Bruk pacang chap mek kaya ikan suan hukum, oh khan brei thau saong oh tui hukum (IUU), hadei di 5 thun njauk UB chau Au tabiak “ thẻ vàng” Việt Nam hu salih siam tagok. Yau nan min, daok rilo tavak tavaiy, oh pabak sumu bruk ba tabiak, meyah oh pasiam aval  ye oh lac lang talaih hu “thẻ vàng” bo daok mbuan gaok kan kandah jang. Yau nan ye, Thủ tướng Phạm Minh Chính iew taong abih dom mentri, dom gah, dom bhum palei pambuak bruk pacang cakak, padeih bruk chap mek ikan suan hukum di bhum tasik negar langiu dahlau di harei 31/3/2023.  

Meng harei 6 tal harei 13/1/2023 di ban sit Sa Đéc tinh Đồng Tháp hu peih adat du lịch pambuak haong harei pataom bingu Xuân thun sak tapai 2023. Dalam adit du lịch meda hu rilo bruk yau ye: adat thau dhar phor saong pok meyaom bruk pala bingu kiểng; yaih khan saong parang tabiak 102 janih pandap mbang haong dom janih ahar meng kan mai, Diễu hành jalan phố; Harei pataom pakacah bingu hồng mekre saong Bonsai Mai vàng; Gian hàng pandap mbang jalan phố; Pakach ramik ngak cụm tiểu cảnh check-in du lịch. Ini lac tuk piah yaih khan thaot binguk du lịch tỉnh Đồng Tháp jeng yau ban sit Sa Đéc tal tuai damuai, tapa nan patagok dom prein khang di bruk du lịch Sa Đéc, ba bui sambai chreih chrai ka bhap bini saong tuai damuai tuk thun bahrau tal mai.

 Peih bruk “ Tet Anit ranam” - Xuan Quy Mao 2023, Kapol Chữ thập đỏ tỉnh Bạc Liêu meda peih ngak dom bruk “Tet anit ranam” di dom bhum palei meng harei 1 mbiah tal harei 16/1/2023. Urang hu mbang tui bruk jak ba “Tet anit ranam” -  Xuan Quy Mao 2023 oh padeih veik di urang kathaot, urang njauk jru mek kalik kruac,  bo pamong tal rilo gah saong peih paraong jang, piah dom urang oh patuah jamo dalam raidiuk hu ginup pandap, uan raok Tet, Xuan bui samba. Kapol Chữ thập đỏ tỉnh Bạc Liêu kham merat jak ba  urang rik daong, alin 10.000 paok pandap Tet Nguyen dan thun nasak Tapai 2023.

Mban tacei pato jak ba halan hatian brei darah tỉnh Hậu Giang peih bruk jak ba halan hatian brei darah tuk Tết saong “Jalan di dom tanjoh darah anit ranam” thun 2023. Bruk ngak di danak dak lac jak ba 16.000 urang tut angan halan hatian brei darah saong taduan labaih 13.000 đơn vị darah meng urang halan hatian brei darah. Piah mek hu jak jeng glaong, urang pan akaok tỉnh Hậu Giang hu panuac ieu dom puk palei gam gam ieu pachreih, jak ba dom kapul nyaom di puk palei pachreih tui bruk halan hatain brei darah dalam tuk Tết.

Hadei di tuk dom pasak pasang iek radaih co gioi di Ban raya Ho Chi Minh njauk brei padeih ngak bruk, urak ini rilo bhum palei jaik taphia Ban raya HCM yau:  Đồng Nai, Bình Dương, Bà Rịa - Vũng Tàu daok rah tabiak bruk radaih gar tavak di dom labik pasang iek radaih, tuk dom radaih  tame pasang iek ralo jang bhian harei. Di sa labik pasak  pasang ike di Ban Bien Hoa, tỉnh Dong Nai, rilo radaih daok dak tui talei  atah 2km piah cang pasang iek. Bruk gar radaih nan tui kuhria mboh dahlau meda dui atah tal tuk Tet mai jaik bruk pasang iek radaih  di bhap bini tagok glong.

Nga daok kuhria pabak tame Kadung jien đầu tư taneh ia (NWF) meng jien Nhân dân tệ yau sa binah dalam hukum kadung jien karja. Tui nan, meng bilan 1/2023, tukvak hukum kadung jien karja hu ba tame pandar, Nga brei taong yaom dom chỉ số yaok bilan. Iek tui bruk di anak meta, taneh ia ini brei tabiak bruk lac njauk pabak NWF halei oh saong pabak meng janih jien halei, đồng ruble atau Nhân dân tệ...Tui Mintri jien padai Nga, dalam dom janih jien di dom taneh ia ayut sahabat, đồng Nhân dân tệ hu yaom khik piah saong tanut thanh khoản praong abih di mangaok darak pasar ngoại hối di Nga. Kayua yau nan ye, Kadung jien đầu tư taneh ia meda brei pabak meng janih jien ini.

Ribuk tuyet biak jhak abih dalam labaih 50 thun tapa daok cakak negar Mỹ saong  ngak brei takik abih 60 urang metai. Tổng thống Joe Biden tabiak bruk samar drah ka bhum gah pai bang Niu Yoóc, piah ieu pataom bruk daong samar. Nhiet do di 48 bang di negar Mỹ trun biar ia khar  di puac adit tapa, ba tal rilo urang di  cư brei duah labik daok. Rilo bruk ngak di taneh ia Mỹ  gaok kan kandah trak. Tui urang ilamu gah kinh te, ribuk bilan barak la-ar biak khang di Mỹ meda ngak klaik klaoh bruk pabak khí đốt hóa lỏng di Mỹ lac sa dalam dom negar pablei tabiak negar langiu praong dang akaok di dunya.

Dom mbang mesruh gauk dalam luac 4 harei tapa di bang Jonglei di Nam Sudan ngak brei 56 urang metai. Adit dahlau, Kapul khik ramik sron mbon di Liên hợp quốc di Nam Sudan khan lac dom likei dam Nuer hu phao ndao daok hu ieu pataom tame sa mbang taong pamaong tame bhap bini Murle. Nam Sudan, mek hu độc lập meng Sudan di thun 2011, min jeng daok laik tame srau kadau saong mesruh gauk bak darah dalam dom pluh thun tapa kayua bruk meblah gauk athur raong saong taneh riya./.