Thủ tướng rajaei hu harak pathau khan Akaok negar ka bruk alin pandap ka jaik 1,4 triệu urang hu prein haong cách mạng di tuk pahadar 77 thun Harei thương binh - Liệt sĩ (27/7). Abih tih phun jien alin pandap pahadar urang hu prein lac jaik 420 tỷ đồng. Tui nan, hu 2 tanut alin ka 8 nyaom urang, tanut glaong abih lac 600.000 đồng, tanut ka dua lac 300.000 đồng. Dom urang hu prein haong cach mang hu alin pandap tukvak ini lac jaik 1,4 triệu urang,haong yaom jien abih tih lac jaik 420 tỷ đồng.

Giải Báo chí Taneh ia mbang ka 18 hu peih tabiak tuk melam 21/6 di Hà Nội, meda hu 10 giải A, 26 giải B, 45 giải C haong 41 giải Khuyến khích hu pok brei ka dom kadha gheih di abih. Tapa 18 thun peih tabiak tal harei ini, Giải Báo chí taneh ia daok taduan hu bruk hu mbaok di 18 Liên chi hội saong 30 Chi hội, di 63 Hội nhà báo tỉnh, ban dalam taneh ia. Tapa nan brei mboh prein dui pachreih khang di Giải saong bruk sangka, pachreih tui abih drei di dom hội viên saong dom pakat Hội nhà báo dalam taneh ia. 

Dah page ini, So pato magru TP.HCM hu khan brei thau diem pakacah tame tal 10, aval jang kuhria dahlau sa harei. Dalam dom mon pakacah tame tal 10 thun ini, Toán lac mon hu rilo panuac ndem abih ka tanut tabiak kadha pakacah. Labaih mateh anek saih mek hu diem mala kuhria di mon Toán. Diem hu tame THPT công lập không chuyên lac diem di taong abih 3 mon Ngữ văn, Toán, Ngoại ngữ saong diem ưu tiên (mayah hu). Anak saih njauk pakacah ginup 3 mon saong oh hu mon halei njauk diem 0. Hatai caong di anek saih hu pilih ruah tui labik brei uu tien meng nguyện vọng 1 ba trun, tui jalan ba tabiak di yaok sang bac.

Yaom hadang takai mbong patih raong tui kong nghe glaong di tỉnh Bến Tre daok trun biar. Urak ini, yaom hadang thẻ janih 30 drei/kg lac 110 nghìn đồng; hadang thẻ janih 100 drei/kg daok 70.000 đồng; trun jaik 50.000 đồng/kg duk haong 2 bilan dahlau. Tui yaom nan, urang raong hadang oh hu laba, gaok mai daok khat trak. Hu thau, hadang trun yaom khang lac kayua dom doanh nghiệp pablei hadang tabiak negar langiu gaok kan kandah, takik pablei hu, jien sahui khik piah dalam kho biak glaong.

Dalam 6 bilan akaok thun ini, Kapul urang ngak nong tỉnh Ninh Thuận hu ba kein lagaih daong ka jaik 100 baoh sang rahra hu masaiy jien laba lap meng Kadung jien daong urang ngak nong dalam tinh ngan haong paok jien abih tih labaih 3,2 tỷ đồng, peih ngak 17 danak dak pala, drak, raong glang, raong kaya tasik saong dom gah karei karei. Langiu di nan, dom pakat Kapul pambuak haong dom gilang paraik brei ka labaih 34.000 urang dalam kapul masaiy jien piah cak rok patagok bruk ngak mbang haong yaom jien brei mesraiy abih tih tal urak ini, lac labaih 2.019 tỷ đồng.

Tổng thống Nga Vladimir Putin hu mbang ravang camereip abih tal Triều Tiên hadei di 24 năm. Mbang ravang hu maong lac brei mboh veik talei pambuak bruk tui jalan jia tame gauk di 2 taneh ia, maong ini lac prein khang jhul tagok bruk padang sa dunya hu rilo gah bahrau. Tui urang ngak praong di Nga, jalan ngak di 2 taneh ia dalam bruk đối ngoại urak ini, lac biak jaik gauk, gaok mai lac biak yau gauk. Dua taneh ia ba gauk khik caga bruk tamuh tabiak sa dunya rilo gah tui jalan samu gauk, iek praong quyền ngak po saong oh ba tangin lih tame bruk di taneh ia karei.

Langik pandiak biak khang daok rahtabiak di grauk labik di dunya meng châu Á, Trung Đông, tal châu Âu, Bắc Mỹ. yaok piluh urang metai pambuak tal langik pandiak. Rilo labik kanja hu peih dom jalan pacang caga piah daong ka rahra yau kakei rahra jang yau tuai damuai jalan khik ka rup pabhap anak dom mbang langik pandiak mai tal aval sarau kadau di akaok bilan pandiak. Dom kapul alam môi trường brei thau lac, nhiet do tui kuhria meda tagok glaong gilac mai di bilan pandiak thun ini di châu Âu. Abih di nyu nan lac tanut nhiet do glaong di tuk peih ngak Thế vận hội Paris rahtabiak di bilan 7 anak tal meda ngak jhak tal prein yava di urang pakacah.

Baoh talam CD hu haroh sanyaiy di urang daoh dane angan di Mỹ lac Taylor Swift hu pablei haong yaom 12.500 đôla Mỹ dalam mbang pablei to yaom bahrau ini. Baoh talam nhạc ini njauk biai di labik lac nyu pataom veik dom kadha daoh bo Taylor Swift eng drei ngak saong thu âm tuk umo bahrau 11 thun. Baoh talam CD daok hu sa blah rup thaot tuk daok ranaih di Taylor Swift gam haong panuac khan brei thau ka email saong blah web. Yaom peih mbaok ka baoh talam CD dalam mbang pablei to yaom lac 100 USD, peih tabiak meng harei 19/5.