Hadang hu pablei tabiak negar langiu hu tagok 

Hadang pablei tabiak negar langiu dalam bilan 4 ini meda tagok 20% dut saong tukvak ini thun 2021, kayua dom darak pasar châu Âu, Mỹ daok caga pandap mbang pabak ka urang blei pandar dalam tuk padeih hè. Ini lac bruk bui sambai ngan haong urang raong hadang di Bhum taneran kraong Cuu Long. Rilo labik khang hatai buh jien tame blei mac jamrah piah ngak hadang tui cong nghe glong. Darak pasar hadah hadai tagok gam haong bruk ngak tabiak siam meda daong ka hadang Viet Nam daok hu labik dang di dom taneh ia.

Hội Liên hiệp urang kumei TP.HCM pambuak bruk haong Urang kumei Bộ Tổng tham mưu saong mBan Urang kumei Bol bala peih ngak danak dak “Mẹ đỡ đầu”, alin hadiah Sổ tiết kiệm haong pandap bac da-a ka 65 uraniah metui dalam ban raya. Dalam nan, hu alin hadiah blaoh 30 sổ tiết kiệm, yaok sổ 10 triệu đồng ka uraniah metui kayua COVID-19, 35 pok pandap bac da-a saong ia tasau ka 35 uraniah. Bruk daong ini piah daong ngak patrun pandik harao ka dom uraniah metui kayua jit praong, pachreih ba saong padang hatai jia ka dom adei dalam raidiuk.

Dalam mbang tabung glong klauk vaccine pacang Covid-19, meng akok bilan 4 ini, Ban Bien Hòa, Đồng Nai padang hu labaih 100 kapol klauk jru gam sa labik saong nao mai tal dom khu phố, labik bhap bini, KCN, piah klauk jru vaccine pacang Covid-19 ka bhap bini. Dalam mbang ini,  kuhria rah tapa yaok harei ban  Bien Hoa klauk hu labaih 3 ribau mbang jru.

Pamaong tal bruk pacang caga jit COVID-19 hu siam lagaih, tỉnh Bến Tre daok peih bruk klauk vaccine pacang COVID-19 ka uraniah umo meng 5 tal mala 12 thun. Tui kuhria, abih tih vaccine piah klauk ka uranaih lac 290.732 mbang. Dalam nan kham merat hu 95% uraniah meng 5 tal mala 12 thun hu klauk ginup mbang vaccine tui yaok mbang hu parabha brei vaccine. Bruk klauk vaccine ka uranaih ini, hu peih tabiak tui umo thun praong dahlau blaoh trun tal umo thun sit jang, iek tui bruk pabak vaccine saong tui tacei pato di Mintri Y tế.

Tỉnh Ninh Thuận pambuak saong Công ty cổ phần radaih tuai Phương Trang birau peih papak 8 jalan radaih buyt asar siam glong di tỉnh. Yaom vé dom jalan radaih glong abih lac 20 ribau đồng, biar abih lac 7 ribau đồng, tui yaok jalan. Bruk ba radaih buyt tame ngak piah trun takik peih radaih di urang, plaik gar jalan, takik rah tabiak bala angaok jalan mbak, rik tame jhul pakhang bruk kinh te di tỉnh Ninh Thuận.

Urang lambaok Liên hợp quốc ka Yemen ndom lac mboh hu siam mekre tagok dalam bruk mesruh gauk dui atah labaih 7 thun di taneh ia Ả Rập kan kathaot abih di dunya ini. Harak sanya padeih cuh gauk hu ba tabiak ngak tui meng akaok bilan ini jeng lac bruk padeih cuh gauk camereip abih kuhria meng thun 2015 tuk bol lin dom taneh ia Ả Rập kayua A Rập Xê-út pan akaok hu mbaok tame mesruh di Yemen.

Jabat y tế Australia brei thau lac taneh ia ini hu urang njom ruak kayua bien the XE. Bruk duah mboh bien the birau mbuan njom mbak daok glong jang bien the BA.2 ba tal manuac sia Australia oh klak duh hatai, abih di nyu lac meng harei Som adit anak tal 18/4, taneh ia ini meda klak bruk ieu tuia damuai tame negar brei hu harak dut iek âm tính haong Covid-19 dahlau meng tagok kapal haok.      

Pasak Pasang iek saong Pacang caga Jit ruak (CDC) bahrau brei thau, dalam thun 2021 urang Mỹ metai rilo jang dom thun halei karei kuhria meng kan mai, dalam tuk jit praong Covid-19 tamuh khang saong dom menuac metai kayua ruak ung thư, me-ik saradang saong đột quỵ jeng tagok rilo. Kuhria tal puac quý III/2021 dom menuac metai lac 1.059 urang dalam 100.000 urang Mỹ, rilo jang jaik 10% duk haong thun 2020. Dom menuac metai oh ka bhian hu yau ini, jeng hu makna lac umo thun taha di urang Mỹ daok trun./.

Urang lang: Mousaphuong- Ái Nghiêm -16/4