Viet Nam urak ini lac gah ngak mbang pabvlei salih praong ka 9 di Hoa Kỳ

Di var hu mbaok tame Nyaom biai Pakat glong Đặc biệt ASEAN-Hoa Kỳ, rivang saong ngak bruk di Hoa Kỳ saong Liên hợp quốc, harei 17/5 tui tukvak pak nan, di ban San Francisco, Thủ tướng Rajaei Phạm Minh Chính hu mbaok di Nyaom biai pachreih bruk pablei salih - Buh jien tame ngak mbang - Dulich di Viet Nam -Hoa  Kỳ. Ngan saong kadha  "Rediscovering Vietnam", Nyaom biai pathau khan kadha ndem ka bruk pasiam veik, peih pabah mbang  saong patagok klhang kajap di Viet Nam hadei di 2 thun jit ruak praong, jeng yau bruk pambuak talei rohim siam gheih di Viet Nam saong Hoa Kỳ tuvak anak tal. Thun 2021 yaom lac gaok rilo kan kandha kayuau jit Covid-19, min bruk pablei salih nao mai Viet Nam – Hoa Kỳ tagok khang, sumu 112 tỷ USD; Hoa Kỳ nan lac gah ngak mbang dang dhi 2 di Viet Nam; Viet Nam urak ini lac gah ngak mbang pablei salih praong ka 9 di Hoa Kỳ. Rilo gah pambuak bruk karei  dak harei dak hu tame dalam, biak siam lagaih saong kein laba.

Tui pathau khan di Mintri Jalan mbak Pajeng ba, tal urak ini, hu 113 bilai thu phí dalam taneh ia hu ba tame pandar bruk mek jien meng điện tử oh padeih radaih. Hu dom bilai oh peih ngak atau kadun tukvak mek jien oh padeih radaih kayua oh ka ngak salah. Dalam mbang ngak bruk haong Mintri Jalan mbak Pajeng ba di harei kabroi,  Phó Thủ tướng Lê Văn Thành hu panuac ieu dom jalan nduac samar bahrau jeng brei pandar bruk mek jien oh padeih di taong abih dom jalan radaih tapa bilai, dom bilai thu phí, hadei di harei 31/7, meyah danak dak halei oh ka peih ngak salah bruk mek jien oh padeih radaih ye brei peih bilai ka radaih tapa, saong brei langyah trách nhiệm kapul nyaom, menuac urang ngak suai damuai bruk nan.

Biar harei 17/5, di tỉnh Hậu Giang, Kapol urang jakar ngak praong  huyện Cheorwon, tỉnh Gangwon (Hàn Quốc) hu mbaoh harak thỏa thuận saong tỉnh ini ka bruk duah urang ngak nong tui bilan pala drak.  Tui harak thỏa thuận  di dua gah, tỉnh Hậu Giang brei pabak 150 urang ngak ka huyen Cheorwon. Urang hu palih ruah lac urang ngak nong Viet Nam, oh tavak duis hagait, prein yawa khang kajap saong oh pacang bruk tabiak negar langiu; umo thun meng labaih 30 tal ala 55 thun; brei palih ruah urang thau ndem meyai sap Hàn Quốc, sap Anh…

Adit pa-ok Cao Lãnh haong baoh kayau praong angaok sàn pablei salih điện tử tỉnh Đồng Tháp rah tabiak meng harei 16/5  tal harei 22/5 di Đồng Tháp piah daong doanh nghiệp, hợp tác xã, kapul nyaom saong urang ngak nong jhul khang bruk pandar công nghệ số, thau ka bruk pablei salih điện tử piah pablei pandap, yaih khan pandap, duah saong peih praong darak pasar pablei kaya nong.

Biar harei 17/5, Jabat Cảnh sát điều tra di Mentri Công an brei ba tabiak kaoh tui hukum, brei pasang iek saong ngak tui dom jalan pacang 9 urang kayua ngak suan “Hukum đấu thầu ngak khat lahik trak” rah tabiak di Sở Y tế tỉnh Tây Ninh saong dom gah pambuak tal. Dalam 9 urang nan hu Hoa Công Hậu – dahlau diah ngak Yam ndoc  Sở Y tế tỉnh Tây Ninh; Lê Thành Lữ  - Dahlau diah lac  Phaok  Akok Jabat  Kế hoạch - Tài chính Sở Y tế tỉnh Tây Ninh; Nguyễn Phước Thiện - Tổng Yam ndoc Công ty cổ phần tư vấn saong đầu tư Nam Sài Gòn.

Harei 17/5, Phaok akaok Hội đồng An ninh Liên bang Nga Dmitry Medvedev hu panuac lac, Nga oh caik rah tabiak bruk mesruh metak dunya mbang ka 3. Ong Medvedev brei thau, Nga hu gilang phao ndao hạt nhân bahrau, hu prein pacang cakak kalin kan dunya mbang ka 3 meyah rah tabiak, kayua dom gah pambuak tal jeng thau dom metai lahik, palai pajoa biak praong, biak khang meyah rah tabiak mesruh metak hạt nhân.

Mentri Jien padai Mỹ birau brei thau hu ba tabiak jalan ngak brei dom taneh ia châu Âu taong jien je blei tame ngan haong menyek tamo di Nga, nan yau sa jalan salih samar jang ka adat pakauk abih oh brei  blei tame. Bruk ngak nan hu ba tabiak di var ginum biai Nyaom 7 taneh ia hu kinh te ngak mbang patagok  abih di dunya ( iew lac G7) dalam adit ini.   

Harei kabroi, 9 urang metai hadei di sa bruk patuh khí gas di 1 tiệm hàn ngak brei sa baoh sang glaong jaleih di bang Kano, gah barak Nigiêria.  Kayua labik patuh daok jaik sang bac nan ye hadei di nan, sang bac brei panduan ba dom anek saih. Urak ini, oh ka thau lac hu anek saih halei njauk hagait ha-oh./.

Urang lang: M. Phuong & Bhumi – 18/05