Mentri Thông tin saong Truyền thông khan lac meyah hadei harei 31-3 urang pandar phone oh ka tut angan brei pabak njauk thông tin di drei ye meda cakak bruk pandar laik phone. Mbiah tal ini hu blaoh labaih 1,8 trieu laik phone brei pabak njauk khaw tin, daok jaik 2 trieu laik phone oh ka mai pabak veik khaw tin di drei. Laik phone nan meda njauk cakak meyah oh tut angan veik khaw tin di drei. Cục Viễn thông iew dom gah mạng laik phone brei ngak catang cakak dom laik phone hu khaw tin oh cambaic laic.

Tui Kapul raong glang tỉnh Đồng Nai, hadei di jit praong COVID-19, yaom pandap mbang tagok glaong, yaom pablei pabui bier jang yaom phun, gam saong jit aih traoh pabui Châu Phi nan ye ba tal rilo kan kandah ka urang nong. Kayua yau nan ye, kapul raong glang tỉnh Đồng Nai ieu kakei Gilang paraik kanja hu sarak piah daong ka urang nong. Dalam nan brei kaduan veik tukvak biyar saiy, trun manieng jien je ka gah raong glang, kayua adat hu blaoh, tok brei kaduan veik tukvak pandar, dom gilang paraik meda peih ngak chip bruk daong brei. Taphia di nan, dom gilang paraik meda kaduan veik dom paok masaiy karei ka dom bhum raong glang praong piah plaih bruk klaih klaoh phun jien, mbuan ba tal bruk oh daok hu pabui dalam  dom labik raong praong.

Sang bac PT năng khiếu di Đại học Quốc gia TP.HCM birau brei thau chi tieu palih ruah anek saih tame tal bac 10 thun bac 2023 -2024. Thun ini,  sang bac khik tamo bruk palih ruah anek saih yau thun bac dahlau lac 595 parabha jeng dom tal bac chuyen sumu haong 2 cơ sở bac megru. Anek saik tut angan pakacah tame sang bac njauk brei pakacah 4 bài  dalam nan hu 3 bài pakacah  oh chuyen lac Toán, Ngữ văn saong Tiếng Anh saong 1 bai pakacah mon chuyen palih ruah tui caong khin. Yaok anek saih brei tut angan  ralo 2 mon chuyen dalam bai pakacah mon chuyen palih ruah. Tukvak brei tut angan tapa online meng harei 4/5 – 11/5 angaok website di sang bac saong pakacah dalam 2 harei, harei 26 – 27/5.Peih ngak dom bruk tui jalan pacang taong cap ikan suan hukum, oh pathau khan saong oh tui adat (IUU), UBND tỉnh Kiên Giang brei ngak catang bruk pasang iek, langyah abih tih dom bruk gilai ikan njauk negar langiu cap khik, langyah saong taong phat dom bruk ngak suan dalam taong cap ikan suan hukum di bhum tasik negar langiu saong ba tabika khan brei thau di mangaok dom jalan khau tin. Gam haong nan, gah chức năng brei pasang iek, ba tabiak truy tố, kaoh tui hukum dom bruk ba gilai ikan, urang taong cap ikan di Kiên Giang nao taong cap ikan suan adat hukum di bhum tasik negar langiu.

Page 30/3, Kong an Q12 pambuak haong dom jabat nghiep vu Kong an TPHCM pacang labik rah tabiak bala, tangi sua duah thau dom urang hu mboh piah pasang iek bruk urang likei pametai amaik di labik ini. Dahlau di nan, tuk page harei nan, mikva daok jaik nan mehit sap prew khang meng sang  dalam jalan hẻm di Tân Thới Hiệp, Quận 12 ye nduac tame. Ba gauk tame sang mboh urang likei tangin pan pandap bauk darah. Taphia nan urang kumei  ndih kandang( ndih tapui 1963) barah njuk bauk rup. Kong an hu mbaok chap mek likei dam nan, yau nan urang ini oh palao pandap taong manuac trun saong prew khang cagar veik. Anak bruk nan, kong an patuh phao chap mek.  Daok urang kumei nan kayua taong rilo laka trak nan ye metai. Tapa duah thau, urang likei nan angan L.V.V ndih tapui 1989, lac anek di urang kumei metai. V daok guk birau tabiak mai daok sang haong maik.

Rajaei Đức bahrau brei thau danak dak hukum bahrau ka bruk nhập cư. Mayah hukum ini hu Nghị viện Liên bang Đức brei tapa, meda daong ngak pacadu biak rilo bruk pambuak tal likau harak adat ngak bruk, harak labik daok suai lavik, gam haong rilo kein lagaih ka urang ngak hu ilamo glaong mai meng dom taneh ia langiu Liên minh châu Âu. Thủ tướng Đức ndom lac, taneh ia Đức njauk hu sa sarak nhập cư bahrau piah pacang caga dom kan kandah di kinh te di anak tal, dalam tuk kinh te daok kan kandah saong bruk kurang urang ngak di Đức daok dak harei dak trak damak.

Takik di abih lac 10 urang metai saong labaih 10 urang karei njauk rambuac tuk sa sruh kapal gilai pajeng tuai njauk apui khuah di tasik gah meraong negar Philippine melam 29/3. Gilai praong pajeng hu tal 430 urang, min dom gah chuc nang  oh ka thau gilai pajeng hu hadom urang. Labaih 230 urang hu daong sraong klah di metai saong ba tame takai tasik. Philippine lac taneh ia kaoh pulao tasik hu rilo kapan gilai. Yau nan min, hu rilo gilai kapal klak khut daok pandar. Rilo mbang gaok bala palai pajoa pambuak tal bruk gilai kapal klak khut rah tabiak di taneh ia ini.

Chile bahrau mboh urang njom ruak cúm manuk ada camriep abih di manuac. Urang ruak lac urang likei, umo 53 thun, mboh dalam rup hu rilo triệu chứng  trak damak di ruak cúm. Urak ini, prein yava di urang ruak hu tani tanat. Rajaei Chile daok duah thau asal njom mbak saong pasang iek dom urang hu taom gaok jaik haong urang ruak. Jaik di ini, dom sruh jit cúm manuk ada H5N1 tamuh tabiak di dom var raong glang. Min, ini lac mbang camriep taneh ia ini hu  ruak cum manruk ada di manuac./.