Harei 2/12, di Jabat Trung ương Đảng, Tổng Bí thư Nguyễn Phú Trọng par akaok Nyaom biai Mintri Chính trị brei panuac ka Danak dak Pataom iek veik 10 thun peih ngak Sarak ka 16 di Mintri Chính trị ka jalan ngak, bruk ngak piah cak rok patagok TPHCM tal thun 2020; jalan ngak, bruk ngak cak rok patagok tal thun 2030, pamaong tal thun 2045. Dalam nan Mintri Chính trị njauk gauk ba tabiak sarak ka bruk cak rok patagok TPHCM ngan haong jalan ba tabiak tal thun 2030 lac ban dịch vụ - công nghiệp bahrau, ba akaok nao dahlau kinh tế số, xã hội số, lac pasak kinh tế, jien padai, pablei salih. Mintri Chính trị ieu kakei Đảng bộ, rajaei saong rahra TPHCM cak rok patagok kinh tế samar, khang kajap, paglaong năng suất, chất lượng, siam lagaih saong prein maraik gauk di dunya; paglaong talei pambuak gauk cak rok patagok bhum; jhul samar bruk padang ngak kết cấu hạ tầng gam gam, khik tani tanat hạ tầng nao dahlau bruk…

Sở LĐTB&XH tỉnh Sóc Trăng bahrau peih ginum biai urang jaoh jo tỉnh Sóc Trăng thun 2022 ngan haong kadha: “caik hatai tui pang sap ndom di urang jaoh jo”. Ginum biai nan piah daong ka urang jaoh jo hu labik brei thau dom hatai caong di drei. Gam haong nan, daong palagaih ka urang jaoh jo hu mbaok tame dom bruk hu rilo menuac, pabak ilamu gah adat hukum saong dom sarak brei ka urang jaoh jo, daong ka urang jaoh jo hu pabak rilo prein khang piah yam tagok dalam raidiuk.

Urang ngak, Bảo hiểm xã hội Bình Dương, Ủy ban Mặt trận Negar tỉnh Bình Dương, dom manuac urang, kapul, doanh nghiệp di pak ini ba gauk rik daong jaik 3 tỷ 6 rituh trieu đồng piah blei sổ BHXH, thẻ BHYT alin ka bhap bini gaok kan kandah di dalam ban. Dahlau di nan, BHXH Việt Nam hu ba tabiak Danak dak alin sổ BHXH, thẻ BHYT ka urang gaok kan kandah di dalam taneh ia piah pachreih tui panuac ieu “Abih gauk dalam taneh ia ba tangin tame daong ka urang kan kathaot – Oh caik ka urang halei daok veik gah likuk” di Thủ tướng.

UBND tỉnh Ninh Thuận bahrau peih bruk padang ngak danak dak padang jalan pambuak cao tốc Bắc - Nam haong jalan roya 1 saong pabah lamnge Cà Ná, huyện Thuận Nam. Danak dak hu yaom jien buh tame ngak lac labaih 900 tỉ đồng, hu ngak meng thun 2022 – 2025. Ini lac sa dalam dom jalan nao mai rilo, pambuak bhum piah patagok bhum kinh tế praong di tỉnh, abih di nyu lac pambuak pabah lamnge Cà Ná haong dom tỉnh jaik taphia saong Tây Nguyên.

Công ty Cổ phần Pandap mbang A An (di Tập đoàn Tân Long) hu sanya lac meda peih bruk pataom blei padai ST24/ST25 di dom HTX Dân Phát, Hòa Phát, Ong Đuông (huyện Thới Bình) ngak tabiak tui mblang taneh, sản lượng, tanut chuan chất lượng saong yaom yau hu sanya dahlau. Dalam nan, Công ty A An sanya lac patui veik peih bruk pataom blei tui harak labaih 400ha padai ka oh yuak meng harei 1-12 tal puac bilan 12-2022. Ngan haong dom padai daok kadaong veik meng harei 25-11 tal harei 30-11, công ty rami ramik piah pataom blei abih tih iek tui bruk yaok pataom di HTX. Dahlau di nan, di dalam huyện Thới Bình daok kadaong yaok tấn padai ST24/ST25 ngak tui harak pambuak bruk, ngak ka bhap bini biak suh sah saong haduh hatai.

Tổng thống Philipin daok taong yaom dom bruk ba tabiak di Mỹ ka Sanya gauk pambuak bruk quốc phòng patagok (EDCA), gam haong nan brei thau lac meda duah jalan  mek menyek di Biển Đông yaom lac hu atau oh hu njauk gauk haong Trung Quốc.  Mỹ haong Philipin daok pasang iek brei pabak 5 labik quân sự pandar haong gauk di taneh ia Đông Nam Á ini tui sanya pambuak bruk quốc phòng patagok, kayua bruk ini meda brei adat ka Mỹ ngak bruk samar drah jang anak dom bala atau srau kadau meda rah tabiak di labik halei dalam bhum, jeng yau prein pabak ilamu pato pasram praong jang ka 2 gah.

Tổng thống Nam Phi, thun ini, umo 70 thun daok dang anak bruk  mbuan njauk kaoh duas kayua hu panuac lac ong pacang padauk bruk klaik yaok triệu USD jien mbaok hu padauk dalam pandap  panda di trang trại di drei. Sa hội đồng độc lập brei thau lac hu duah mboh ginup dom bruk brei thau cambaih laih brei mboh urang tổng thống meda ngak suan Hukum pacang caga Tham nhũng saong meda hu dom bruk ngak suan biak trak tuk ba rup drei tame bruk hu pambuak tal mesuh gauk di bruk ngak sa urang kanja saong bruk pablei salih di drei".

Các bác sĩ Nga hu mek tabiak sa drei laneng atah 12 cm tabiak truh mieng di sa urang kumei hadei di tuk urang ini njauk jamaok kaik. Dahlau di nan, urang kumei umo 51 thun ini nao tame sang iek ruak daok jaik ban ine Moscow di Nga piah iek ruak kayua mboh brah, katal di mieng. Tapa pasang iek, dom bác sĩ medil lac urang ruak hu  khối u lành tính saong brei cakak klaak. Min tuk blac raih, dom bác sĩ hu duah mboh akaok di sa drei laneng dalam nan. Dom bác sĩ blac raih brei thau, ini lac mbang camereip abih hu gaok bruk ini./.