Hadei pagam tame, tinh Dong Nai daok labaih 218 jabat ngak bruk klak saoh. Hu 92 labik sang, taneh hu ramik, caga labik daok, labik ngak bruk ka jabat, labik. Urak ini So Jien padai daok pambuak haong dom so, dom gah pambuak saong UB Bhap bini pakat xa pasang iek hatai caong salih bruk di labik ngak bruk piah ngak labik y te, pato megru atau pandar ka dom jalan ngak cong cong karei di karja palei pakat xa. UB Bhap bini tinh Dong Nai pandar Kong an tinh, Bo Pato tacei Bol lin tinh pambuak UB Bhap bini pakat xa pasang iek, pacang khik drap ar jien padai lac labik ngak bruk oh daok lagaih haong bruk ngak di jabat, kapul, labik.

TP.HCM kuhria buh tabiak jiak 149 ti dohg piah bayar dhar phol ka labaih 147.000 urang hu ngak bruk daong taneh ia jaman mesruh metak di harei 27.7 jaik tal. Jien alin ndap nda glong abih lac 3 trieu dong ka dom Amaik VNAH saong biar abih lac 800.000 dong ka dom urang daok mbang tui sarak karja yaok bilan atau sa mbang. TPHCM padang 46 kapol urang jakar ngak praong di Ban raya nao rivang saong alin hadiah kaya ndap nda di 5 pasak iek glang prein yaw ka urang thuong  binh gah barah negar, Pasak iek raong urang taha Thị Nghè saong 225 baoh sang sarak karja naih gheih.

HĐ Bhap bini tinh Lam Dong mbaoh tangin rabha jaik 300 ty dong piah ngak danak dak jalan ngak pakat negar patagok KT-XH bhum mikva urang bangsa takik saong bhum ceik thun 2025. Piah ka phun jien ini hu paglaong siam lagaih, tinh Lam Dong sangka iek praong peih ngak bruk samu gauk saong kein lagaih di yaok bhum. Jhul khang pathau khan sarak di negar, patrun kathaot, ilamo ky thuat san xuat, peih mbang ngui…padang jalan patagok bruk daok dang mbang ngui njauk lagaih haong yaok bhum, pagam haong kein lagaih ngak mbang karei di bhum.

Gam haong bruk ngak hu sahanang di karja dua pakat, pakat uy dom xa, phuong di tinh Dak Lak daok samar ngak salah bruk ramik caga peih mbang nyaom Roya Dang bo pakat xa mbang akaok meti hadei ramik pagam tinh, vaktu 2025-2030. Tinh Dak Lak birau hu 102 don vi xa, phuong, samu haong 102 Dang bo pakat xa. Nyaom roya Dang bo pakat xa mbang ini oh hu palih urang tame pakat uy vaktu birau saong kapol urang lambaok vakil hu mbaok tame roya pakat negar.

Piah dak yam paglaong ilamo pasang iek ruak saong taong ruak di Con Dao, So Y te Ban raya Ho Chi Minh brei peih ngak danak dak salih bac si meng dom sang iek ruak akaok gah tabiak Dac khu Con Dao. Gah Y te jeng cih tabiak jalan patagok Pasak Y te Bol lin rahra y Con Dao jeng sang iek ruak da khoa. Urak ini Pasak Y te Bol lin rahra y hu 60 taneng. Min, labik ini daok kurang ka urang ngak hu ilamo, ndap nda kaya saong bruk pandar ilamo ky thuat glaong.

Tong thong My Donald Trump brei thau Coca-Cola njauk hatai brei pandar saradang ngak meng tabau dalam kaya menyum di Mỹ tui bruk ba tabiak di ong. Gah Coca-Cola, khan hasit di blah web kong ti lac: “Khol dahlak iek praong bruk abih hatai di Tong thong Trump ngan haong angan je Coca-Cola thaok binguk di khol dahlak. Asar kadha cambiac laic jang ka dom pandap salih birau dalam dom kaya kan Coca-Cola meda yaih khan anak tal”.

Labaih 1,5 trieu dam dara meng umo 16 tal 17 thun di dalam Negar Anh hu brei ngak bruk buh phieu dalam mbeng pilih ruah taong abih di thun 2029. Jalan patrun thun umo buh phieu ini bahrau hu rajaei Công ndang pan quyen brei tapa. Ini lac bruk salih praong abih ngan haong cu tri Anh kuhria meng tuk thun umo ini patrun meng umo 21 thun trun daok 18 thun di thun 1969. Bruk patrun thun umo buh phieu trun daok umo 16 thun brei kein lagaih  piah urang hu ginup thun nao ngak saong kak je hu sap ndom ka bruk pandar jien je di dom urang nan.

Karja tinh Hồ Bắc, Trung Quốc birau dui atah tukvak padeih ngak min hu mbang jien bilan ka dom diuk pasang birau lakhah tagok tal 15 harei - glong abih kuhria meng dahlau mbiah tal ini. Bruk ini piah pachreih urang lakhah tuk bruk ndih tapui saong urang lakhah dak harei dak takik yaom lac rajaei kham daong ba. Sa dalam dom paga pacang  praong ralo ba tal dom dam dara Trung Quoc oh khin tok diuk tok pasang lac huac abih rilo jien lakhah saong kan duah bruk ngak, jien mek tame takik.