Meng harei 1.7.2024, yaom jien bilan cơ sở hu ramik veik brei tagok 30%, di bhum ceik, pulao kaoh, tui Paka 4 Sarak 76 gru pato bac di bhum ceik dalam labik biak kan kandah hu mbang tui jien daong dui pachreih. Dalam nan, jien daong dui pachreih hu kuhria samu 70% yaom jien bialn daok hu mbang, gam haong jien phụ cấp chức vụ dang akaok, phụ cấp ngak lavik thun yam tapa tukvak ngak bruk di bhum hu bruk KTXH biak kan kandah oh tapa 5 thun. Yau nan, ngan saong gru pato tiểu học hu mbang tui hệ số lương di tanut glaong abih gam haong phụ cấp ngak lavik thun, phụ cấp dui pachreih, yaom jien bilan meda tagok tal labaih 20 triệu đồng sa bilan.

Tal urak ini, Công an tỉnh Trà Vinh hu padang ngak saong jao labaih 500 baoh sang ka dom sang kan kandah, sang mikva bangsa Khmer. Danak dak padang ngak 1.300 baoh sang di Trà Vinh hu peih ngak meng bilan 4 meng blaoh haong yaom phun jien abih tih jaik 85 tỷ đồng. Sang hu padang ngak tui mau kayua Mintri Công an ba tabiak saong hu ramik ngak ka nyu lagaih bruk anak mata, njauk haong adat cambat, tanarakun, langik tasik pak tỉnh Trà Vinh tui jalan ngak “3 khang” lac tabung khang, danieng khang, nền khang. Danak dak ngak salah dalam bilan 8 ini, njauk di tuk uan salam 79 thun Cách mạng Bilan 8, Harei negar 2-9.

Tukvak tapa, An Giang pataom tame patagok dom kaya pandap hu prein khang meng dom palei ngak yau menyim khan bai di urang Khmer daok di Tịnh Biên, palei menyim khan sarung di urang Cam daok di Tân Châu, dom pandap ngak meng phun thốt nốt yau ye saradang thốt nốt, pandap thủ công mỹ nghệ, ahar ko thốt nốt... Amuk Nguyễn Thị Minh Thúy, Phaok akaok UBND tỉnh An Giang brei thau, piah ngak jeng yaom glaong ka yaok janih pandap, tukvak tapa, tỉnh brei patagok dahlau dom pandap hu prein khang saong hu yaom glaong meng kan, padang dom bruk “padang ngak chuỗi giá trị pandap OCOP gam haong bhum pala di palei”…

Adit blaoh, Kong an TP Hồ Chí Minh hu ngak salah bruk taduan harak gar likau ngak thẻ căn cước ka labaih 25.000 rahra di dom quan, huyen saong ban Thủ Đức. Dalam nan hu labaih 650 urang lac rahra umo mala 6 thun; jaik 3.300 rahra meng umo 6 thun tal mala 14 thun. Kong an dom quan, huyen saong ban Thủ Đức daok samar drah ngak thẻ căn cước bahrau ka rahra di dalam ban meng maong 7 meteh page tal maong 9 melam yaok harei.

Kapol nyaom Pa-ok blait tỉnh Bình Phước birau payua harak tal dom jabat chuc nang brei hu jalan ramik pasiam bruk palei salih dom pandap asar pa-ok blait oh siam, mek angan asar pa-ok blait meng Bình Phước. Tukvak tapa, angaok dom website saong mạng xã hội mboh yaih khan pablei asar pa-ok blait "Đặc sản Bình Phước" yaom lap tal tatuak drei, tok 100.000 đồng 6 pa-op asar pa-ok blait pacah sumu 3 kilo; 100.000 đồng 3 pa-op asar pa-ok blait daok kanduh lapih teik trak 1,5 kilo… Kapol nyaom nan mboh lac ini oh njauk asar pa-ok blait Bình Phước bo lac asar pa-ok blait blei tame meng thun dahlau, oh daok siam. Bruk pablei dom pandap nan meda ngak biak jhak tal prein yawa urang blei pandar.

Mintri Pato magru Campuchia meda peih ngak tapuk siphau ky thuat so ngan haong dom sang bac meng thun 2025, piah jhul khang bruk pandar kong nghe khau tin dalam gah pato magru. Tapuk siphao ky thuat so meda brei ka anek saih, sinh vien pandar phone par tangin atau máy tính bảng piah quét Mã QR ngan haong yaok kadha bac piah pambuak haong dom khau tin lagaih. Akaok thun ini, Mintri pato magru Campuchia jeng hu brei peih ngak danak dak sang bac ky thuat so, dom asal kadha bac online piah daong ka danak dak pato magru.

Bruk yaok pluh uranaih metai kayua eik lipa lavang lavaih di Dải Gaza tukvak jaik ini brei mboh lac bruk eik lapa daok hu mbaok di grauk labik dalam bhum taneh ini. Gah y tế Gaza brei thau lac hu takik di abih 33 uranaih matai kayua eik lipa lavang lavaih, jaik abih lac daok di dom labik gah brak. Urak ini hu labaih 495.000 menuac di Dải Gaza – samu 20% menuac di bhum taneh ini, daok dang anak bruk kurang pandap mbang biak trak damak.

Jabat khik ramik pandap mbang di Singapore (SFA) bahrau ini hu brei adat ka 16 janih côn trùng mbang hu, yau: carit, halak tapung, katot, nhộng tằm saong dom janih halak sauk khang,… ka bruk blei saong pablei côn trùng dalam taneh ia. Tui SFA, côn trùng hu pabak adat pablei tabiak meda lac dom janih con trung hu raong, oh njauk mek di gah langiu langik. Dom urang roh duah ilamo hu mboh labaih 2.100 janih con trung meda mbang hu, rilo janih dalam nan hu rilo vitamin saong khoáng chất hu yaom glaong.