Kat bhian daok ieu lac sa janih sa harak kayua jabat iek glang tame tabiak nagar brei ka urang langiu nagar brei hu adat bhian daok oh abih harei masa tukwak di Viet Nam jeng ye tui harei mboh kra thi thuc. Urang langiu nagar ieu lac urang ba harak mbang tui harak urang langiu nagar dan saong urang oh hu angan nagar tame tabiak atau tapa jeng ye daok di Viet Nam.

Tui jabat iek glang tame tabiak nagar Kong an ban raya Ho Chi Minh, urang langiu nagar di Viet Nam hu brei kat bhian daok mayah ngak njauk adat hukum Tame nagar, tabiak nagar, nao tapa nagar, padeih daok di urang langiu nagar di Viet Nam.

Tui di nan, njauk urang langiu nagar hu rik daong prein yava dalam bruk padang saong caga Nagar Viet Nam hu karja Viet Nam alin brei huan chuong atau brei angan mbaok mata nagar

Atau urang langiu nagar ieu lac urang ilamo, jru daok di Viet Nam. Urang langiu nagar hu ame, amaik diuk, pasang, anek bik urang rahra bhap bini Viet Nam daok di Viet Nam hu brei bao lanh. Atau urang oh hu angan di Viet Nam meng thun 2000 gilac dahlau.

Tui Jabat Iek glang tame tabiak nagar, adat piah iek brei bhian daok ieu lac brei ka urang langiu nagar yau ye bau di angaok mayah hu labik daok njauk tui hukum nagar jeng ye jien mbang karo ka radiuk di Viet Nam.

Urang langiu nagar ieu lac urang jru ilamo, urang chuyen gia daok di Viet Nam njauk hu akaok Mintri, akaok Jabat do akak Mintri, jabat di Rajaei ieik glang ka bruk ngak urang nan brei panuac. Urang langiu nagar hu amaik ame, diuk, pasang, anek ieu lac urang Viet Nam daok bhian di Viet Nam bao lanh saksi daok di Viet Nam meng 3 thun tagok.

Harak hagar payua brei kat bhian daok di Viet Nam ka Urang langiu nagar, hu: harak lakau bhian daok ka Urang langiu nagar; ly lich tu phap kayua jabat hu brei adat di nagar di urang nan brei; harak nagar di jabat lambaok vakil nagar di urang khin lakau di Viet Nam brei ka urang nan bhian daok; harak photo paspo hu mboh kra; harak saksi bao lanh ka Urang langiu nagar bhian daok di Viet Nam; harak brei thau ganap taka ieik brei bhian daok.

Daok tui harak gar brei salih kat bhian daok sahnang jang, hu: harak khan brei thau khin salih bahrau, brei bahrau kat bhian daok di urang langiu nagar; harak photo hu mboh tra, langiu di urang langiu nagar oh hu angan dang nagar,  dang bhian daok.

Labik payua harak gar di jabat ieik glang tame tabiak nagar kong an tinh, ban di pakat Trung uong. Mayah harak gar ganap njauk ye salah blaoh di dalam 20 harei.

Hadei di taduan mek ganap harak gar, urang jakar di jabat eik glang tame tabiak nagar taduan mek blaoh iek ka njauk adat hukum nagar.

Mayah harak gar ganap, njauk adat hukum nagar ye brei harak taduan ka urang payua harak lakau. Mayah harak kurang ye urang taduan harak daong tacei ba urang ngak kanjauk ka ganap dil samu masa tukvak. Di Jabat iek glang tame tabiak nagar kong an Ban raya Ho Chi Minh, harei taduan mek harak gar payua harei som, harei nacar dala adit, langiu harei raya, tet.

Njauk caik hatai, yaok 10 thun sa mbang, urang nagar langiu hu blaoh kat bhian daok njauk mai ngak harak payua di Jabat iek glang tame tabiak nagar kong an tinh, ban di pakat Trung uong piah khin caong salih kat bhian daok di Viet Nam./.