Harei ini (15/6), di mbang ginum biai ka 3, Quốc hội mbang 15, dom urang Quốc hội yar tangin brei tapa saong ginum biai dom danak dak Hukum, Sarak. Dah page, Quốc hội yar tangin brei tapa sarak ka bruk brei quyết toán kadung jien kanja thun 2020. Hadei di nan, Quốc hội ginum biai di hội trường ka danak dak Hukum Dầu khí (pasiam veik). Biar harei, Quốc hội brei tapa Hukum Điện ảnh (pasiam veik) saong Hukum pacacah, pok mayaom (pasiam veik). Hadei di nan, dom urang QH ginum biai di hội trường ka danak dak Hukum pasiam veik pabak dom paka di Hukum Tần số vô tuyến điện. Akaok Mintri Thông tin saong Truyền thông hu ndom puac langyah, ngak brei cambaih dom bruk bo urang Quốc hội ba tabiak.

Mintri Jien padai hu pok tagok Rajaei jalan ngak patrun tal tanut biar di abih yaom kak je khik caga alam môi trường ngan haong xăng manjek. Tui panuac ba tabiak di Mintri, Rajaei meda pasang iek saong pok tagok Uỷ ban Thường vụ Quốc hội brei panuac. Jien je khik caga alam môi trường ngan haong dom pandap xăng manjek hu trun meng harei 1 bilan 4 di tanut 50% ngan haong xăng; trun 70% ngan haong manjek gaih. Min, urak ini yaom je khik caga alam môi trường jeng daok lac 2.000 đồng/lít ngan haong xăng; 1.000 đồng/lít ngan haong manjek. Taphia dom jalan langyah ka jien je, javap jaloi dom tangi sua di mbang nyaom ka 3 Quốc hội mbang XV, Akaok mintri Hồ Đức Phớc brei thau njauk khik tani tanat gah pabak, paglaong prein ngak tabiak dalam taneh ia.

Sở Ilamu  - Thể thao và Du lịch tỉnh Đắk Lắk  dok peih   2 tal pato tong chiêng ka dam dara, uranaih di  huyện Krông Ana. Ni lac, bruk ngak dalam danak dak  kayua Pasak  pambuak bruk dunya  tỉnh Jeollabuk, Hàn Quốc dong ka tỉnh Đắk Lắk. Hu mbaok tame tal bac, dom học viên hu bac bruk taih me-in dom lagu chiêng yau  Raok tuai, uan bilan pala drak, uan padai bahrau. Dom var bac hu peih di dom melam  dalam adit  di sang ilamu xã atau sang cộng đồng di palei, kayua dom nghệ nhân kapul taong chiêng di pak ni tacei pato tapak.

Adit bloh (meng harei 3/6 tal harei 9/6), TP.HCM hu 975 urang ruak cabuai, tangin, takai, 1.586 urang ruak pandiak tabiak darah, jeng tagok dut saong  4 adit dahlau nan. Ban raya jeng mboh hu 123 sruh jit pandiak tabiak darah bahrau tamuh di 77 phường, xã.

Tổng Giám đốc Gah Y tế dunya (WHO) Tedros Adhanom Ghebreyesus brei thau, mbang tamuh ruak  đậu mùa khỉ urak ni biak njauk duh hatai song oh yau dahlau daih,  nan ye, ong brei peih mbang nyaom di  Ủy ban sami samar dalam adit tal, piah tong yaom lac mbang jit ni meda lac bruk khẩn cấp y tế công cộng halei oh. Bruk patabiak tình trạng khẩn cấp y tế dunya  hu mong lac tanut brei thau glong di abih  bo WHO batabiak. Tui  WHO, meng akaok thun tal ni, hu 1.600 urang njom song 1.500 urang medhi ruak  gam song  72 urang metai kayua ruak đậu mùa khỉ di  39 taneh ia.

Bruk langik pandiak bhang di bhum taneh Sừng châu Phi ngak ka takik di nyu labaih 18 triệu urang laik tame bruk kurang padai brah pandap mbang huak biak trak damak. Dalam nan, labaih 7,1 triệu uranaih njauk lavang lavaih trak. Ini lac panuac khan kayua Jabat rami ramik dom bruk ngak pahla di Liên Hợp Quốc (OCHA) ba tabiak bahrau di ini. Tui jabat ini brei thau, abih tih dom urang njauk kan kandah biak trak damak di langik pandiak bhang lac di Ethiopia, Kenya saong Somalia. OCHA kuhria lac, bhum taneh Sừng châu Phi daok mbuan gaok bruk langik pandiak mbang tal puac thun ini, thun ka 5 gam gam, yaom lac tukvak ini lac bilan hajan yaok thun.

Tổng thống Mỹ Joe Biden brei thau dom lubang khik piah tạm thời hu padang ngak rah tui jala tapen negar song Ucraina, dalam nan hu Ba Lan, piah dong pablei tabiak negar langiu rilo  ngũ cốc jang meng taneh ia dok njauk mesruh metak song langyah bruk  khủng hoảng padai brah di dunya. Meng di tuk rah tabiak bruk mesruh gauk di Ucraina di bilan  2 song pacang veik dom pabah lamnge di Biển Đen, bruk pajeng ba  ngũ cốc njauk padeih song labaih 20 triệu tấn dok gar veik dalam dom hầm khik piah. Ucraina khan lac, taneh ia ni dang anak bruk kurang dom luabng khik piah ka sa  bilan ngũ cốc bahrau./.

Urang lang: Thu Thao & H.Pha – 15/6/2022