Gilai du lịch tabiak meng Indonesia, tapa Singapore tal Việt Nam

Hadei di 2 thun njauk kan kandah di jit ruak COVID-19, harei 2/10, gilai du lich dunya mbang camriep hu mai veik TP Hồ Chí Minh. Gilai du lịch tabiak meng Indonesia, tapa Singapore tal Việt Nam, pajeng tui 88 tuai damuai mai meng rilo taneh ia di dunya, dalam nan hu Mỹ, Pháp, Đức, Canada, Brazil... labik camriep bo gilai patauk di Việt Nam lac Côn Đảo, tỉnh Bà Rịa - Vũng Tàu, hadei di nan, gilai pajeng tuai nao rivang iek pabah lamnge Bến Nhà Rồng (TP Hồ Chí Minh), Nha Trang (Khánh Hòa), Quy Nhơn (Bình Định)... ini lac sa bruk bak siam mekre, peih tabiak dom siam lagaih bahrau ka gah du lịch di ban raya.

Tổng Công ty khik ramik par Việt Nam hu peih bruk padang ngak danak dak ka 2, tong abih tih phun jien buh tabiak jiak 3.500 tỷ đồng (dalam nan hu dom danak dak pabak ka bruk khik ramik par , daok dalam danak dak buh jien tabiak padang ngak mblang kapan haoh dunya Long Thành-tuk vak ka 1). Danak dak hu parabha tabiak 3 tuk vak, dalam tuk vak ka 1 hu padang ngak cọc, đài cọc Labik pasang iek không lưu song dom bruk ngak pagam tal tuk vak ka 2 hu padang ngak dom danak dak khik ramik par song dom bruk pagam tal ; tuk vak ka 3 pataom iek, ngak salah bloh danak dak thành phần 2.

Urak ini bein phun thanh long di tỉnh Tiền Giang daok tame bilan paik baoh, kayua yau nan ye yaom baoh thanh long daok trun. Di huyện Chợ Gạo, yaom thanh long meng 2.000 đồng tal 3.000 đồng/kg. Tui yaom ini, urang nong oh ginup jien pah urang iek glang saong paik baoh di bein. Tỉnh Tiền Giang hu labaih 10.000 ha phun thanh long, pala rilo abih lac di huyện Chợ Gạo, Gò Công Tây, Tân Phước. Bruk pablei tabiak, yaom kaom tani tanat, hu laba daok hu po bein biak caik hatai sanka. 

Pagam tal brul bala tuk ngak bruk rah tabiak di tatua Mỹ Thuận 2 tỉnh Vĩnh Long di beir harei 30/9 meng bloh, urak ni, gah chức năng hu duah mboh urang lahik kayua gaok bala tuk ngak bruk, atah di pak nan labaih 6 km di gah ala krong. Gah chức năng tỉnh Vĩnh Long jeng khan lac, bala tuk ngak bruk di mangaok tatua Mỹ Thuận 2 ni, oh gam hagait tal chất lượng di danak dak, kayua labik rah tabiak bala lac sàn tạm, oh lac labik đà giáo chính.

Tukvak tapa, kayua yaom xang manjek tagok glaong saong gah pabak xang manjek daok kurang, nan ye rilo gilai taong ikan di Cà Mau jeng ka oh tabiak tasik. Piah pasiam bruk ini, dahlau di nan, akaok UBND tỉnh Cà Mau hu likau Akaok Mintri Công Thương pok panuac tagok Thủ tướng Rajaei pasang iek, pato tacei, hu jalan brei trun yaom manjek diesel, ba mbuan lagaih piah ka bhap bini, doanh nghiệp di dalam tỉnh trun manieng yaom jien buh tabiak. Gam tui di nan, pato tacei dom thương nhân praong samar drah pabak ginup xang manjek ka labik pablei, jang yau pabak ka dom thương nhân pablei tabiak xang manjek, tani tanat gah pabak.

Dom urang metai dalam mbang juak mangaok gauk di mblang vận động di ban Malang di Indonesia melam 1/10 lac 125 urang song 180 urang njauk rambuac. Mbang juak gauk song srau kadau rah tabiak di mblang vận động Kanjuruhan hu mong lac sa dalam dom mbang juak gauk di mblang vận động trak abih di dunya. Akaok Liên đoàn adat blong dunya ndom lac mbang juak gauk ni lac biak pandik harao ka gah adat blong dunya song harei rah tabiak bala ni lac "harei sup palup" ka gah thể thao.

Trung Quốc tabiak panuac brei thau ka mbang langik la-ar aval abih kuhria meng kan mai, tui kuhria lac sa bhum taneh praong di taneh ia ini meda raok mbang bilan laar aval jang ngan haong nhiệt do trun bier. Tui kuhria mboh dahlau hu ba tagok mangaok web, Đài Khí tượng Trung ương Trung Quốc brei thau lac, kayua njauk kan kandah di mbang langik laar khang, meng maong 2 bier harei 2/10 tal maong 8 melam harei 6/10, nhiệt độ di abih tih dom labik bhum kreih negar saong gah timur di Trung Quốc meda trun meng 8°C-12°C. Dalam tuk nan, di dom tỉnh gah maraong negar langik jeng daok pandiak, nhiệt độ glaong. 

Dom urang roh duah di sang bac Đại học Cambridge (Anh) hu pandar sa robot yau menuac, praong nde sa uranaih, piah tong yaom pren yava akaok sahneng di 28 uranaih dalam umo meng 8 tal 13. Dom uranaih tương tác song robot meng jalan ndom nyai haong nyu atau gaok tame dom cảm biến mangaok tangin song takai di robot. Dom cảm biến brei thau nhịp boh hatai, megei akaok song mera di uranaih dalam luac tuk vak ni. Tui dom urang roh duah, yaom lac robot oh hu pandar piah salih ka dom jalan dong pren yava akaok sahneng, min, nyu meda lac sa jalan pabak siam lagaih ka dom bruk tong yaom pren yava akaok sahneng ./.

Urang lang: Thu Thao & Hani Pha – 03/10