Tapa rilo mbang ginum biai di dom mbang nyaom dahlau, tal urak ini jeng daok rilo panuac karei di gauk ka bruk suak mek jien bảo hiểm xã hội 1 mbang, yaom lac mban cih tabiak hu ramik veik dom jalan ngak hu ba tabiak dahlau deih. Jeng tui Dự thảo Hukum Bảo hiểm xã hội pasiam veik, Mban cih tabiak hu likau brei trun umo thun mbang jien daong padeih huu meng umo 80 thun trun daok 75 thun. Lac urang meng ginup 75 thun tagok bo oh hu jien bilan padeih huu, jien daong bảo hiểm xã hội yaok bilan karei meda hu mbang jien daong padeih hưu.

Tỉnh Đoàn Bình Dương bahrau peih bruk tabiak mbaok danak dak dam dara halan hatian bilan hè thun 2024. Danak dak thun ini hu rilo bruk ngak lac: peih bruk brei ka 159.000 dam dara urang đoàn hu mbaok tame dom bruk ngak kayua Đoàn, Hội ba tabiak. Padang ngak takik di abih lac 10 phố văn minh. Ngak bahrau saong ramik veik pasiam takik di abih 10 baoh sang anit ranam, sang Khăn quàng đỏ; pala bahrau takik di abih 10.000 phun hijao, ramik ngak pasiam 30 km saong ngak bahrau 5 km jalan palei. Daong peih ngak saong ngak jeng biak 1.000 hatai sahneng duah di urang đoàn, dam dara. 

Harei pataom uranaih TP.HCM mbang ka 2 hu peih tabiak meng harei 31/5-2/6 di labik mblang ma-in uranaih Ban raya. Ini lac harei peih mbaok ka dom bruk ngak di bilan pandiak duh ka uranaih di TP.HCM. Tapa nan, danak dak caong pambuak dom prein khang piah tani tanat peih ngak siam dom bruk ngak pabak ka uranaih saong ka baoh sang, meng nan pok mayaom dom bruk ngak di baoh sang dalam raidiuk rahra pak TP.HCM.

Tỉnh Tiền Giang hu taneh pala manaih praong abih dalam taneh ia, daok rilo di huyện Tân Phước- dalam bhum Đồng Tháp Mười. Bilan thu thun ini, phun manaih oh khat lahik kayua ia mbak, brei baoh parai tabiak tui bilan, bo daok pablei hu yaom glaong. Urak ini manaih pablei di hamu, janih 1 yaom 10.000 đồng/kg, janih 2 lac 9.000 đồng/kg, tui yaom ini, urang nong laba hu jaik 5.000 đồng/kg. Yaom lac hamu manaih rah tapa rilo bilan pandiak bhang, ia takik min meng hu urang pala iek glang siam, nan ye baoh jeng daok hu jaik 30 tấn/ha.

Dom harei tapa, Mban tacei pato pacang caga bala langik tasik saong daong duah urang njauk bala tỉnh Hậu Giang hu ba tabiak ngak dak danak ar pacang sinh thái pacang caga glut jaleihi ar takai kraong di labik bhum 3, phường Lái Hiếu, ban Ngã Bảy atah 200m. gah langiu ar kraong di danak dak hu ngak pakhang meng kayau cừ tràm saong halam talei cước, gah dalam tuuh taneh piah pala phun tràm piah ngak labik sinh thai saong pacang caga glut jaleih di harei hadei. Dom danak dak ar pacang sinh thai di Hậu Giang rik tame pacang caga glut jaleih takai kraong hu siam lagaih saong ngak jeng mbaok taneh piah pasiam veik ribaong, ba mbuan lagaih dalam bruk kruac rok gah dalam ribaong.

Adat Tịch điền, daok ieu lac harei trun hamu di Hoàng gia Campuchia hu peih ngak praong prang di tinh Kampong Speu, negar Campuchia, hu mbaok di patao Norodom Sihamoni, haong yaok rabau urang lambaok ka dom jabat. Adat Tịch điền di Hoàng gia Campuchia hu peih ngak di bilan Visak, kreh bilan 5, jeng lac tukvak salih bilan dalam thun di taneh ia Kampuchia. Tapa nan, kuhria mboh dahlau bruk pala drak dalam thun meng bruk pilih ruah pandap mbang di dom "Ngưu vương" haong 7 janih hu caga blaoh lac padai, ratak, tangei, lange, hareik, ia haong alak.

Ribuk nhiệt đới Ewiniar ngak brei hajan ia sua saong glut jaleih taneh di rilo bhum palei di negar Philippines, ngak ka 4 urang njauk rambuac saong ngak kan kandah tal labaih 2.700 urang. Kapul daong khik ar tasik brei thau lac hu labaih 6.000 tuai damuai, urang peih radaih saong dom urang daong pajeng pandap daok gar di abih tih dom pabah lamnge. Ini lac mbang ribuk camriep tuh tame Philippines dalam thun ini. Cục kuhria mboh dahlau bruk langik tasik negar Philippines kuhria lac, ribuk Ewiniar meda ngak tabiak hajan khang di rilo bhum palei, gam tui di nan jeng brei thau dahlau lac, daok mbuan hu hajan ia sua saong glut jaleih.

Menuac sia di ban Jacobabad di Pakixtan daok glaih glar haong langik pandiak khang, tuk nhiệt độ bhian meng 48 - 50 độ C. Langiu di nan, bruk bhian cakak điện daok ngak kan kandah ka bruk ngak mbang ngak huak di 200.000 menuac. Bộ Biến đổi Khí hậu Pakixtan jeng bahrau tabiak panuac brei thau dahlau lac, 26 labik dalam taneh ia ini jeng daok hu pandiak dui atah tal abih harei 30/5 tal./.