Patui danak dak Mbang nyaom ka 5, Quoc hoi mbang 15, harei 24/5, dom urang Quoc hoi ginum ka dom asar kadha daok hu panuac karei di gauk di dua Hukum lac: Hukum Đấu thầu (pasiam veik) saong Hukum Phòng thủ dân sự. Quoc hoi pang Pathau khan quyet toan kadung jien karja  thun 2021; Harak khan ka bruk patui jalan peih ngak sarak trun jien je GTGT 2% tui Sarak ka 43 QH mbang 15 thun 2022 saong Harak ka bruk ba tabiak  jalan buh jien tame ngak Danak dak jalan mbak meng Jalan Roya 27 C mbiah tal  jalan ĐT.656 tỉnh Khánh Hòa - pambuak haong Lâm Đồng saong Ninh Thuận.

Mintri Lao động-Thương binh saong Xã hội hu ba tabiak jalan alin hadaih pandap di Akaok negar ka labaih 1,3 triệu urang buh prein ka cách mạng ngan haong yaom jien labaih 427 tỷ đồng di tuk  pahadar 76 thun Harei Thương binh-Liệt sỹ. Dalam nan,  yaom pandap glaong abih lac 600.000 đồng alin ka dom amaik Việt Nam Anh hùng; thương binh pakat B, bệnh binh ruak rup pabhap meng 81% tagok; gauk gar di 2 urang liệt sỹ tagok.  Yaom pandap 300.000 đồng alin ka thương binh pakat B, bệnh binh ruak rup pabhap meng 80% trun; thương binh daok mbang tui sarak lahik prein ngak bruk; urang nao masuh metak njauk jru mek hóa học di rup pabhap meng 80%  trun; urang lambaok ka gauk gar di urang liệt sỹ saong urang ngak bruk kakuh ka liệt sỹ.

Tổng Lãnh sự quán Ấn Độ di TP.HCM saong Akaok Viện Roh duah Darak pasar - Truyền thông Dunya (IMRIC) birau peih bruk pambuak talei pablei pandap di doanh nghiep dua taneh ia. Tui Tiến Sĩ Hồ Minh Sơn - Akaok Viện Roh duah Darak pasar - Truyền thông Dunya, Ấn Độ daok buh jien tame di 28 palei di Viet Nam. Dalam nan, Ninh Thuận  dang akaok haong 4 danak dak. Daok Việt Nam  hu meng 6 -9 danak dak buh jien tame di Ấn Độ, ralo meng lac pablei salih praong saong pablei rai, haong yaom pandap abih tih labaih 6 trieu USD, daok hu jalan tagok tal labaih 28 trieu USD. Di tukvak bruk pablei salih pandap pandar di rilo darak pasar praong meng lavik mai gaok ralo kan kandah, bruk patagok talei pambuak bruk haong dom doanh nghiep Ấn Độ ba mai jalan  lagaih ka dua gah; daong Viet Nam samar langyah bruk pablei  tabiak pandap pandar, abih di nyu nan lac kaya nong, dalam nan hu baoh durien daok hu maong lac baoh kayau patao.

Urak ini, danak dak padang ngak tatua Rạch Miễu 2 (pambuak tỉnh Tiền Giang saong Bến Tre) bahrau ngak hu labaih 10% bruk di nyu saong daok gaok kan kandah ngak ka bruk padang ngak danak dak suai lavik, abih di nyu nan lac cuah pabak ka dom paok thầu daok kurang. Jabat rami ramik tacei jalan ka danak dak tatua Rạch Miễu 2 brei thau lac, danak dak tatua Rạch Miễu 2 caong hu labaih 1,8 triệu mét khối cuah, abih di nyu nan lac cuah tuh di mbaok taneh min tal urak ini, dom po thầu bahrau caga hu labaih 30% cuah, daok kurang tal 70%.

Birau ini, di labik tapen ribaong Cần Lố, xã Nhị Mỹ, huyện Cao Lãnh, tỉnh Đồng Tháp glut jaleih  ngak ka dua baoh sang di bhap bini jaleih trun kraong, khat lahik drap ar tui kuhria tuk camereip lac labaih 500 trieu dong. Dahlau di nan, harei 2/5, di ribaong  Cần Lố dalam xã Nhị Mỹ glut jaleih  atah abih tih 30m, praong meng 4 -5 m, mbang tame dalam jalan 1,9m. UB bhap bini huyen Cao Lãnh iew mBan Tacei jalan pacang caga  BĐKH, pacang caga bala meng langik tasik  saong daong duah urang gaok bala tỉnh Đồng Tháp pambuak haong dom gah pasang iek daong ka palei tui iek  bruk rah tabiak jeng yau jien padai piah pasiam veik labik glut jaleih.

Dom kham marat ginum biai trần nợ công di Mỹ oh mboh hagait bahrau tuk dua gah jeng ka oh njauk gauk di dom bruk hu makna praong. Dom bruk ka oh njauk gauk di urak ini jeng daok ndem tal vil val bruk kurang kadung jien kanja liên bang tuk gah Cộng hòa caong cakak trun phun jien dalam tuk đảng Dân chủ caong tagok jien je ngan haong dom urang kaya mada saong dom doanh nghiệp. Mayah dom mbang ginum biai jeng daok gaok kan kandah, tavak tavaiy, Mỹ tui kuhria meda pacah saiy meng harei 01/06 saong bruk ini meda ngak kanjak praong tal gah kinh tế Mỹ saong abih di nyu nan lac di dunya.

Sa roh duah di Australia brei mboh di thun 2050, hu labaih 800 trieu menuac di dunya meda gaok kan kandah kayua pandik ka-ing. Tui roh duah hu khan brei thau, dalam labaih 30 thun tapa bruk patagok biak ralo dom menuac ruak pandik ka-ing di dunya, kuhria rah tapa labaih 500 ribau  urang njauk ruak  nan yaok thun. Dalam nan, ralo meng lac dom menuac ruak pandik ka-ing  kayua bruk ngak, njuk pakao saong labaih kilo. Bruk njauk biai nan lac, pandik ka-ing tagok ralo abih meda rah tabiak di  Châu Á saong Châu Phi.

Langik oh siam ngak brei ka 2 triệu menuac metai, ngak khat lahik 4 ribau tỷ USD dalam 50 thun tapa. Tui gah kuhria mboh dahlau bruk langik tasik dunya (WMO), langik sarau kadhau dalam mateh piluh thun tapa gaok bruk biến đổi khí hậu kayua manuac ngak tabiak ngak trak damak jang. Dalam labaih tukvak meng thun 1970 tal 2021, dom bala kayua langik tasik, pambuak tal taneh ia lac jaik 12 ribau bala. Dom taneh ia daok cak rok patagok njauk kan kandah trak damak abih. 9/10 dom urang metai rahtabiak di dom taneh ia daok cak rok patagok, dalam nan châu Á lac labik hu rilo urang metai glaong abih, jaik 1 triệu urang, labaih sa mateh lac di Bangladesh. 60% khat lahik jien padai kayua bruk sốc langik tasik saong langik biak sarau kadhau jeng rahtabiak di dom taneh ia daok cak rok patagok./.