Labaih 1,7 trieu ti dong lac jien di Danak dak pakat negar padang ngak palei pala birau vaktu 2021-2023 iew urang buh jien tame peih ngak dalam 3 thun tapa. Mbiah tal ini, dalam negar hu labaih 6.000 xã mek hu tanut chuan palei pala birau. Jaik 10.000 pandap OCOP mek hu 3 patuk  tagok, jien mek tame kuhria tui yaok kaok manuac thun ini lac labaih 46 triệu đồng sa urang sa thun. Yau nan min, daok dom bruk kurang yau: rilo bhum palei oh ka caik hatai tal bruk quy hoach  labik pala pataom sa labik pambuak haong pandap pala rilo, darak pasar pablei kaya nong tabiak gaok ralo kan kandah.

Harei ini (18-7),  Mintri Pato Megru brei thau ka bruk pakacah tamat THPT 2023. Tui njauk jalan ba tabiak, suai di abih lac harei 24-7, anek saih hu pabak brei Harak brei thau lac tamat THPT, bayar veik hoc bạ saong dom janih harak gar pambuak tal. Meng harei 10-7 tal harei 30-7, anek saih hu quyền tut angan, ramik veik saong pabak pilih ruah hatai caong đại học dom mbang jeng hu. Meng harei 31-7 tal harei 6-8: anek saih nộp jien pilih ruah tui hadom hatai caong pilh ruah tui jalan online. Daok dom anek saih trúng tuyển lac dom anek saih hu pilih ruah tapak, meng harei 5-7-2023 tal harei 15-8, meda khan brei thau bruk tame bac di angaok Hệ thống.

Danak ar kraong Cần Thơ - Caga BĐKH kayua Mban Khik iek danak dak padang Ban Cần Thơ ngak po đầu tư saong yaom phun jien buh tame ngak abih tih labaih 1.095 tỷ đồng. Danak peih ngak meng thun 2016 ngan haong 4 paok thầu, tui harak pambuak lac 20 bilan, kuhria meng harei jao mbaok taneh.Yau nan min, hadei labaih 7 thun, danak dak oh ka ngak salah kayua Cần Thơ ralo mbang suai jao brei mbaok taneh. Yau nan ye, Yam ndoc Jabat patagok Prang caik hatai, bruk suai damuai ba tal Ban Cần Thơ oh hu taduan phun jien di AFD.  Kayua yau nan ye, bhum palei njauk samar ba tabiak dom jalan thoa thuan, daong bhap bini dalam bruk bayar jien peih taneh.  

Urak ini, yaom la-u that di Bến Tre trun labaih meteh duk haong dahlau daih. La-u (dừa xiêm) that blei oh pilih ruah baoh, yaom meng 35.000-45.000 đồng sa pluh (12 baoh); dom janih la-u that karei yaom blei oh pilih ruah lac meng 25.000-35.000 đồng sa pluh 12 baoh. Ini lac yaom biar di abih dalam labaih 2 thun tapa. Tui panuac khan di dom urang blei salih, năng suất la-u urak ini tagok glaong kayua tame bilan paik baoh nan ye la-u hu biak rilo, ba tal yaom la-u trun biar. Langiu di nan, urak ini dom tỉnh karei daok peih praong taneh pala la-u, nan ye hu bruk meriak gauk meng dom tỉnh karei. Tỉnh Bến Tre urak ini hu jaik 80.000 ha pala la-u.

Pasak Pasang iek ruak kik tỉnh Đồng Nai birau khan brei thau urang metai kayua asau ruak kaik briac min oh nao klauk jru caga. Di harei 30/12/2022, 4 urang  dalam baoh sang ong T.V.P daok di xã Sông Trầu, huyện Trảng Bom njauk asaw raong di sang kaik min oh klauk jru caga asaw ruak kaik saong briac. Hadei di nan, diuk saong 2 urang anek nao klauk jru vaccine caga ruak, daok ong P oh klauk jru. Hadei di nan sang P am cuh klak asaw. Labaih 6 bilan hadei, harei 12/7/2023, ong P mboh ruak yau: mbang oh tame, glaok ta-ok, pandik rup pabhap, huac gaok hangin, huac gaok ia, huac hadah, pandik ta-da. Page  harei 13/7 ong hu  ba tame Sang iek ruak Đa khoa Thống Nhất. Tal harei 14/7, ye ong P metai.

Jaik 1 adit dahlau di harei pilih ruah urang ka Quốc hội mbang VII di Campuchia, taneh ia ini hu công nhận jaik 90.000 urang pasang iek lac menuac dalam taneh ia saong angaok dunya tut angan hu mbaok tame pasang iek di bruk pilih ruah, tui kuhria hu peih tabiak di harei 23/7 tal. Dahlau di nan, melam 16/7, Thủ tướng Campuchia Samdech Techo Hun Sen sa mbang tra tabiak panuac ieu bhap bini ginup umo thun, nao pilih ruah. Di mbang pilih ruah jaik tal, labaih 9 triệu 700 rabau cử tri Campuchia hu buh  phiếu pilih ruah 125 nghị sĩ Quốc hội Campuchia mbang VII.

Dom urang di Hoi dong Bao an LHQ  cagar veik bruk Nga padeih tame Sáng kiến Ngũ cốc Biển Đen, sa thoa thuan kayua LHQ dang tabiak pambuak bruk brei adat ka Ucraina pablei ngũ cốc tapa Biển Đen, gam haong nan brei mboh hatai huac pandap panda mbang huak meda tagok yaom, abih di nyu nan lac di dom taneh ia kathaot. Mỹ ndom lac daok pambuak bruk haong dom taneh ia  karei piah khik bruk pajeng ba ngũ cốc  tabiak truh Ucraina hadei  di tuk Nga padeih hu mbaok tame thoa thuan  ngũ cốc Biển Đen. Ucraina saong Nga lac dom taneh ia pablei ngũ cốc saong dom janih padap mbang ralo abih di dunya, yau nan ye  bruk klaik klaoh halei jeng meda jhul yaom pandap lương thực tagok glaong di dunya.

Ban sit Sanbao, dalam thung lũng Turpan di Tân Cương dalam bhum Tây Bắc Trung Quốc daok pandiak biak khang tuk nhiệt độ dalam harei 16/7 meng blaoh tagok tal 52,2 độ C. Mbang pandiak khang ini tui kuhria daok dui atah takik di abih lac dalam 5 harei tal. Dom mbang pandiak dui atah di Trung Quốc daok ngak kan kandah ka bruk pabak điện di taneh ia saong bruk pala drak, ngak ka rilo menuac huac lac hu veik bruk thu lagu biak khang yau di thun 2022.