Tinh Dong Thap daok ramik kuhria peih ngak danak dak Jalan tapen tasik meng tinh Dong Thap pambuak tinh Tay Ninh saong tinh Vinh Long vaktu ka 1. Danak dak jalan atah hu jaik 16 km, pambuak bhum tasik dom tinh bhum taneran kraong Cuu Long; pambuak haong dom bhum karei, pabak prein khang piah patagok bruk ngak kinh te - xa hoi.

Jiak 1.000 urang jakar, urang doan dam dara, bhap bini, urang lin kong an hu mbaok tame halan hatian brei darah dalam Harei roya “ Sambo bhong meriak Tay Do” di ban Can Tho. Bruk nan rah tabiak njauk tukvak daok kurang darah di gilang darah Sang iek ruak Huyet hoc - Truyen darah Can Tho. Urak ini darah di sang iek ruak nan taduan hu labaih 50%  dut saong bruk caong khin ka urang ruak. Bingun ini, Ban Can Tho  meyaom 44 urang saong baoh sang hu rilo mbang brei drah. 

Tacei pato samar, kham merat, tinh Lam Dong langyah hu samar chip dom kan kandah tavak tavaiy dalam bruk ngak bruk tui karja 2 pakat saong dang dhi 7 dalam negar langyah harak karja. Piah bhap bini langyah harak gal karja njauk tukvak, hu lagaih, UB bhap bini tinh Lam Dong peih bruk pasram, bac megru ka labaih 5.000 urang jakar ngak bruk di dom Pasak ngak bruk harak gar karja pakat xã, padang 3 Kapol pambuak bruk tapak daong ka dom bhum palei langyah dom kan kandah.

Dom tinh gah meraong hu labaih 30.000 mbang urang ruak pandiak tabiak darah, 6 urang metai. Dalam nan hu TP.HCM tagok rilo abih, kuhria abih tih hu labaih 14.000 mbang ruak pandiak tabiak darah dalam 27 adit dalam thun ini. Pasak Pasang iek ruak kik TPHCM kakei dahlau tame bilan hajan tabung glong, ini lac bruk lagaih ka jamoh  caik mebaoh menek. Meyah bruk pasang iek sruh jit ruak saong pametai anek raok oh bhian tui ngak, mbuan jit ruak rah tabiak, ngak kan kandah tal bruk taong ruak.

Ruak tagok baoh tangin takai cambuai daok mboh rilo samar. Njauk ndem tal lac, virus Enterovirus A71 hu mbang ngak metai uraniah, urak ini tamuh gilac veik. Meng akaok thun mbiah tal ini, 45 xa, phuong dalam bhum Binh Thuan (klak) urak ini lac tinh Lam Dong, ruak tagok baoh tangin takai cambuai lac ruak njom mbak tapa jalan tung bruac, taom gaok tapak. Ruak ini tamuh luac thun, min bhian mboh ralo meng bilan 3 tal bilan 5 saong bilan 9 tal bilan 10 yaok thun.

Tong thong My Donald Trump khan brei thau jien je birau ka negar Indonesia, trun meng 32% trun 19%. Jeng harei nan, di mang xa hoi TruthSocial, Tổng thống Trump khan lac Indonesia sanya blei 15 tỷ đô la nang luong di My, 4,5 ty dola kaya nong My saong 50 kapal haok Boeing, ralo lac kapal haok 777. Langiu Indonesia, Tong thong My brei thau dom taneh ia karei samar khan brei thau tuk ginum biai haong An Do blaoh.

Jabat Quyen anek manuac LHQ hu takik abih di nyu lac 875 urang metai dalam 6 adit tapa di dom labik daong di Gaza. Dalam nan, ralo urang metai lac daok jaik dom labik di Kadung Daong ngak pahala Gaza kayua My saong Israel daong gah lakuh. Mbiah tal ini, Kadung Daong ngak pahala Gaza oh hu panuac ndem hagit. LHQ iew bruk dong di Kadung Daong ngak pahala Gaza lac “bhian oh salamat” saong ngak suan dom bruk daong brei sumu gauk.

Puac bilan 7 ini Nga saong Trieu Tien peih jalan par tapak pambuak ban ine duah taneh ia. Bruk peih jalan par tapak brei mboh thaok binguk siam, dalam tuk dua negar ini kham pambuak kajap dua gah, jhul pakhang pambuak bruk di rilo gah. Bilan 4 thun 2025, dua taneh ia ini ngak tatua pambuak jalan tapen negar. Bilan dahlau, dua taneh ia peih veik jalan pasei pambuak Bình Nhưỡng saong Moscow hadei tuk padeih  kayua jit COVID-19./.