Di nyaom biai online hu mbaok di dom urangdalam Mban tacei jalan pakat negar pacang caga bruk taong cap ikan suan hukum, oh pathau khan saong oh tui adat (IUU) saong urang pan akaok dom tinh, ban tapen tasik hu peih tabiak di dah page harei ini (29/8), Mintri Ngak nong saong patagok palei pala brei thau lac, urak ini hu labaih 28 ribau 750 gilai ikan hu ramik caik pandap pasang iek jalan nao. Di nyaom biai, Phó thủ tướng Trần Lưu Quang ndom lac, meng ini tal bilan 10 tukvak oh daok rilo, ieu kakei dom Mintri, dom gah, dom urang dalam Mban pato tacei jalan IUU peih ngak biak catang tame taoh talaih dom kan kandah piah taoh "thẻ Kanjik" di EC. Dom tinh, ban patui veik paglaong khik ramik gilai ikan, pambuak biak catang haong dom gah chức năng saong jabat Trung ương dalam bruk langyah dom bruk ngak suan, pacang caga bruk taong cap tui njauk adat di IUU.

Harei ini (29/8), di tỉnh Bạc Liêu hu peih bruk ndom biai nao mai di akaok tỉnh Bạc Liêu haong jaik 250 urang ngak nong dalam tỉnh. Bruk ndom biai nao mai ini piah daong ka urang nong cakrok bruk ngak mbang, pablei salih, jhul patagok bruk pambuak gauk patagok bruk ngak nong, palei pala khang kajap. Gam hu mbaok dalam bruk ndom biai nao mai nan, hu akaok UBND dom huyện, ban sit dalam tỉnh; Lambaok kapul urang ngak nong tỉnh saong dom huyện dalam tỉnh; dom sở, ngành dalam tỉnh yau ngak nong, jien padai, công thương, pato megru, ilamu kong nghe, jalan mbak pajeng ba, y tế, ilamu, KHĐT, TBXH

Urak ini mikva urang nong dalam tỉnh An Giang trun pajaih bilan Thu Đông 2023  hu labaih 41% bruk ba tabiak, padai yuak hu tui kuhria lac labaih 923.000 tấn. Piah ka padai mek hu nang suat glaong, So Ngak nong saong patagok palei pala An Giang kakei mikva urang nong pala pajaih padai ka vụ Thu Đông yau ye OM 9582, Đài thơm 8, OM 5451, OM 7347, OM 6976, OM 18, Jasmine 85, OM 9577, OM4900… Ini lac dom pajaih padai hu doanh nghiep pataom blei ngan haong yaom glaong saong tui kuhria mboh tagok. Gam tui di nan jeng kakei rahra oh drak padai pajaih ka oh hu Mintri ngak nong saong patagok palei pala pok brei angan.

Anak dom kan kandah di menuac sia huyện Cần Giờ - TPHCM dalam bruk iek glang prein yava, abih di nyu lac urang kan kathaot njauk ruak thận mạn tính njuak nduac thận nhân tạo, Sang iek ruak Lê Văn Thịnh likau hu peih bruk nduac thận ka rahra Cần Giờ. Sở Y tế TPHCM hu padang kapul urang ilamu taong yaom brei adat peih bruk nduac thận di Pasak y tế Cần Giờ dalam tukvak samar di abih, tui kuhria lac di akaok bilan 10 tal. Yau nan, tal urak ini, TP.HCM hu 40 labik nduac thận di gah y tế ban raya duh ka jaik 4.500 urang ruak suy thận mạn tính hu BS tacei brei nduac thận.

Rilo bruk meblah mek drap ar gam gam rahtabiak angaok jalan roya N2, labik nao tapa huyện Tân Thạnh, tỉnh Long An. Dom gah chức năng hu ba tabiak dom jalan ngak khang yau ye padang 3 bilai pacang caga kol toi pham di jalan roya ini. Langiu di nan, kapul khik iek bilai daok pathau khan, jak ba rahra paglaong hatai, pacang caga, mesuh haong kol toi pham, tệ nạn xã hội. Jalan roya N2 lac jalan pambuak Long An saong Đồng Tháp, hu biak rilo menuac nao mai meng dom tỉnh An Giang, Đồng Tháp tal TP Hồ Chí Minh, Bình Dương.

Khau tin di Triều Tiên brei thau, urang dang akaok Triều Tiên lac Kim Jong-un hu nao ravang Bộ Tư lệnh hải quân taneh ia ini saong ieu patagok prein khang hải quân. Tui urang dang akaok Triều Tiên, hải quân taneh ia ini brei caga mesruh dalam tuk Mỹ, Nhật Bản saong Hàn quốc daok patagok bruk pambuak gauk, ngak ka bhum tasik Bán đảo Triều Tiên jeng labik srau kadau.

Meng harei 30/8, tuai damuai tame negar Trung Quốc oh njauk dut iek samar COVID-19. Bruk test samar COVID-19 hu Trung Quốc pandar meng harei 29/4 thun ini, salih ka dom jalan dut iek PCR. Bruk dut iek samar tuk nan hu pandar dalam 48 maong. Yau nan, Trung Quốc hu mai jaik jang haong bruk klak abih dom bruk patakik piah pacang caga jit ruak COVID-19. Meng di bilan 12 thun dahlau, Trung Quốc meng brei pacadu dom jalan pacang caga jit ruak piah lagaih haong bruk jit ruak.

Hãng Reuters brei thau, yaok ratuh menuac jeng daok lahik dalam bruk khuah glai khang di pulao Maui dalam bang Hawaii di Mỹ yaom lac gah daong duah urang gaok bala hu duah jaik abih labik khuah. Pui khuah gam haong ngin khan ngak brei khuah glai njaom mbak samar, rilo menuac klaak radaih, chat trun tasik piah duah jalan tabiak truh labik khuah. Urak ini jeng oh ka hu panuac brei thau ka makna ba tal khuah glai. Karja hạt Maui hu ngak harak pathau Cty điện lực Hawaii saong ndom lac, bruk metai lahik meda trun hu meyah Cty ini cakak dom jalan talei ba điện./.