Harei ini 29/06, labaih 1 trieu anek saih dalam negar yam tame harei pakacah ka dua, jeng lac harei puac  di mbang pakacah tamat THPT thun 2023. Var page, dom  anek saih pakacah bài KHTN atau KHXH, var biar harei pakacah Ngoại ngữ. Taong abih dom kadha pakacah  brei ngak tui jalan trac nghiem. Harei kabroi, Mentri Pato megru hu payua harak samar drah tal Akok UB bhap bini dom tỉnh, ban ka bruk pakhang  dom jalan khik caga an ninh, salamat Mbnsag pakacah tamat THPT 2023 hadei tuk rah tabiak bruk kadha pakacah Ngữ van saong Toán hu ba tagok mạng XH.  

 Dalam nyaom biai online harei 28/6 haong dom tinh ban dalam bhum ĐBSCL ka bruk pan akaok, ba jalan pacang taong cap kaya ikan suan hukum, oh khan brei thau saong oh njauk tui adat, Phó Thủ tướng Trần Lưu Quang mboh lac dalam taneh ia, jeng yau dom tinh ban bhum Tây Nam bộ mboh hu rilo kham merat dalam bruk taong cap IUU. Yau nan min, Phó Thủ tướng caong lac karja dom tinh ban njauk pilih ruah tabiak bruk piah ba tabiak kaoh tui hukum hình sự. Gam haong nan, njauk sangka salih bruk ngak ka urang taong ikan saong hu jalan khik caga, taong cap kaya ikan khang kajap, patagok kaya ikan piah samar lang talaih thẻ kanyik EC.

Mban tacei jalan patrun kathaot khang kajap, dak padang raidiuk ilamu, palei pala birau saong đô thị văn minh tỉnh Vĩnh Long birau meyaom 56 baoh sang naih gheih dalam tỉnh. Bruk jak ba “ Taong abih bhap bini jum pataom gauk dak padang raidiuk ilamu” di tỉnh Vĩnh Long hu pakat ủy dom pakat saong bhap bini sangka peih ngak. Tapa bruk jak ba nan hu mboh rilo bruk ngak naih gheih  yau “ Kalup kapol baoh sang ilamu, ong muk hadah hadai, anek taco salut mbut”, bruk “ Raong anek khang kajap, pato anek salut mbut”…rik tame bruk cak rok patagok, VHXH di puk palei.  

Sở Y tế tỉnh Bình Dương brei thau, dalam tỉnh hu 2 uranaih metai kayua njauk ruak tangin takai cambuai. Dalam 4 adit jaik ini, hu 548 urang njauk ruak, dalam nan hu 33 urang ruak trak. Dom urang njauk ruak tagok jang rilo mbang duk haong 1 bilan dahlau di nan. Anak bruk jit ruak tangin takai cambuai tagok rilo, urang pan akaok Sở Y tế Bình Dương hu tacei pato dom gah patagok pasang iek saong pacang caga jit ruak. Dalam nan gah y tế njauk pambuak bruk haong Viện Pasteur TP.HCM ba abiak jalan pasang iek catang dom biến thể vi-rút bahrau. Gam haong nan, padang dom kapul pasang iek, daong ilamu kỹ thuật duah thau, langyah, khan brei thau sruh jit ruak tangin takai cambuai di dalam tỉnh.

 Jit ruak SXH daok tagaok di tỉnh Bình Phước. Meng akaok thun tal ini, dalam tỉnh hu 870 mbang urang njauk ruak saong 1 urang metai di huyen Bù Đăng. Tui kuhria mboh dahlau dalam tuk vak anak tal urang njom ruak meda  tagok glong kayua Bình Phước tame bilan hajan, nan lac lagiah brei ka jamoh caik menek. Piah pacang caga  jit ruak, Pasak pasang iek ruak kik tỉnh Bình Phước brei pruh jru peih praong ralo labik, brei ramik hacih dom labik hu sruh jit ruak. Tui nan, iew dom pakat karja brei kham merat  pasang iek bruk ramik ngak brei hacih labik daok; taong phạt  domn urang oh ngak tui Hukum pacang caga ruak njom mbak.

Rajaei Ấn Độ bahrau brei thau sa pok daong abih tih tagok tali 3,7 rabau tỷ Rupi Ấn Độ (lac jaik 45 tỷ đôla Mỹ) brei ka gah ngak nong. Pok daong nan piah daong patagok jien mek tame ka urang ngak nong, pachreih pala drak tui jalan hữu cơ, pasiam taneh pala, khik kajap salamat pandap mbang. Langiu di nan, pok daong bahrau jeng meda daong pandar ka nyu lagaih khak hóa học, meng nan, daong patrun jien buh tame dalam tuk pala drak di urang ngak nong.

Jaik 2,5 trieu baoh sang di Anh dang anak bruk mbuan gaok ralo kan kandah gah jien padai. Langiu di nan hu 6,3 trieu baoh sang daok dang anak bruk patagok ralo kan kandah jien padai, jeng hu makna lac urang khin hu daong  jien bayar dom hóa đơn pandar yaok harei. Anh daok dalam tukvak mboh tanut diukrai trun ralo abih, dalam tuk jien bilan  oh sumu bruk lạm phát tagok samar saong bruk nan meda trak jang tuk yaom sang daok saong sang brei apah tagok jien kayua jien laba mesre tagok.

Kuhria tal harei 28/6, Gah Đặc nhiệm pacang caga kol pablei salih menuac di Indonesia hu langyah 553 bruk pablei salih menuac pambuak tal 642 urang, daong ba tabiak hu 1.826 urang gaok bala. Gah đặc nhiệm pacang caga kol pablei salih menuac Indonesia hu padang tagok tui tacei pato di Tổng thống Joko Widodo piah pacang bruk ini di bhum Đông Nam Á. Tổng thống Widodo jeng lac urang sahneng tabiak bruk pambuak gauk pacang caga pablei salih menuac di bhum Đông Nam Á.