Ni lac sa bruk peih mbaok siam lagaih, min, ban raya brei caik hatai sangka

Di var ngak bruk saong Trung ương Kapol Chữ thập đỏ Viet Nam harei kabroi, Akok negar Nguyễn Xuân Phúc njauk hatai bruk peih ngak Bilan ngak pahala pakat negar di bilan 5 thun 2022 tui bruk ba tabiak di Kapol piah peih ngak dua Danak dak praong, luac tukvak XI nan lac “Salamat ka urang nao tasik sang kathaot, kan kandah” saong Danak dak “Dinh dưỡng ka uranaih kathaot, jaoh jo”. Dalam nan, lac “Salamat ka urang nao tasik sang kathaot, kan kandah” pamaong tal bruk daong jaik 1.250 baoh sang diuk rai angaok gaiy gilai oh hu labik daok lagaih, 291 xã biak kan kandah, tapen tasik kaoh pulao di 23 dalam 28 tỉnh, ban hu tasik; 90.600 gilai taong ikan.

Hadei di 2 quý gam gam di thun 2021 patagok âm, quý 1 thun 2022, kinh tế ban raya .HCM hu tagok jiak 1,9%. Uỷ viên mintri Chính trị, Bí thư Thành uỷ ban raya HCM Nguyễn Văn Nên ndom lac, dom jak jeng njauk uan tabuan dalam Quý 1 brei mboh ka bruk kham merat song khang hatai di karja song bhap bini, dom doanh nghiệp, ni lac sa bruk peih mbaok siam lagaih, min, ban raya brei caik hatai sangka.

Tui harak pathau khan di Jabat Trung ương Đảng, di mbang ginum meyai harei 5/4 kayua Tổng bí thư Nguyễn Phú Trọng dang akok, Ban Bí thư ba tabiak bruk brei padeih taong abih bruk ngak dalam Đảng, vaktu 2015 -2020, 2020 -2025 ngan saong Trung tướng tướng Đỗ Quyết, Phó bí thư Đảng ủy, Yam ndoc Học viện Quân y saong thiếu tướng Hoàng Văn Lương, Ủy viên Ban Thường vụ Đảng ủy, Phaok yam ndoc Học viện Quân y. Mban Thường vụ Đảng ủy Học viện Quân y dom vaktu 2015-2020, 2020-2025, njauk cảnh cáo.

Harei 5/4/2022, Jabat Cảnh sát điều tra mintri Công an hu khởi tố, chap kreik ong Đỗ Anh Dũng, Akaok Hội đồng thành viên gam ngak Tổng Giám đốc Tập đoàn Tân Hoàng Minh song 6 urang karei piah pasang iek, duah thau ka dom bruk ngak suan hukum gam tal brukpatabiak trái phiếu, ieu pataom jien di urang buh jien tame ngak mmbang di dom công ty thành viên di Công ty Trách nhiệm hữu hạn Thương mại Dịch vụ Khách sạn Tân Hoàng Minh.

Biar harei kabroi, 126 tuai damuai Mỹ hu mai rivang ban meng kan Hội An, tỉnh Quảng Nam meng harei 4 tal harei 7/4. Ini lac kapol tuai Mỹ akok meti hu mai rivang Hội An hadei labaih 2 thun gah dulich kareih pabah mbang kayua jit ruak Covid-19. Bruk taduan raok tuai damuai dunya gilac veik ban Hội An tuk ini hu makna biak praong dalam tuk tỉnh Quảng Nam lac tỉnh peih ngak Thun Dulich pakat negar 2022 ngan haong kadha “Quảng Nam nan lac labik rivang ma-in dulich hijao”.

Bhian hu mong lac sa jalan ngak siam meda peih tabiak jalan nao ka gah kinh tế, dong ka gah du lịch, dịch vụ hu jalan patagok gilac veik hadei di tuk vak dui atah gaok kan kandah di jit ruak, urak ni “passport vắc-xin” oh dok lac njauk brei hu di rilo taneh ia di châu Â. Dak harei dak hu rilo taneh ia di châu lục ni, brei klaak dom jalan pacang patakik bruk nao mai, tuk jit ruak yam tapa tuk vak bahrau.

Harei 5/4, dak harei dak hu rilo urang ngak praong di Liên minh châu Âu (EU) brei panuac caong khin dom taneh ia ini jhul samar paok taong phat ka 5 tame Nga yaom lac oh ka njauk gauk dalam bruk blei khí đốt tame. Dahlau di nan, di nyaom biai pakat glong peih tabiak harei 25/3, dom urang ngak praong di EU oh ba tabiak bruk taong phạt ka 5 saong brei thau lac bruk nan meda peih ngak meyah Nga yam tapa paga pacang bhong meriak.

Lạm phát glong song bruk mesruh gauk di Nga song Ukraine ba tal yaom xăng di negar Mỹ tagok glong. Tui Hiệp hội Ô-tô Mỹ, yaom sa gallon, samu jiak 3,8 lít xăng di Mỹ dalam harei 05/04 lac 4,17 đô-la. Adit dahlau, Tổng thống Biden khan lac ong meda brei buh tabiak 1 triệu thùng menyek meng gilang khik piah di Mỹ yaok harei song dui atah dalam 6 bilan tal./.

Urang lang: Hani Pha – Bhumi – 06/04