Thủ tướng Rajaei Phạm Minh Chính, Akok Quốc hội dahlau diah Nguyễn Thị Kim Ngân; Pho Akok Quốc hội Nguyễn Thị Thanh, lambaok dom urang ngak praong  di dom gah gam haong labaih 400 urang hadah krah di abih lambaok ka dom urang buh prein ka cach mang dalam negar mai hu mbaok dalam nyaom biai. Tame nyaom biai, urang pan akaok Đảng, Karja hoang taong abih urang hu mbaok kuh akaok hadar tal dom anh hùng liet si, bol bhap anh dũng hy sinh daong Taneh ia saong  Tổng Bí thư Nguyễn Phú Trọng.

Peih mbaok Ginum biai ilamo: “50 thun dak padang bein ilamo hadah krah, ndung bak ilamo bangsa: dom bruk lý luan saong thưc tien” hu peih tabiak tuk dah page ini di Hà Nội, urang hu caik tabiak sa minit mặc niệm, hadar tal Tổng Bí thư Nguyễn Phú Trọng, Urang pan akaok hu buh abih prein yava  saong akal jak gheih ka bruk cach mang hadah hadai di Ndang saong Kanja, lac sa urang ilamo praong abih drei ka Ndang, ka rahra. Patui di nan, tapa ginum biai hu dom panuac lac, 50 thun tapa, negar drei mek hu rilo jak jeng praong dalam bruk dak padang saong cak rok patagok ilamo, anek manuac Việt Nam, pambuak pagam ilamu hadah krah di dom bangsa adei saai.

Brei mboh bruk “Menyum ia hadar halau ia”, tỉnh Tiền Giang padang 17 kapol nao rivang  alin  pandap ka labaih 100 baoh snag hadah krah, dom thương binh, bệnh binh  dalam tỉnh. Di dom baoh sang mai rivang, dom kapol hu tangi sua ka prein yawa, raidiuk di dom baoh sang saong brei mboh bruk thau dhar phol dom thương binh, bệnh binh, urang buh prein  ka cách mạng mesruh metak peih paha bangsa; gam haong nan, tadhau ayuh baoh sang hu rilo prein yawa, tuk halei jeng lac kareih camin hadah piah ka anek taco pasang tame bac megru ngak tui.  

 Cụm pakacah Kapul Urang kumei dom tinh, ban gah Đông Nam Bộ hu Đồng Nai, Bình Dương, Bình Thuận, Bình Phước, Ninh Thuận, Tây Ninh, Bà Rịa - Vũng Tàu bahrau peih dom bruk ngak ngan haong asal kadha “urang kumei bhum Đông Nam bộ hadah mbaok mata ka ilamo meng kan, klah rabha hatai anit ranam”. Tapa nan, Cụm pakacah hu daong paok jien ba  jalan ngak mbang ka 5 urang kumei bangsa takik gaok kan kandah, yaok paok yaom 5 triệu đồng saong rilo paok pandap kayua dom urang ngak pahla daong brei. Nan lac dom bruk ngak biak gheih, samu daong ka dom adei saai kumei gaok kan kandah yam tagok meng prein khang di drei.

Di tỉnh Kon Tum, ruak pandiak tabiak darah daok tagok rilo. Gah y te tỉnh jhul khang bruk pacang caga jit ruak mbuan tamuh tabiak. Tỉnh Kon Tum hu  ngak pasiam mban tacei ba jalan pacang caga  jit ruak dom pakat; kuhria caga phun jien, pandap y te; pathau kahan, tacei pato tapak ilamo  pacang caga jit ruak pandiak tabiak darah ka jaik 26.000 mbang rahra; peih labaih 2.200 mbang nao pametai anek ruak, lang quang saong 57 mbang pruh jru pametai jamaok.

Dom taneh ia dunya daok payua harak thư, điện saong peih ngak Quốc tang Tổng Bí thư Nguyễn Phú Trọng:

Harak thu di Akaok Ndang Bhap bini Campuchia Hun Sen tuk mehit ong Nguyễn Phú Trọng, Tổng Bí thư Đảng Cộng sản Việt Nam bahrau palang lahik hu labik vak lac: bruk lahik nao di Tổng Bí thư lac sa bruk biak pandik harao ngan haong Đảng Cộng sản Việt Nam, Kanja Cộng hòa xã hội chủ nghĩa Việt Nam, saong abih di nyu nan lac ngan haong abih rahra Việt Nam. Inem krung di ong Tổng Bí thư, sa urang pan akaok hadah krah, urang ba  abih prein yava di drei brei ka bruk  đoc lap di Việt Nam saong ka bruk sron mbon, kaya mada di bhap bini Việt Nam meda hu rilo rai hadei  hadar kanal.

Harak thư di Tổng thống Nga Vladimir Putin vak lac: Hu thau ong Nguyễn Phú Trọng, Tổng Bí thư Ban Chấp hành Trung ương Đảng Cộng sản Việt Nam plang lahik, dahlak likau payua panuac klah rabha dom pandik harao dalam hatai. Ong Nguyễn Phú Trọng b aabih rai di drei brei ka taneh ia. Tapa rilo thun pan akaok ba jalan di Karja saong Đảng, ong Nguyễn Phú Trọng hu bhap bini Viet Nam iek praong, anit ranam saong hu angan je praong di dunya. Negar Nga meda hadar tal Tổng Bí thư yau sa urang ayut sahabat hu rik daong biak ralo dalam bruk dak padang saong cak rok patagok talei pambuak bruk abih gah khang kajp suai lavik di dua taneh ia.

Harak thu payua panuac klah rabha pandik harao di Akaok Quốc hội Liên bang Nga Vyacheslav Volodin vak lac: Biak kan piah taong yaom hu abih dom bruk rik daong praong di ong Nguyễn Phú Trọng ka bruk pakhang pakajap talei pambuak bruk di Liên bang Nga saong Cộng hòa xã hội chủ nghĩa Việt Nam. Lambaok ka dom urang Quốc hội Liên bang Nga brei dahlak payua dom panuac klah rabha pandik harao tal sang saong gauk gar di ong Nguyễn Phú Trọng./.