Akok mentri Công an Tô Lâm javap calei anak QH

Harei ini 10/8, mbang nyaom ka 14 di UBTVQH rah tabiak ngan haong bruk javap calei di Akok mentri Công an Tô Lâm saong Akok Mentri Ilamu, The thao saong Dulịch Nguyễn Văn Hùng. Lac urang calei dahlau abih, Akok mentri Công an Tô Lâm calei dom asar kadha yau salamat jalan an ninh mạng pakat negar. Jalan pacang caga, langyah catang kol tội phạm công nghệ glong, abih di nyu lac bruk ma-in mbia, pachot pagat, bruk peih ngak dom sarak di QH, UBTV QH pambak tal bruk pacang caga tội phạm, abih di nyu lac kol tội phạm matúy, brei mesre laba trak…

Danak dak daoh tamia “Pamaong mai bhum tapen negar, tasik, pulao taneh ia” mbang 9 kayua UBMT negar Việt Nam TP.HCM pambuak haong Rayo papar binguk ban raya peih tabiak di melam 9/8 taduan hu pok jien rik daong jaik 44 tỷ 600 triệu đồng. Danak dak lac tuk piah ka UBMT negar Việt Nam TP.HCM patui jalan ieu bruk rik daong tame kadung jien “Kayua tasik, pulao palei negar – Kayua labik tapen negar taneh ia” ban raya. Dalam thun 2021, Kadung jien ini jak ba hu labaih 17 tỷ đồng piah daong ka sang urang ngak ikan, urang jakar, urang lin, sang kan kandah di bhum tapen negar, pulao kaoh

Bol lin Biên phòng tỉnh Sóc Trăng, Thường trực Cục Chính trị Bol lin Biên phòng pambuak saong Công ty cổ phần ia tasau Việt Nam birau alin brei  408 pa-op ia tasau dinh dưỡng ka uranaih radiuk kan kandah di 4 xã bhum taphia negar tapen tasik tỉnh Sóc Trăng. Ini lac bruk ngak piah ba tangin tame, daong prein haong karja dom pakat dalam tỉnh, dom balai Biên phòng di labik bhum taphia negar tỉnh Sóc Trăng kalak rabha  kan kandah hoang bol bhap kathaot di bhum taphia negar  tapen tasik di tỉnh Sóc Trăng.

Kapul urang ngak nong tỉnh An Giang meda peih Nyaom roya pok meyaom urang nong pala, ngak, pablei salih naih joi mbang ka XIX, vaktu 2019 – 2022, ngan saong kadha: “peih bruk pala ngak tui jalan pambuak gauk, ngak jeng dom bhum pala ngak praong, ngak tabiak dom kaya nong hu yaom glaong”. Nyaom roya piah pok meyaom dom kapul nyaom, menuac urang ngak nong naih gheih dalam bruk urang nong pakacah gauk pala, ngak, pablei salih naih joi, gam haong nan, pataom iek veik, taong yaom kein laba di bruk pakacah, tapa nan ba tabiak dom ilamu saong pambak praong dom urang naih gheih, dom bruk pala, ngak hadah krah dalam hội viên urang ngak nong. 

Taong abih dom jalan kak jien  di 4 balai peih drah samar  Trung Lương – Mỹ Thuận tapa tỉnh Tiền Giang brei kak jien tự động oh padeih meng harei 9/8. Dalam harei akok meti mek jien, balai mek jien ngak bruk mbuan lahei; min kayua jien phí daok glong nan ye labaih 50% radaih peih di jalan raya 1 piah takik abih jien.

 Cty điện lực karja Ceylon Electricity Board (CEB), doanh nghiệp pabak điện độc quyền di Sri Lanka brei tagok yaom điện tal 264%. Urak ini, dom sang pandar takik điện abih di Sri Lanka bayar yaom 2,5 rupee ka 1 kilowatt, meng harei ini, yaom ini tagok jeng 8 rupee sa kilowatt. Sri Lanka daok laik tame bruk srau kadau kinh tế trak damak di abih kuhria meng tuk mek hu độc lập atah di ini 74 thun. Dom urang ngak praong Sri Lanka daok ginum biai haong kapul jien padai dunya ka pok jien daong 3 tỷ USD brei ka taneh ia ini. 

Lambaok thường trực di Trung Quốc pak di LHQ, ong Trương Quân, iew bhap bini di dunya brei ngak dom bruk anak meta piah jhul khang jalan peih ngak di dua karja  piah langyah bruk Palestine hu samar aval di abih. Dahlau di nan, bruk thỏa thuận brei padeih cuh hu njauk gauk Israel saong Phong trào Hồi giáo Jihad (PIJ) di Dải Gaza harei 7/8 hu dom taneh ia di dunya taong yaom glong, padeih bruk mesruh metak sre darah dui atah 3 harei ngak ka 44 urang Palestine metai, 360 urang njauk rambuac saong rilo sang khut, tayah.

Tui harak gar di Đài quan sát Pandiak bhang châu Âu bahrau ba tabiak brei mboh lac, 60% mblang taneh châu Âu haong negar Anh urak ini daok dalam pandiak bhang. Bruk nan hu kuhria mboh dalam tukvak 10 harei jaik puac bilan 7, brei mboh 45% taneh riya di Liên minh châu Âu (EU) daok dalam pandiak bhang. Langiu di nan, 15% mbaok taneh châu Âu daok dalam báo động đỏ, nan lac kurang ia biak khang. Bruk langik tasik thu lagu jeng ba tal dom bruk khuah glai rilo, saong taneh glai khuah biak praong oh ka bhian hu./.

Urang lang: Bhumi & M. Phuong – 10/08