Hu labaih 37.000 mbang vaccine Moderna hu klauk dalam mbang ka 1 ni

Mbang nyaom ka 4 di HĐND tỉnh Bình Dương hu brei tapa blah harak pathau khan di UBND tỉnh ka bruk njauk gauk buh jien tame saong sangya lac khik tani tanat kadung jien kanja tỉnh peih ngak danak dak Vành đai 3 TP.HCM labik nao tapa Bình Dương. Jalan Vành đai 3 atah 76,34km nao tapa TP.HCM, Bình Dương, Đồng Nai saong Long An. Piah jhul samar danak dak hu makna pambuak bhum, tui kuhria abih tih kadung jien kanja Trung ương saong dom tinh, ban gam parabha yaom jien ngak jalan. Dalam nan, kadung jien kanja pakat negar tui kuhria lac 38.740 tỉ đồng, kanja tinh, ban kuhria lac 36.637 tỉ đồng.

Harei 25/4, tỉnh Sóc Trăng hu peih bruk klauk vaccine pacang COVID-19 mbang 1, ka uranaih meng 5 tal mala 12 thun dok dalam tỉnh. Mbang 1 klauk vaccine pacang COVID-19 ka uranaih meng 5 tal mala 12 thun di tỉnh Sóc Trăng hu rah tabiak meng harei 25.4 tal 27.4 ka uranaih tal bac 5 song tal bac 6 dok dalam tỉnh (mbang 1). Hu labaih 37.000 mbang vaccine Moderna hu klauk dalam mbang ka 1 ni.

Tỉnh Tiền Giang hu ieu doanh nghiệp njauk thau samar drah lang talaih binek thép pacang ia mbak di kaok ribaong Nguyễn Tấn Thành (di xã Bình Đức- Song Thuận, huyện Châu Thành) piah duh ka bruk nao mai di mangaok ia saong ngak pasiam bruk tachrauk nerak ia dalam binek thép. Dahlau di nan, di harei 7-2-2022, tỉnh Tiền Giang hu peih ngak danak dak binek thép dã chiến di akaok ribaong Nguyễn Tấn Thành piah pacang ia mbak, khik ia taba piah pandar saong pala drak di yaok biluh ribau baoh sang bhap bini pak ini. Abih tih yaom jien buh tame padang ngak danak dak ini lac labaih 10,7 tỷ đồng meng kadung jien kanja. Min kayua bruk njom ia mbak di kraong sông Tiền dalam tỉnh Tiền Giang bilan thu thun ini oh daok trak damak, bhap bini pak ini oh daok kurang ia taba piah pandar saong pala drak, nan ye danak dak pacang ia mbak oh daok lagaih.

Mesup ni 26/4, Jabat Cảnh sát điều tra, Công an huyện Định Quán pambuak bruk song Jabat Cảnh sát pacang khuah, padam khuah song dong duah urang gaok bala Công an tỉnh Đồng Nai pasang iek pak di labik , duah thau ka makna mbang khuah prong di sang mac merai Vinatex Phú Cường, Cụm công nghiệp Phú Cường, huyện Định Quán. Mbang khuah rah tabiak di tukvak 20 tuk 40 minite melam 25/4, Công an tỉnh Đồng Nai hu ba yaok pluh urang jakar, urang lin nao tal labik khuah ini. Hadei di rilo tuk kham merat pandam pui , tal 6 tuk meteh mesup ni, mbang khuah hu pandam abih. Mbang khuah oh hu menuac urang njauk hagait, min ngak ka labaih 4.000m2 sang xưởng njauk khuah, jaleih, rilo pandap pandap di gah dalam njauk apui mbang abih.

Pambuak tal bruk kapul giang hồ cuh phao ngak brei menuac metai di harei 10/12 di phường 6, ban Mỹ Tho, tỉnh Tiền Giang, hadei di rilo harei ba tabiak langyah tui hukum, bier harei kabroi, Tòa án bhap bini tỉnh Tiền Giang hu ba tabiak bruk taong phat biak trak ngan haong dom bị cáo. Nan lac bị cáo Nguyễn Văn Nhựt (umo 31 thun) saong Phạm Trần Trung Kiên (umo 25 thun, gam daok di ban Mỹ Tho, tỉnh Tiền Giang) daok guk luac rai ka dom duas: pametai manuac saong khik piah, pandar suan adat hukum phao ndao quân dụng. Gam haong 2 duas nan, bị cáo Phan Trang Chủ (umo 20 thun), Trần Minh An (umo 21 thun) njauk kaoh duas 24 thun guk. Bị cáo Nguyễn Văn An njauk 16 thun guk ka duas “pametai manuac”. Hội đồng langyah daok taong phat 13 bị cáo karei njauk guk abih tih lac 44 thun guk.

Urang jakar y tế Bắc Kinh brei thau, patui di Triều Dương, quận prong abih di ban ine, meng di harei ni (26/4) tal harei 30/4, ban hu peih 3 mbang dut iek axit nucleic ka 10 quận karei song labik patagok Kinh tế Công nghệ Bắc Kinh. Bruk nan hu batabiak, hadei di tuk ban pathau khan hu labaih 70 urang njom Covid-19 di 8 quận hadei di 4 harei. Abih tih menuac di Bắc Kinh lac jaik 22 triệu urang, dalam tuk abih tih bhap bini di dom labik hu ba tame bruk dut iek lac jiak 20 triệu, meblah labaih 90% rahra dalam ban.

Tui pathau khan hu ba tagok mangaok blah web di Gah Y tế dunya WHO, kuhria tal harei 21/4, hu takik di nyu lac 169 urang viêm gan trak oh ka thau cambaih makna hu khan brei thau di rilo tanat ia, dalam nan rilo abih lac di Anh saong dom urang njauk ruak rilo meng lac uranaih. WHO jeng brei thau, adenovirus hu duah mboh dalam 74 janih ruak di dom urang njauk ruak. Dalam taong yaom kan kandah di drei, WHO brei thau lac, adenovirus urak ini hu maong lac sa giả thuyết ndem ka makna ngak tabiak ruak, min dom bruk kan kandah karei bahrau jeng daok hu roh duah viek.

Ngoại trưởng Nga Sergei Lavrov harei 25/4 hu panuac chỉ trích khang dom taneh ia dalam Hiệp ước Bắc Đại Tây Dương (NATO) jao brei phao ndao ka Ucraina. Ngoại trưởng Nga ndom lac, bruk jao brei phao ndao ka Ucraina jeng hu makna lac NATO biak di nyu dok hu mbaok tame sa bruk mesruh haong Nga. Jeng pagam tal bruk mesruh gauk di Ucraina, Ngoại trưởng Nga ndom lac, Nga dok duah jalan patrun bruk mesruh hạt nhân dalam tuk ni, jang yau trun dom jalan ba tal bruk nan. Tui Ngoại trưởng Nga, dom bruk ni lac biak jhak song hu biak, dom gah jhui tong yaom biak bier dom bruk ni./.

Urang lang: Thu Thao & Hani Pha – 26/04