Tukvak tapa,  Đồng Tháp tuk halei jeng sangka patagok bruk pato megru saong bruk pachreih bac, pachreih megru, mek hu rilo jak jeng. Tui nan, Đồng Tháp lac palei hu 2 ban hu Gah pato megru, Khoa hoc saong Ilamu di LHQ brei angan lac bhum palei di dom Ban bac megru di dunya; asar pato megru di Đồng Tháp yau brei mboh labik dang di drei; dalam tỉnh Đồng Tháp hu labaih  86%  baoh sang hu taduan angan baoh sang  bac megru saong 81,73% but pajaih hu taduan angan but pajaih bac megru.

Tal pato akhar haroh saong sap Khmer ka anek saih bhum tasik tapen negar  Sóc Trăng bahrau tamat blaoh. Tal bac hu peih pak di bilik Hồ Chí Minh di Đồn Biên phòng Lai Hòa. Gru pato lac urang jakar bangsa Khmer daok ngak bruk di Đồn Biên phòng, hu ilamu bac da-a glaong. Dalam 2 bilan, mBan peih tal bac hu pato njauk tui asal bac da-a di danak dak tal 1 sap Khmer, danak dak kayua Sang bac tiểu học saong Trung học cơ sở Lai Hòa padang ngak. Tamat mbang bac, taong abih dom adei anek saih jeng ndom menyai hu, thau hu saong vak hu dom panuac bhian pandar meng sap Khmer. 

Dalam tỉnh Bình Phước hu labaih 70 baoh sang raong ikan lồng bè di dom danao raong kuhria abih tih 150 baoh lồng. Tui Pasak Dich vu Ngak nong tỉnh Bình Phước, piah patagok  bruk raong ikan lồng bè khang jang veik, urak ini gah ngak nong  daok pataom tame dom danak dak piah daong  ka dom palei raong ikan lồng bè. Tapa nan, pakhang  bruk daong  patagok kaya ikan, dom bruk raong ikan lồng bè tui jalan pambuak bruk ngak mbang meng bruk pabak pajaih, raong ikan tal tuk pablei ikan, rik tame ngak brei tani tanat saong patagok jien mek tame ka bhap bini.

Tui Sở Tài nguyên & Môi trường TPHCM, thun 2022, ban raya hu 32 labik glut jaleih takai kraong, ribaong, rilo jang 3 labik duk haong thun 2021, ngak kan kandah tal 1.328 sang bhap bini. Dalam 6 bilan akaok thun ini, hu 2 bruk glut jaleih takai kraong, ribaong, jaleih abih 24 m2 taneh. Abih 2 labik glut jaleih ini jeng oh daok dalam angan dom labik glut jaleih takai kraong, ribaong bo UBND ban raya brei thau. Urak ini, karja pak nan hu padang biển báo di labik glut jaleih piah ka bhap bini saong urang peih nduac radaih nao mai thau saong pacang, plaih anak bruk glut jaleih meda daok rah tabiak.

Meng akaok thun tal ini, di tỉnh Hậu Giang rah tabiak 63 labik glut jaleih. Kuhria abih tih labik glut jaleih atah 1.550m, khat lahik tui kuhria mboh lac 5,6 tỷ đồng. Lambaok gah  ngak nong tỉnh Hậu Giang pok panuac tagok Mban tacei ba pakat negar ka bruk pacang caga bala meng langik tasik  pasang iek pok tagok Thu tuong Rajaei  samar mbaoh tangin brei Quy hoạch  pacang caga bala saong kraong ribaong di bhum taneran kraong Cuu Long. Sangka buh jien tame padang ngak brong pabah kraong  Cái Lớn - Cái Bé (vaktu ka 2), gam daong jien piah tinh padang ngak ar pacang glut jaleih ar kraong Lái Hiếu, ar pacang glut jaleih gah barak kraong Nàng Mau. Daong tỉnh jien ngak Danak dak panduan ba bhap bini samar chip kayua bala meng langik tasik saong ar pacang kraong Mái.

Ấn Độ saong Trung Quốc hu peih mbang ndom biai nao mai pakat Tư lệnh quân đoàn mbang ka 19 ka jalan pasang iek tapak (LAC). Bruk ginum biai hu mbaok dom urang jakar pakat glaong di bol lin, Gah cảnh sát bhum tapen negar Ấn Độ-Tây Tạng, Mintri Ngoại giao Ấn Độ saong Bol lin peih paha bhap bini Trung Quốc. Dalam ginum biai, gah Ấn Độ hu panuac ieu ba bol lin tabiak truh dom labik meriak gauk daok veik di Timur Ladakh saong patrun dom bruk catang tagok dalam bhum ini.

Rajaei Tổng thống Mỹ birau patabiak tacei pato bahrau, ieu dom sang bac đại học jhul patagok bruk brei parilo sắc tộc dalam sang bac. Dalam sarak tacei pato birau, Rajaei Mỹ ba tabiak rilo sarak bo dom sang bac  đại học  meda ngak tui  “piah hu sa  nyaom anek saih  ralo lagaih, dalam nan hu chủng tộc saong bangsa”. Mentri tư pháp saong Mentri Pato megru Mỹ jeng hu panuac brei thau lac, meda pasang iek meyah dom sang bac oh brei ngak bruk sumu gauk ka anek saih yaok bangsa, gam ndem lac, rajaei brei kaoh catang dom jalan ngak khang piah khik quyền di bhap bini.

Karja bang Veracruz di Mexico brei thau lac cảnh sát duah mboh takik di abih 13 urang metai hu padauk dalam tu la-an di dom sang praong, glaong rilo tal di bang ni. Bruk pasang iek labik nan saong duah thau angan je di dom urang gaok bala saong dom urang pambuak tal daok hu peih tabiak. Gah chức năng jeng cap mek 6 urang piah tangi sua. Veracruz lac sa bang hu rilo menyek daok rah tui takai tasik Vịnh Mexico. Meng lavik mai, labik ini daok jeng sa labik pandiak gah pablei salih menuac saong jru phiel, ma túy, jeng yau dom bruk tội phạm karei karei./.