Urang dai bieu hu rilo panuac tangi sua biak tantu cambaih laih 

  Hadei di 2 hadei meteh ngak bruk dalam sami samar, njauk bruk, hadah krah saong abih hatai haong bruk ngak, biar harei kabroi, QH ngak salah blaoh bruk tangi sua saong javap calei di Mbang nyaom ka 3, vaktu XV. Di mbang nyaom ka 3, QH palih ruah 4 nyaom bruk piah tangi sua, nan lac: Ngak nong saong patagok palei pala; jien padai; gilang pariak; jalan mbak pajeng ba. Asar kadha tangi sua jeng lac dom bruk kan kandah, karung karang, hu mboh dalam radiuk yaok harei, hu cử tri, manuac sia dalam taneh ia caong khin langyah samar. Akok QH Quốc hội Vương Đình Huệ khan lac, tapa bruk tangi sua saong javap calei brei mboh hu thau taduan pang, trach nhiem glaong di dom urang dalam Rajaei, di Thu tướng Rajaei, dom Pho Thủ tướng rajaei saong dom Mentri, dom urang dang akaok ngành dalam bruk javap calei dom tangi sua.

Piah hadar dhar phor dom urang khang hatai di rilo gah, rilo bruk ngak, oh huac metai lahik, hu mbaok tame pacang jit COVID -19 tuk vak tapa di TP.HCM, giải nduac takai  Run to Heart 2022 hu mbaok di dom  y bác sĩ hu peih tabiak di harei 3/7 di labik  đô thị Vạn Phúc city, ban Thủ Đức. Langiu 200 harak vé  daa ka dom  y bác sĩ hu mbaok tame pacang jit di dom sang iek ruak yau  Chợ Rẫy, Nhân dân Gia định..,. song dom urang lin  Công an TP.HCM, mBan peih bruk dok hu peih pabah mbang tut angan  ka dom urang karei.

UB bhap bini tỉnh Bình Dương birau patabiak Sarak ka 1347 ndem ka jien daong padang ngak, pasiam veik baoh sang jum pataom ka urang kathaot  dalam tỉnh. Tui nan, pok jien daong padang ngak baoh sang jum pataom ka urang kathaot, baoh sang jaik kathaot, baoh sang hu raidiuk kan kandah lac 100 trieu đong sa baoh sang, glong jang yaom daong klak 20 trieu đồng. Ngan haong baoh sang hu padang ngak di taneh laman ye hu daong ralo jang min glaong di abih oh tapa 20 trieu đồng sa baoh.

Tui bruk di Quốc hội jao brei, Kiểm toán karja hu peih chip meng akaok thun, bruk kiểm toán gah ieu pataom, khik ramik, pandar dom pren khang duh ka bruk pacang caga jit  COVID-19 song dom sarak dong. Ni lac bruk kiểm toán oh ka bhain ngak, hu peih ngak di tong abih gah tui jalan ngak prong, peih bruk kiểm toán di  9 mintri,  jabat trung ương song 32 tỉnh, ban. Tapa nan, Kiểm toán karja hu panuac cong langyah labaih 6.789 tỷ đồng, dalam nan hu panuac ieu langyah gah jien padai labaih  3.431 tỷ đồng song langyah karei labaih  3.358 tỷ đồng. Tong abih pok jien kiểm toán hu panuac cong langyah meblah  4,8% dut song pok jien di dom jabat hu kiểm toán.

Lambaok Cong ty cổ phần BOT Trung Lương – Mỹ Thuận brei thau, tapa labaih 40 harei peih brei ka bhap bini nao mai oh mek jien danak dak jalan peih drah samar Trung Lương - Mỹ Thuận kuhria meng harei 30 bilan 4 thun 2022, abih tih radaih peih ngaok jalan tal urak ini lac jaik 800.000 mbang, kuhria rah tapa labaih 23.000 mbang radaih dalam sa harei melam.

Harak gar hạt nhân Iran sa mbang tra ngak pandiak dom danak dak ginum biai dunya, tuk  Iran dok yam tal bruk taoh klaak tong abih dom  ca-mê-ra pasang iek  hu caik tui  thỏa thuận hạt nhân thun  2015. Ni lac bruk kateik khang tagok dom kham merat pasiam veik văn kiện, hadei di tuk Mỹ eng drei tabiak truh atah di ni 4 thun. Tui Rajaei Iran, bruk khik ramik dom ca-mê-ra ni, oh hu makna hagait tuk  phương Tây tuk halei jeng duah jalan “chính trị hóa” dom bruk ginum biai.

Hadei di tuk brei thau pambuak veik bruk ngak tabiak saong gilac veik raidiuk yaok harei oh hu suai lavik, ban ine Bắc Kinh saong pasak kinh tế Thượng Hải di Trung Quốc harei kabroi 9/6 sa mbang tra brei ngak tui dom adat brei kareik pabah mbang birau saong brei dut iek yaok pluh trieu bhap bini kayua Covid-19. Page ini 10/6, daok hu dom quận karei brei thau ka bruk drei yau nan. Dalam tukvak dut iek ruak, dom labik pambuak tal meda brei pacang. Ini lac hukum pacang brei takik nao mai praong ralo akok meti di Thượng Hải meng tuk brei pacang dui atah dua bilan hu taoh klak meng akok bilan 6.

Piah pacang tanut lạm phát glaong di abih hadei di labaih 10 thun, Gilang pariak trung ương châu Âu (ECB) harei kabroi (09/6) khan lac peih dom mbang  tagok jien laba  dalam bilan 7 song bilan  9 anak tal, gam song nan, brei padeih danak dak blei sre meng bruk khủng hoảng nợ công. ECB jeng patrun tanut kuhria dahlau bruk patagok  di kinh tế dunya thun 2022 trun dok 2,8%./.

Urang lang: Ái Nghiêm -Hanipha- 10/6