Dalam tuk Tet nguyen dan ini, Gilang pariak Ngak nong saong Patagok Palei pala (Agribank) buh tabiak 90 tỷ đồng, alin pandap ka yaok ribau baoh sang kathaot, baoh sang jaik kathaot, baoh sang sarak karja, dom urang dalam sarak daong xa hoi dalam negar. Meng blaoh Agribank hu daong 1.451 sổ BHXH saong 8.497 thẻ bảo hiểm y tế ka urang kathaot, kuhria abih tih lac 5 tỷ đồng. Ini jeng lac mbang ka 2, Agribank pambuak saong BHXH Viet Nam daong ka urang kathaot dalam negar. Dalam thun tapa, Agribank buh tabiak labaih 600 tỷ đồng peih ngak dom bruk daong tani tanat xa hoi ka urang kathaot dalam negar.

"Tết anit ranam" Xuân sak tapai thun 2023 di tỉnh Kiên Giang hu peih ngak meng harei 1 tal harei 16/1, dalam nan, tabung glaong meng harei 6 tal harei 15/1. Dom pakat Hội Chữ thập đỏ dalam tỉnh kham merat jak ba saong alin hadiah 20.000 pok pandap ka urang kan kathaot, jaik si kan kathaot, dom sang hu urang njaom jru mek klik kruac, urang jaoh jo atau gaok kan kandah meng bala di langik tasik, jit ruak COVID-19… Abih tih yaom jien blei pandap lac labaih 8 tỷ đồng, dalam nan yaok pok pandap yaom meng 300.000 - 500.000 đồng.

Tuk padeih Tet Duong lich 2023, tỉnh Long An taduan raok labaih 10.000 tuai mai rivang dulich, tagok 60% dut saong Tet Duong lich 2022. Piah gah dulich patagok jang, tỉnh Long An daok brei pakhang dom bruk daong labik rivang dulich yau: peih ngak dom bruk Farmtrip pasang iek dom labik rivang ma-in, pambuak tour ba tuai, padang ngak pandap dulich birau, đặc thù; parang iek, yaih khan pambak praong dom pandap di Danak dak OCOP di tỉnh. Langiu di nan, tỉnh hu daong dom labik rivang ma-in ba dom ilamu bhap bini tame duh ka tuai damuai, gam haong bhap bini ngak jeng dom pandap dulich siam gheih karei piah  padang ngak saong patagok yaom glong bruk dulich palei pala.

Sở Y tế TP Hồ Chí Minh brei thau, yaom lac dalam ban raya hu mboh biến thể XBB di chủng Omicron min oh ka mboh hu biến thể phụ XBB.1.5. Yau nan min, gah y tế ban raya hu panuac ieu bhap bini njauk ba tangin tame pacang caga saong khik ramik miễn dịch dalam bhap bini ngan saong Covid-19 meng bruk brei gauk gar dalam sang saong uraniah meng umo 5 thun tagok nao klauk vaccine Covid-19 meyah oh ka klauk, saong klauk veik, klauk pabak njauk tui bruk ba tabiak.

Pambuak tal bruk kamuan umo 10 thun di Đồng Tháp laik tame lubang got betong saong thau lac plang, mbiah tal page ini 5/1 gah daong duah urang gaok bala daok ngak bruk piah ba got betong tagok. Yau nan min, kayua taneh ala dalam yau nan ye dom urang daong brei biai gauk haong  dom urang ilamu dalam saong langiu negar piah hu jalan langyah lagaih. Tui urang ngak praong tỉnh Đồng Tháp, bruk padang ngak ala dalam taneh njauk brei kuhria jeng yau hu dom jalan ky thuat lagaih gam brei hu ginup jamraih chuyen pandar meng ngak hu nan ye nyu suai. Yau nan min, bruk daong daok ngak brei samar abih gam haong jalan brei salih pasiam sumu tukvak piah salah aval bruk ba kamuan tagok mangaok mbaok haluk. 

Thủ tướng Anh daok caga patabiak hukum brei patakik dom bruk đình công dalam harei ini. Hukum bahrau ini piah peih ngak sarak "yaom dịch vụ takik di abih" dalam 6 gah, lac: iek ruak, jalan pasei, pato megru, padam pui khuah saong an ninh tapen negar. Dalam nan, ieu dom urang dalam công đoàn daok veik ngak bruk piah khik veik sa "mức độ takik di abih" di dom bruk dalam 6 gah mangaok nan. Tui hukum pacang đình công hu patabiak, dom bruk đình công hu maong lac oh njauk adat hukum meyah dom công đoàn oh ngak tui bruk “tanut bruk ngak takik di abih”.

Piah pachreih bhap bini tabiak truh ban ine Tokyo nao daok di dom labik karei, abih di nyu lac dom labik palei pala, Rajaei Nhật Bản meda daong ka yaok uranaih dalam dom baoh sang 1 trieu Yen. Langiu di nan, dom baoh sang daok meda taduan tal 3 triệu Yen atau rilo jang meyah urang kuhria pablei salih. Ini lac jalan ngak brei trun takik manuac di ban ine jeng yau jhul pakhang bruk cakrok patagok  sumu gauk di thành thị saong bhum palei. Langiu di nan, bhap bini jeng hu daong brei bruk ngak, jien ndo piah ndih tapui anek, raong saong pato anek bik ka dom diuk pasang daok ranaih.

Hadei di Twitter saong Meta, Amazon lac hãng công nghệ praong patui di nan brei cakak trun yaok rabau menuac ngak. Urak ni, hãng ni daok kuhria brei padeih labaih 17.000 menuac ngak, rilo jang 7.000 menuac duk haong kuhria tuk camereip. Bruk ini rah tabiak hadei di tuk Yam ndok điều hành peih bruk taong yaom saong brei cakak trun meneing jien sahui, dalam nan brei ngak sit veik dom gah oh hu laba, yau gah patagok pandap panda, thiết bị./.