Bruk ngak tatua hu urang pal akaok 2 tinh ginum biai 

Par akaok Nyaom biai online haong 63 tỉnh, ban ka bruk jhul khang salih bahrau gah hành chính saong salih bahrau jalan pato tacei duh ka bhap bini, doanh nghiệp, Thủ tướng Phạm Minh Chính brei thau lac: makna di mbang nyaom biai harei ini piah taong yaom taong abih gah, biak cambaih laih dom bruk hu peih ngak ka bruk jhul samar ngak pasiam veik dom adat hành chính saong hiện đại hóa jalan pato tacei, rami ramik pabak ka bhap bini, doanh nghiệp dalam tukvak tapa di Rajaei dom pakat; ba tabiak jalan ngak, langyah saong dom bruk ngak cambaih laih meng urak ini tal puac thun, lagaih haong bruk ngak piah peih ngak hu siam lagaih haong bruk ngak ini. Dalam nan, Thủ tướng hu ieu kakei salih số dalam bruk salih bahrau hành chính, pamaong tal bruk padang ngak Rajaei số, cak rok patagok kinh tế số, xã hội số, rahra số.

Dua tỉnh Bến Tre saong Vĩnh Long njauk gauk brei padang tatua Đình Khao tapa kraong Cổ Chiên. Danak dak hu ngak haong yaom jien labaih 3.200 tỷ đồng, atah labaih 11km, labik akaok di jalan roya 53 tapa xã Long An, Long Hồ. Vĩnh Long, labik puac gaok jalan roya 57 di huyện Thạnh Phú, Bến Tre. Tukvak peih ngak meng ini tal thun 2026. Tatua  Đình Khao tuk salah brei salih kapal tapa kraong Cổ Chiên, ngak katut veik tuk vak nao mai, langyah bruk gar  jalan, pambuak dom bhum.

Thun bac 2022-2023, ban raya Hồ Chí Minh daok kurang jaik 6.000 biên chế gru pato min tui kuhria tal bilan 10/2022, ban raya meng hu khan brei thau cambaih ka bruk pabak chỉ tiêu pilih ruah gru pato. Dom quận bhum tapen kurang  300-400 gru pato min ka oh hu jao biên chế nan ye dom sang bac oh meda pilih ruah hu. Abih di nyu nan lac di pakat THCS, hu sang bac kurang tal 20-30 gru pato, ban giám hiệu rilo sang bac njauk daa gru pato padeih huu atau dom gru pato meng dom sang bac karei mai pato .

Ruak SXH di Vĩnh Long daok rah tabiak sraw kadau saong hu labaih 2.350 mbang urang njauk ruak, tagok jang 6 mbang dut saong tukvak ini thun dahlau. Njauk caik hatai, ruak SXH thun ini rah tabiak  kan kandah, rilo urang ruak trak saong hu 3 urang metai. Tiến sĩ, bác sĩ Hồ Thị Thu Hằng- Phaok Yaom ndoc Sở Y tế brei thau: rilo bhap bini daok iek lap bruk caga ruak, tal tuk hu urang ruak SXH daok di labik jaik drei daok meng mboh huac saong caga ruak. Rilo urang ruak ye oh ka, suai tame labik y tế taong ruak ba tal ruak trak.

Hadei di bruk khuah labik karaoke An Phú, di ban Thuận An ngak ka 32 urang metai, công an dom labik  dalam tỉnh Bình Dương hu nao pasang iek labaih 300 labik daoh karaoke, nhà hàng, sang padeih padai, khách sạn, quan pablei pandap mbang, massage... Tapa nan mboh hu 144 labik ngak suan saong ngak biên bản taong phat jien padai abih tih lac jaik 3 tỷ đồng, brei padeih 35 labik ngak suan biak trak damak ka bruk pacang khuah padam khuah.

Akaok mentri quốc phòng bahrau di Nhật Bản lac Hamada birau hu mbang ginum biai camereip abih haong hoang Akok Mentri Quoc phong Mỹ Lloyd Austin di Lầu Năm Góc. Di var nan, dua Mentri sa mbang tra ndem puac catang ka bruk cuh tên lửa đạn đạo di Trung Quốc di akaok bian 8. Langiu di nan, dom akok Mentri hadar veik makna praong di hòa bình saong salamat di eo tasik  Đài Loan saong njauk gauk brei langyah bruk hòa bình dom bruk tapa eo tasik. Tui nan, njauk gauk  lac an ninh thông tin sang an ninh mạng lac hu makna biak praong piah pambuak bruk hu khang kajao jang haong gah quốc phòng Nhật-Mỹ.

Tong yam ndok Gah Y tế dunya (WHO) ndom lac, dunya daok di tukvak lagaih abih piah padam jit praong COVID-19. Urak ini, dom urang njauk ruak bahrau saong metai kayua COVID-19 yaok adit hu trun bier abih meng di tuk jit ruak tamuh tabiak di bilan 3/2020. Kayua yau nan ye Tổng Yam ndok WHO hu panuac ieu dunya pambak tame kein lagaih piah padam jit ruak.

Meng mon 5 biar harei 14/9 ( tui mon pak nan), bhap bini Anh hu tame sirah Nữ hoàng Elizabeth II di sang Quốc hội Anh Westminter Hall. Tui kuhria meda hu yaok rituh ribau urang grauk labik dalam negar mai tame London piah sirah Nữ hoàng. Tui pathau khan di cảnh sát Anh, dalam tukvak peih bruk sirah saong ndam metai, meda hu labaih 10.000 cảnh sát khik caga salamat yaok harei. Mentri Quốc phòng Anh jeng hu ba 1.500 urang lin nao daong gah cảnh sát./.

Urang lang: Thu Thảo -Ái Nghiêm -15/9