Sang rup patau hu ngak yau sang kayau meng kan di urang gah Meraong negar

Hadei di tuk peih pakak di melam ini, Kalan Po Hùng di Ban Cần Thơ hu peih pabah mbang duh ka bhap bini tame rivang, cuh gilau meng harei paguh 7/4. Kalan Po Hùng hu padang ngak piah pabak bruk pok kakuh Po Hùng tui hatai caong khin di bhap bini dalam bhum taneran kraong Cửu Long. Kalan nan hu labik kakuh praong hu padang ngak yau mbaok hagal bar hu 18 bingu; sang rup patau hu ngak yau sang kayau meng kan di urang gah Meraong negar.

32 urang di Kapul Văn học nghệ thuật di 13 tỉnh, ban bhum gah brak hu mbaok tame Trại sáng tác Văn học nghệ thuật dom bangsa takik Việt Nam thun ni, hu peih tabiak meng harei 04/04 tal harei 12/04 di labik du lịch sinh thái Kolia, xã Thành Công, huyện Nguyên Bình, tỉnh Cao Bằng. Langiu di bruk, hu nao tal labik paneh tapak di dom huyện dalam tỉnh, Urang hội hu mbaok tame Trại sáng tác mbang ni hu klah rahba ilamu , ginum biai ka dom kadha paneh tabiak tui dom janih yau Văn học, Mỹ thuật, Nhiếp ảnh, Âm nhạc...

Dalam tukvak pasiam veik kinh te, UB bhap bini dom quận, huyện di Ban raya HCM saong Ban Thủ Đức hu jak ba dom darak meng kan peih pablei salih veik. Mbiah tal ini, hu labaih 92% darak meng kan di ban raya hu peih veik. Yau nan min, dom darak pasar praong meng kan mai yau Bến Thành, An Đông…urak ini biak joa lange, takik menuac tame. Langyah ka bruk ini, muk Nguyễn Thị Kim Ngọc, Pho Yam ndoc Sở Công thương TP.HCM lac, kayua tukvak tapa jit ruak rah tabiak suai lavik, rilo urang pablei salih hu salih meng pablei tapak tapa pablei online; hu dom urang karei nao palei plaik jit saong oh ka gilac veik Ban raya Sở Công thương daok ngak bruk haong UB bhap bini dom quận huyện piah hu dom jalan ngak lagaih ka darak pasar meng kan.

Viện Kiểm sát bhap bini tỉnh Bình Thuận brei thau, Viện Kiểm sát bhap bini pakat glaong abih hu tabiak harak truy tố Luyện Xuân Tràng, ndih tapui thun 1973, daok di tỉnh Hưng Yên ka duas “Buôn lậu” song 8 urang karei ka duas “Pablei pandap kayua urang karei ngak suan hukum po hu”. Luyện Xuân Tràng lac menuac dang akaok dalam bruk buôn lậu xăng, menyek meng Singapore mai Việt Nam prong abih di Bình Thuận, ngan song yaom jien abih tih labaih 2.034 tỉ đồng.

Thun ini, langik tasik oh lagaih ba tal rilo taneh pala bơ di tỉnh Đắk Lắk bruh bingu, druh baoh meda ngak khat lahik trak ka dom po bein. Tui kuhria mboh di gah Ngak nong tỉnh Đắk Lắk urak ini dalam tỉnh hu labaih 9.000 ha bơ dom janih, thun 2021 paik hu labaih 82.000 tấn baoh. Hu biak rilo bein phun bơ baoh oh ndam, tui nan baoh hu biak takik ba tal trun jien mek tame di urang pala.

Dom bruk pambak tabiak meng srau kadau di U-krai-na dalam nan hu bruk klaik klaoh pabak pandap panda, yaom kaom tagok song kurang jien padai ngak ka kinh tế tagok suai damuai song patagok kan kathaot di bhum châu Á-Thái Bình Dương dalam thun ni. Patagok di labik ni hu gilang pariak dunya kuhria mboh dahlau di tanut 5% dut song tanut 5,4% hu kuhria mboh tuk camereip.

Tui yaok pataom di Mentri Y tế Australia, urak ini taneh ia ini hu labaih 489 ribau urang njom Covid-19. Yau nan min, urang ruak Covid-19 biak biai dalam bhap bini meda glong jang 2 tal 2 mbang meteh min oh khan brei jabat y te thau. Yaom lac dom urang ruak Covid-19 daok tagok rilo min dom labik y tế di Australia oh njauk ngak bruk tapa prein. Kayau yau nan ye, dom urang ilamu daok kuhria brei trun takik dom jalan pasang iek jit ruak ngan saong ralo bhap bini, salih tame nan pataom tame dom urang mbuan njom ruak glong yau dom urang taha umo saong dom urang hu ruak dahlau dalam rup.

Rahra Ai Cập bhian uan raok bilan eik Ramadan meng bruk blei gom lồng piah ngak mekre sang danaok atau jalan mbak. Thun ni, Abeer Antar – sa urang kamei nghệ nhân urang Ai Cập, brei mboh bruk hadah krah di drei tuk ngak tabiak gom lồng thủ công meng pandap lac “Qulla” – pandap ngak meng haluk lan bhian hu pandar piah caik ia di urang Ai Cập. Ai Cập hu thau tal lac taneh ia hu blei meng negar langiu dom gom lồng labaih 15 triệu đô la Mỹ yaok thun. Min, tal thun 2015, taneh ia ni tabiak adat pakauh blei gom lồng meng negar langiu tame dalam bruk kham merat patak pataom jien ndua./.

Urang lang: Hani Pha – Bhumi – 06/04