong ndoan thun 2025; peih dom bruk uan raok bal pataih mbang Tet, rivang, alin pandap ka urang ndoan, urang ngak saong peih bruk brei radaih pajeng ba urang doan, urang ngak nao palei mbang Tet. Dalam nan, Kong ndoan Đồng Nai hu kuhria alan brei 82 ribau paok pandap Tet kuhria abih tih labaih 82 tỷ đồng ka urang ndoan, urang ngak hu raidiuk kan kandah.

Piah urang kathaot saong jaik kathaot samar drah hu “labik daok, bruk ngak mbang”, tinh Ninh Thuan ba tabiak jalan ngak tal puac thun ini padang hu 500 baoh sang; gam haong nan tal puac thun 2025 brei oh daok sang taik tahak ka urang kathaot, jaik kathaot dalam tinh. Piah rabh dom kan kandah haong urang kathaot ka sang daok, dalam Bilan hu bruk “Kayua urang kathaot”, akaok Uy mban Bhap bini tinh Ninh Thuan caong hu patui veik taduan hu dom bruk daong di rahra piah ba gauk daong padang sang daok ka dom baoh sang kathaot, jaik kathaot samar drah tani tanat raidiuk.

Page ini 7/11, di palei Dik-Bình Hòa, Mban Ngak bruk Mat tran palei Bình Hòa, xã Phan Hòa, huyện Bắc Bình, tỉnh Bình Thuận hu peih ngak Harei pataom “Jum pataom taong abih bhap bini” thun 2024. Bình Hòa lac palei hu ralo urang Cam agama Avar. Dalam thun, hu Mat tran xã brei parabha saong gah chinh tri di palei samar, jak ba urang ngak pahala alin brei rilo paok pandap ka dom urang kathaot …di tuk Tet thun birau, Mbang mukkei Ramuwan kuhria abih tih jiak 27 trieu dong. Di harei pataom, ong Mai Trung Trực, Pho Bí thư xa Phan Hoà, huyen Bắc Bình, tỉnh Bình Thuận khan lac:

Halak akaok juk mbang phun la-u daok njom mbak samar drah di tinh Tra Vinh, hu labaih 221 ha phun li-u halak akaok juk mbang. Urak ini Chi cục Pala drak saong Khik caga phun pala daok kham daong po bein pacang caga halak akaok juk piah patakik bruk khut khat. Gam haong nan, kakei po bein pandar ngak tui jalan sinh học piah pacang caga. Piah pacang cakak halak akaok juk njom mbak, tamuh di rilo phun, gah ngak nong pachreih rahra bhian nao rivang bein piah sumu maong mboh saong pacang cakak halak akaok juk mbang phun li-u. Li-u lac phun pala rilo abih dalam tinh Tra Vinh, hu labaih 27 ribau ha.

Piah khik saong patagok makna ilimo, bar barih paran, bhap bini bangsa Cam, tinh An Giang daok patagok khan bai manyim piah pachreih urang caik hatai ngak brei cakrok gah rivang main yulit. Pak palei Cam Chau Phong, xa Chau Phong saong palei Cam Đa Phuoc, ban sit Da Phuoc, huyen An Phu daok tui ngak, pataok bruk ngak meng kan ni. Dom labik manyim khan bai pak Chau Phong hu ba tabiak ralo kaya yau sarong, tanjak, kadung, mbalo, nduan - mot, pandap tuan anek so, padang gilac veik duk bilik lakhah piah raok tuai tamuai mai rivang ma-in. Meng dom yaom glaong ilimo yau nan, dom palei Cam pak An Giang hu pachreih  ralo tuai damuai jiak atah, ralo lac tuai negar langiu.

Philippines daok peih ngak gam gam bruk pacang cagaa samar chip tuk rabuk bahrau Yinxing tuh tame negar ini dalam melam ini (7/11). Giới chức Philippines ba tabiak bruk pandan urang menuac, piah caga pandap mbang, gam haong nan srap gap bol lin daok di dom labik rabuk tuh tame piah pacang caga dom bruk rah tabiak tuk rabuk Yinxing daok jaik tuh mai tal. Rilo jabat Rajaei jeng hu pambuak bruk piah ba tabiak jalan ngak, srap gap dahlau dom pandap panda saong yitvu njauk hatai. Ini lac rabuk praong ka 3 dalam oh ka bak sa bilan daok ngak kan kandah ka Philippines.

Thun ni “jaik njauk biak” nan lac sa thun pandiak abih dunya kuhria meng di thun 1850. Tui Jabat Bien doi Khi hau Copernicus, meng di bilan 1 tal ini, pandiak kuhria rah tapa di baoh taneh tagok glaong jia lac thun ni sa thun pandiak glaong abih di dunya. Bruk nan mai meng kayua bien doi khi hau. Dom urang roh duah brei thau thun ni jeng lac thun akaok meti Baoh Taneh pandiak labaih 1,5 do C dut saong jamar dahlau cong nghiep 1850 – 1900.

Rajaei Australia ba tabiak hukum pakauk uranaih umo ala 16 thun pandar mang xa hoi. Tui hukum bahrau, oh hu bruk klak tapa halei ka uranaih hu bruk njauk brei di amaik ame atau hu tai khoan paje. Bruk ini lac bruk di blah web truyen thong xa hoi piah brei mboh lac kol nyu daok hu dom bruk ngak njauk piah pacang cakak bruk tame. Thu tuong Australia kakei dahlau, internet daok ngak kanjak jhak tal uranaih saong bruk njauk ngak lac brei padeih bruk ini. Dahlau daih, dom negar hu sanya brei patakik uranaih pandar MXH tapa adat hukum./.