Bruk njauk caik hatai nan lac, dom urang QH ieu pasang iek pabak tame du thao hukum adat ka bruk pablei salih anek daok dalam tain jeng lac duas pablei salih manuac. Tui Sarak di Liên hợp quốc ka quyen uranaih hu brei adat lac: uranaih dalam nan hu gam ranaih dalam tain njauk hu khik pacang meng di tuk daok dalam tain amaik. Bruk pablei salih anek daok dalam tain lac sa jalan ngak suan biak trak di quyen anek manuac saong quyen uranaih. Min, hukum hình sự tok hu brei thau lac manuac urang saong hu quyen rahra tuk uranaih nan hu manek tabiak, daok dalam tain amaik ye ka oh hu maong iek lac menuac di bruk bruk ngak duas.

Tui Mintri ngak nong saong patagok palei pala, abih tih phun jien ka dom danak dak “Pacang caga khí hậu saong salih tapa pataom veik bhum ĐBSCL” lac labaih 17.700 tỷ đồng. Danak dak hu peih ngak di 10 tỉnh bhum ĐBSCL. Danak dak pacang caga khí hậu saong salih tapa pataom veik bhum  ĐBSCL brei patagok jalan ngak saong dom jalan khau tin, buh jien tame padang ngak labik pacang caga khí hậu pakat bhum saong jhul patagok rilo jalan ngak mbang duah jien saong bruk ngak mbang palei pala lagaih haong biến đổi khí hậu. 

Dalam 6 bilan akaok thun, tỉnh Kiên Giang buh tabiak labaih 1 tỷ đồng piah peih ngak dom bruk, sarak ngan haong urang hu angan je. Tui kuhria, peih ngak tal thun ini haong yaom phun jien abih tih labaih 3 tỷ đồng, mek hu 100%. Meng akaok thun tal ini, Mban Bangsa tỉnh Kiên Giang pambuak haong dom so, dom gah, UBND dom huyen, ban peih ngak 4 mbang pabak khau tin tapak ka 285 urang hu angan je, mek hu 100%. Dalam tinh hu peih bruk sua tangi, nao rivang, alin pandap ka 523 urang hu angan je dalam tuk lễ, tết meng kan di dom bangsa.

TP.HCM hu 9 quận, huyện hu meng 2 urang ruak sởi, ginup bruk piah tabiak panuac lac hu jit sởi. Meng harei 23/5 tal harei 11/8, taong abih dom sang iek ruak dalam ban mboh hu 597 urang pandiak tagok baoh ia medil lac ruak sởi, dalam nan hu 346 urang dut iek mboh lac ruak. Urak ini, rilo quận, huyện di TP.HCM bruk klauk jru vaccine sởi oh ka pabak ginup. PGS,TS. Tăng Chí Thượng, Yam ndok Sở Y tế TP.HCM brei thau, dom sang iek ruak oh brei iek lap jit sởi, njauk peih ngak chip dom jalan pacang caga, oh caik ka ruak njom mbak, abih di nyu lac dalam sang iek ruak. 

Meng harei 25 - 31/8 anak tal (lac harei 22 - 28/7 saka ia bulan) meda rahtabiak Festival 100 thun Li-u sáp Trà Vinh saong Adit Vu lan Thắng hội huyện Cầu Kè thun 2024. Ini lac harei biak hu makna piah pok manyaom, mayaih khan angan je, dom yaom glaong di baoh li-u sáp saong brei thau bruk kham marat, khang hatai ba dom pandap panda ngak tabiak meng baoh li-u sáp tabiak darak pasa dunya, ba kein lagaih piah pablei salih pandap panda, pambuak bruk cung cầu, jang yau patui veik khik ramik saong patagok dom yaom glaong di Harei Vu lan Thắng hội lac adat cambat di mikva bangsa Low daok pak huyện Cầu Kè.

Tui pathau khan di Viện Y tế dunya Barcelona, labaih 47 rabau menuac matai di châu Âu kayua langik pandiak glaong di thun bloh, takik jang 60 rabau menuac di thun 2022. Pathau khan hu ba tabiak iek tui harak gar matai lahik saong nhiệt độ di 35 taneh ia châu Âu. Tapa nan mboh lac, 47.690 menuac matai kayua pambuak tal langik pandiak khang. Hy Lạp, Bungari, Italia saong Tây Ban Nha lac dom taneh ia hu menuac matai pambuak tal langik pandiak rilo di abih. Thun bloh lac thun pandiak glaong abih dalam sajarah, dalam nan châu Âu pandiak tagok samar abih di dunya. 

Rahra daok pak palei Varnava jaik ban ine Athens, Hy Lạp njauk brei panduan ba nao daok di labik karei tuk kapul daong pacang khuah padam khuah daok kham marat pacang padam apui khuah glai mbang samar kayua langik pandiak gam haong hangin khang. Labaih 250 urang lin padam khuah hu daong 12 sruh mac glam bom ia saong 7 sruh ahaok trực thăng daok padam apui. Apui mbang glaong tal 25 m mbang abih phun kayau. Dalam tuk nan, sa mbang apui khuah karei jeng mbang tagok di sa labik glai jaik ban sit Megara. Dom labik karei di gauk negar Hy Lạp hu pathau khan bruk bao dong glaong ka bruk mbuan khuah glai. Urak ini, Hy Lạp hu panuac ieu dunya gam hu mbaok tame pacang khuah, padam khuah.

Iran hu parang tabiak kapal haoh oh hu menuac peih jalan atah. Mohajer-10 lac janih UAV đa năng tabiak mbaok di bilan 8/2023, hu ngak tabiak piah pasang iek, taong tame labik atah saong hu prein khang gah mesruh điện tử. UAV ini hu prein ngak bruk tal 2.000 km, par hu 210 km/h, meda par oh padeih dalam 24h saong nyu trak 300 kg. Dalam dom thun jaik ini, dom chuyên gia saong urang ilamu gah quân sự Iran mek hu dom jak jeng praong dalam bruk ngak tabiak rilo janih pandap quốc phòng, daong ka gah tapon nyom bol pan phao kraong hu ginup phao ndao./.