Nyaom biai peih ngak piah brei mboh prein khang kadang saong makna daok miat miat di harak Di chúc; jao brei, proh tagok saong pambak praong khang kadang dalam xa hoi brei mboh bruk khang hatai, jia khang tame prein khang praong glong saong bruk ngak cách mạng di bangsa Viet Nam. Meng nan ba jalan sahaneng hu jeng  bruk ngak  piah yaok urang đảng, pakat đảng, urang jakar paglong jalan sahaneng brei pasram patia jalan di rai urang cach mang, bruk ngak chính trị, rik tame dak padang Đảng saong he thong chính trị hacih sa-at, khang kajap.

Akaok UBND TP.HCM hu jhul samar bruk brei masaiy phun jien đầu tư công dalam dom bilan puac thun. Akaok UBND TP.HCM jao ka dom jabat dang akaok saong po buh jien tame njauk tani tanat phun jien saong bruk brei masaiy yaok adit, yaok bilan takik di nyu tui njauk jalan ba tabiak hu pathau khan saong sanya blaoh. Gam tui di nan, njauk roh duah saong peih ngak dom jalan langyah piah jhul samar bruk peih ngak, tani tanat bruk brei masaiy  yam tapa jalan ba tabiak. Akaok UBND jeng kakei 11 kapul padang ngak jalan brei masaiy phun jien đầu tư công thun 2024 ka oh mek hu 95%.

Pasak daong urang ngak nong, palei pala di T.Ư Kapol urang ngak nong Viet Nam pambuak haong Kapol Urang nong tỉnh Bạc Liêu peih Nyaom biai padang Kalup kapol Raong kaya ikan khang kajap. Di Kalup kapol, dom urang hu klak rabha ka gauk dom ilamo raong hadang sieu tham canh - tuan hoan - brei caik karei hadang ruak-pacang dom bruk ba tal khat lahik “meng aval - meng atah”, pamong tal bruk hadang mek hu tanut chuan ASC; gam haong nan daong urang raong hadang trun jien buh tame ngak, takik manuac ngak bruk saong takik nerak tachrauk alam moi truong.

Meng bier harei 27/8 tal maong 7 page harei 28/8, hajan khang rahtabiak di dalam huyện Hàm Thuận Nam, tỉnh Bình Thuận ngak dauk rilo baoh sang saong mblang taneh pala phun thanh long, njam patam, baoh karaoh di rahra. Tui yaok pataom, hu 230 baoh sang dauk, dalam nan hu 48 baoh sang dauk dalam. Labaih 420 ha thanh long saong njam patam njauk ia dauk. Meng di tuk bala rahtabiak, urang jakar UBND xã Hàm Mỹ hu trun tal labik piah daong ka rahra panduan ba manuac saong drap ar di dom sang njauk ia dauk.

Jabat An ninh điều tra Công an tỉnh An Giang birau payua ho so tapa Viện KSND sa pakat haong gauk ba tabiak langyah 4 bi can ka duis ngak tabiak jien saong pandar jian ja. Dahlau di nan, kong an chap mek 2 adei sa-ai Huỳnh Nhựt Thư ba 8 trieu dong jien ja nao pablei. Tapa pasang eik drah samar labik daok di adei sa-ai Thư daok trọ, kong an mek hu 38 trieu dong jien ja. Dom đơn vi pasang iek samar chip labik daok di Võ À Minh di An Giang, mek hu 63,8 triệu đồng jien ja saong rilo pandap karei. Minh saong daom urang nan khan lac, mek jien biak blei jien ja 70 trieu dong. Hadei di nan, pablei abih jien ja, Minh pasram ngak jien ja. Meng nan, Minh ngak kuhria abih tih jaik 185 trieu dong jien ja saong rilo blah yaom jien karei di gauk.

Ứng cử viên Tổng thống Mỹ di ndang Cộng hòa ong Donald Trump brei thau lac meda ndem mayai nao mai haong Phó Tổng thống Kamala Harris di harei 10/9 tới. Dalam tuk nan, Phó Tổng thống Harris njauk hatai meda hu mbaok tame mbang sua tangi haong gauk mbang camriep meng di tuk Tổng thống Mỹ Joe Biden tabiak truh bruk pakacah tranh cử. Dahlau di nan, ong Trump oh taduan panuac ndem mayai nao mai haong amuk Harris langiu di bruk ndem mayai nao mai hu peih tabiak di mangaok Fox News saong ndom lac meda ndom biai nao mai haong amuk dalam 3 mbang ndem mayai karei. 

Dom uranaih hu ndih tapui tabiak di Hàn Quốc dalam quý 2 thun ini hu tagok mbang akaok meti hadei di labaih 8 thun, ini lac bruk siam mekre dalam tuk taneh ia nan daok dang anak bruk takik ndih tapui anek. Dalam quý 2, uraniah hu ndih tapui  di bilan 4 saong bilan 5 mneg blaoh hu tagok 2,8% saong 2,7% dut saong tukvak ini thun blaoh. Bruk ba tal patagok nan hu meng dom bruk kham merat di rajaei Hàn Quốc saong dom jalan daong baoh sang urang daok ranaih umo, pachreih urang ndih tapui anek.

Mintri Y tế Cộng hòa dân chủ Congo brei thau mbang tamuh jit ruak đậu mùa khỉ daok rahtabiak di negar ini ngak ka labaih 17 ribau 800 urang medil lac njauk ruak, dalam nan hu 610 urang metai. Gam tui di nan, ieu kakei rahra ngak njauk tui dom jalan langyah khik caga, abih di nyu nan lac di thun bac bahrau jaik tal di akaok bilan 9 saong klauk vắc-xin chip meng di tuk hu./.