Di ban Buôn Ma Thuột, tỉnh Đắk Lắk, Mintri Ngak nong saong patagok palei pala bahrau peih Ginum biai klah rabha ilamu patagok bruk ngak di urang kumei dalam dom bruk kaya nong. Urak ini, abih tih dom urang kumei daok ngak nong meblah labaih 47%, ta-eng dalam HTX hu tal 80%. Dom urang kumei daok hu rilo rik daong ka bruk cakrok kinh tế - xã hội, abih di nyu lac dalam ngak nong. Dalam ginum biai, urang hu klah rabha ka bruk ngak di urang kumei dalam cakrok amriak kalu khang kajap di Tây Nguyên, ngak padai brah lagaih haong biến đổi khí hậu hu bruk hu mbaok di urang kumei. Lambaok urang kumei ngak nong tỉnh Đắk Lắk jeng hu klah rabha ilamu hu mbaok tame dom danak dak patagok cà phê saong bei prang khang kajap. Dom urang jeng hu ravang iek, duah thau bruk ngak cà phê hu mbaok di urang kumei di huyện Cư Kuin, tỉnh Đắk Lắk.

Piah paglaong hatai sahneng ka adat hukum di sinh viên, Bộ Chỉ huy quân sự tỉnh Kiên Giang pambuak bruk haong Sang bac Đại học Kiên Giang peih pathau khan, pato pakai adat hukum brei ka jaik 500 sinh viên di sang bac. Tapa 1 harei peih tabiak, jaik 500 sinh viên sang bac Đại học Kiên Giang hu pathau khan dom asal kadha praong di Hukum Quốc phòng thun 2018, Hukum Nghĩa vụ quân sự thun 2015, Hukum Kapul caga động viên thun 2019; Hukum pacang caga ma túy thun 2021 saong bruk pacang caga ma túy dalam sinh viên.

Cty TNHH Sa thành viên ngak glai U Minh Hạ, tỉnh Cà Mau daok khik iek jaik 24.000 ha taneh glai, dalam nan taneh quy hoạch pala glai labaih 19.400 ha. Ong Trần Ngọc Thảo, Yam ndok Cty brei thau, kuhria rah tapa, yaok thun Cty pabak ka darak pasar labaih 200 rabau tấn kayau, njuh, ngak jeng bhum njuh biak rilo di glai U Minh Hạ. Min phun pajaih takik siam saong daok kurang, nan ye dom sang blei phun pajaih oh thau meng halei mai haong yaom lap piah pala glai, meng nan ba tal ruak kik ngak khut glai. Urak ini phun glam dalam tỉnh Cà Mau oh ka hu labik ngak piah duh ka bruk pala glai nan ye njauk nao blei meng Hậu Giang, Sóc Trăng, Kiên Giang, Long An...

Meng akaok thun tal ini, Công an tỉnh Lâm Đồng hu peih rilo mbang pathau khan ka bruk siam mekre salamat jalan mbak. Langiu di nan, Công an tỉnh Lâm Đồng daok hu jak ba 223 nhà hàng sanya kakei tuai oh peih radaih tuk menyum blaoh alak, mbia. Gam haong nan, meng akaok thun tal ini, Công an tỉnh hu peih bruk brei ka 736 doanh nghiệp, 2.470 po radaih, 8.302 urang peih radaih, urang ngak bruk tự do, 2 labik pablei salih pandap padang ngak sang, 21 labik pasiam radaih mbaoh tangin tame harak sanya khik caga siam mekre salamat bruk nao mai angaok jalan, oh pajeng pandap tapa prein di radaih, oh pajeng pandap pakauk, pandap oh thau asal di nyu, pandap nerak tachauk, phao patuh 

Di xã biên giới Quảng Trực, huyện Tuy Đức, tỉnh Đắk Nông, Trung đoàn 726 di Binh đoàn 16, Mintri Quốc phòng bahrau peih bruk jao brei vật tư, anek pajaih. Mbang ini, hu 143 sang kathaot, jaik kathaot dalam 3 xã Quảng Trực, Quảng Tâm, Đắk Búk So (huyện Tuy Đức) hu taduan 35 drei kubao saong 108 drei limo pajaih. Ini lac dom sang hu prein raong, glang iek kubao, lamo. Dom drei kabao lamo dahlau di tuk brei ka bhap bini, hu klauk vaccine ginup abih. Abih tih jien blei kubao lamo brei ka dom sang bhap bini lac labaih 3 tỉ đồng, meng phun jien di danak dak bruk ngak negar patagok kinh tế - xã hội bhum bhap bini bangsa takik saong bhum ceik vaktu 2021 - 2030.

Mintri Nhân lực saong An sinh xã hội Trung Quốc bahrau brei thau, taneh ia ini hu 10 triệu 220 rabau bruk ngak bahrau di dom ban dalam taneh ia dalam 9 bilan tapa. Hu yau nan meng hu Rajaei Trung Quốc peih ngak hu siam dom sarak daong tani tanat bruk ngak yau ye patrun jien bảo hiểm lahik bruk ngak saong bala tuk ngak bruk, daong tani tanat bruk ngak saong daong duah bruk ngak sa mbang… Dalam 9 bilan tapa, dom doanh nghiệp saong urang ngak jeng hu Rajaei Trung Quốc parabha brei 80 tỷ 900 triệu Nhân dân tệ daong bruk ngak. Anak tal, Rajaei Trung Quốc daok brei jhul tagok dom sarak daong bruk ngak yau ye peih “Bilan pilih ruah bilan thu kanyik”; daong bruk ngak ka sinh viên bac tamat đại học; tani tanat bruk ngak ka urang nhập cư, abih di nyu lac dom menuac tabiak truh kan kathaot blaoh, duah bruk ngak brei ka urang oh hu bruk ngak.

Ấn Độ hu panuac oh njauk hatai haong Pakistan tuk taneh ia ini ba tabiak bruk Kashmir dalam mbang ginum biai ka bruk mesruh gauk di Israel saong Hamas di Hội đồng Bảo an Liên Hợp quốc. Lambaok di Ấn Độ daok di Liên hợp quốc ndom lac, bruk ini meng gah Pakistan lac oh njauk javap jalei saong oh njauk iek praong. Bhum taneh liên bang Jammu saong Kashmir lac dom binah oh neh tabiak hu di Ấn Độ. Ấn Độ daok caik hatai suh sah praong ka bruk sron mbon dak harei dak jhak nao di labik ini, saong hu panuac ieu dom kham merat brei ka sron mbon saong ginum biai tapak piah patrun bruk taong mesruh. Lambaok di Ấn Độ daok di Liên hợp quốc sa mbang tra brei mboh bruk pachreih tui di taneh ia ini brei ka bruk dua karja ka bruk Israel - Palestine, saong sanya ngak brei samu gauk, sron mbon suai lavik ka bruk mesruh gauk di Israel - Hamas.   

Sa kapul dom urang ilamu lac urang Nga taduan hu “bằng sáng chế” pahadar ka bruk cakrok sa janih jru bahrau pacang veik vi-rút ngak brei trun miễn dịch di menuac (HIV). Jru hu pandar haong lamivudine di tukvak ngak iek lâm sàng brei mboh bruk patagok biak rilo dom siam lagaih taong ruak meng patrun “tải lượng virus” di urang ruak tuk pandar hoạt chất takik veik. Jak jeng di dom urang ilamu Nga iek tui bruk pandar sa tổ hợp jru bahrau. Meng bruk ngak iek lâm sàng tukvak 2, dom urang roh duah caong lac meda mek hu kein laba glaong jang tuk peih bruk taong ruak ka urang njaom HIV. Bahrau ini, janih jru ini hu Jabat Sáng chế Á-Âu brei harak ngak tabiak tui adat hukum dunya./.